رواية الكوبرا و الصقر الفصل الثاني 2 - بقلم شيماء

لسه برضو مصممة على رأيك؟ طبعًا، إنت أكتر واحد عارف إني مش هسيب حقي. يا بنتي، خلاص دي حكاية عدى عليها زمن. حتى لو عدى عليها عمر تاني، برضه هاخد حقي وحق أهلي وحق أختي. بيأس: أنا عارف إن الكلام معاكي مش هيجيب فايدة. ماتخافش عليا، أنا بميت راجل. ولا ناسي؟ لا مانستش، إنتِ فعلًا بميت راجل. خليك إنت بس قاعد بتتفرج عليا وأنا برجع حقي. طيب، خليني أساعدك. بغضب: ده حقي أنا، وأنا اللي هرجعه.

حسين: خلي بالك من نفسك، عشان أختك مالهاش حد غيرك. بجمود: أنا بعمل كل ده عشانها أصلًا. حسين: متأكد إنك هتقدري عليه؟ صدقني، أنا هخليه يتمنى الموت في كل لحظة وفي كل ثانية. حسين: ربنا معاكي يا بنتي. *** جمال: ها، وصلتوا لحاجة؟ جاسر: لسه يا فندم، كل اللي وصلنا له إن فيه مجموعة نازلة مصر. جمال بحدة: فين في مصر يا حضرة الرائد؟ جاسر بإحراج: لسه مش عارفين يا فندم. جمال بسخرية: ويا ترى بقى عارف المعاد ولا لسه؟

جاسر بإحراج: أكيد هنعرف يا فندم. جمال بغضب: اللي هو امتى يا حضرات؟ إنتوا واخدين بالكم إن بقالنا شهرين مش عارفين نوصل لحاجة؟ محمد: يا فندم، إحنا بنتعامل مع منظومة كبيرة، أكيد من الصعب إننا نعرف أي معلومة بسهولة. جمال بسخرية: صح، بس المفروض يا حضرة الرائد إن مهمتك تجيب المعلومات، ومافيش حاجة اسمها صعب. يوسف: اللي حضرتك تشوفه يا فندم. جمال: كده مش قدامي غيرها. وعمل اتصال. جمال: أنا محتاجها في مهمة. في طريقها ليك.

جمال: وأنا في الانتظار. جمال: اتفضلوا يا حضرات، اقعدوا. في شخص على وصول دلوقتي. بعد شوية، تدخل. جمال مرحبًا بها: أهلًا أهلًا، المكتب نور. ببرود: إيه المهمة؟ جاسر بغضب: مستحيل! إنت جايب بنت زي دي تقوم هي بالمهمة؟ جمال: الزم حدودك يا حضرة الرائد. جاسر: إنت خليت فيها حدود؟ دي بنت مكانها المطبخ وآخرها تروق الشقة، جايبها تقف قصاد منظومة كبيرة زي دي. جمال كان هيكلم، بس هي بصت له إنه يسكت. وأنت زعلان ليه؟

ولا خايف على شكلك عشان لما أنجح في المهمة دي؟ جاسر بسخرية: تنجحي مين يا ماما؟ إنتي آخرك هلبس إيه النهارده، هخرج فين النهارده، ده آخرك. بتريقة: ما تيجي نبدل الأماكن، إنت تروح تساعد في عمايل البيت وأنا أعمل المهمات بدالك عشان مش عارف تعملها. جاسر بغضب: إنتِ إزاي تكلميني كده؟ ببرود: مش دي الحقيقة. محمد بتريقة: يعني مش هتخافي على شكل جسمك ولا على ضفرك الحلوة إنها تبوظ؟ تؤ، أصلي مش بفكر زيكم، سبت التفكير ده ليكم.

جاسر اتعصب جامد وكان هيضربها، وهي بحركة سريعة منها عرفت تلوي دراعه. بلاش تفكر تعملها، لأني مش هسمحلك، فاهم؟ وقالت بصوت عالي: يلا عشان نتكلم عن المهمة. وقعدوا كلهم، وجاسر عاوز يضرب البنت دي، ومحمد قاعد مستغرب إن بنت هي اللي هتقوم بالمهمة اللي هما مش عارفين يعملوها، ويوسف متابع الموضوع وهو ساكت خالص. جمال: بصي، أنا كلمتك لأني سمعت عنك كتير إنك شاطرة أوي في شغلك. ادخلي في الموضوع على طول، إيه المهمة؟

جمال بإحراج: احم، بصي… والكل استغرب إزاي مديرهم سامحلها تكلمه كده، وسكت عادي. تمام، إيه المعلومات اللي حضرتكم جمعتوها؟ محمد بفخر: بصي… بسخرية: بجد، هي دي المعلومات اللي عرفتوها؟ بص لمحمد بغباء: إيه، حلو؟ ده أصغر واحد في الفريق بتاعي بيجيب لي معلومات أخطر من دي بكتير. وبصت لجاسر واتكلمت بسخرية: واضح يا حضرة الرائد إنكم شايفين شغلكم كويس، عشان كده عاوزنا نقعد في البيت ننضف وندخل المطبخ.

بثقة: يومين وأجيب لك كل المعلومات عنهم. جمال بثقة: متأكد، عشان كده طلبتك. وقامت ومشيت. *** _: عاوزاكم تجهزوا، عندنا مهمة جديدة. أحمد: فريق الأفاعي دائمًا جاهز لأي مهمة. بثقة: بس المهمة دي مختلفة. نور: إيه كانت هي إيه، إحنا جاهزين. كويس، بصوا هتعملوا إيه.