رواية الكوبرا و الصقر الفصل الأول 1 - بقلم شيماء

اللواء جمال بحده: خلاص مهمة زي دي مش عارفين تنفذوها. جاسر بإحراج: يا فندم إحنا محتاجين بس شوية وقت. جمال بغضب: وقت إيه يا حضرة الرائد؟ أنا بقالي شهر بسمع منك الكلام ده. محمد بهدوء: يا فندم دول جماعة كتير أوي ومنظومة كبيرة. جمال بغضب: أمّال انت مفكر إيه يا حضرة الرائد؟ يوسف: يا فندم طيب ممكن فرصة تانية. جمال بغضب: فرصة إيه يا حضرات؟ إحنا قدام منظومة كبيرة. جاسر بغضب: عايزنا نعمل إيه؟ كل اللي بنقدر عليه بنعمله.

جمال بجمود: يبقى نشوف حد تاني بقى. يوسف: قصد حضرتك إيه؟ جمال: قصدي انت فهمته يا حضرة الرائد. اتفضلوا على مكاتبكم. *** حسين: يا بنتي شيلي الموضوع ده من دماغك. : إيه؟ خايف عليا يا "سحس"؟ ما تخافش، أنا بميت راجل. حسين: إن ما كنتش أخاف عليكي أخاف على مين؟ : ربنا يخليك ليا. بس برضه انت عارف إن ده حلمي من زمان وأنا لازم أحققه. حسين: وخلاص حققتيه؟ مش لازم بقى المجال ده يا بنتي؟ أنا خايف عليكي. غموض: لا، لسه. ***

جاسر: إيه رأيكم في الكلام ده؟ يوسف: يا ابني هو برضه معاه حق. إحنا بقالنا شهر مش عارفين نوصل لأي حاجة. محمد: طب والمعلومات اللي وصلنا ليها؟ يوسف بحده: قصدي انت فاهم يا جاسر. محمد: يا جماعة اهدوا مش كده. لما نشوف اللواء جمال هيعمل إيه. يوسف: واضح إنه هيجيب حد أكفأ مننا يقوم بالمهمة دي. جاسر بسخرية: وتفتكر في حد يقدر يقوم بالمهمة دي؟ محمد: مش ممكن يكون فيه؟ عشان إحنا أكفأ ضباط هنا.

يوسف بسخرية: انتوا واخدين مقلب جامد في نفسكم. على العموم ممكن يجيب حد من بره. جاسر بحده: وأنا مش هسمح بكده. انتوا فاهمين؟