رواية الكوبرا و الصقر الفصل التاسع والثلاثون 39 - بقلم شيماء

وبالفعل حور أفرجت عن الراجل وسابته يمشي. أحمد بغضب: إزاي تسيبيه يمشي كده. حور ببرود: مالكش دعوة. جاسر بعصبية: يعني إيه مالوش دعوة، كلنا لينا دعوة على فكرة. صقر بهدوء: كله يخرج بره. الكل بص لصقر بإستغراب. صقر بصوت هز المكان: قلت أخرجوا بره. الكل خرج بسرعة. صقر بص لحور بهدوء. وحور بصتله ببرود. صقر بهمس: ليه عملتي كده. حور بعدم اهتمام: أنا عارفة أنا بعمل إيه. صقر بعصبية: حووور قولي عملتي كده ليه. حور بحدة:

عايز تعرف إيه؟ مش أنت الصقر؟ اعرف لوحدك بقى. صقر: تمام يا حور. وخرج. *** الراجل: أنا كده عملت اللي عليا. الزعيم: تمام، باقي حسابك هيوصلك بكرة. الراجل: تمام، أنا عايز أبقى معاكم. صابر: وماله، نخليك معانا. الراجل بفرحة: بجد؟ صابر: بجد، روح ظبط نفسك لأول طلعة ليك معانا. الراجل: حاضر. ومشي. الزعيم: وافقت ليه؟ صابر بخبث: عشان يكون في الصورة بدل طلعت، ولما يحصله حاجة يروح في داهية. الزعيم بضحكة: بقيت مش سهل انت ياصابر.

صابر بغرور: إيه رأيك. الزعيم: المهم، ليه ما قولتهوش على معاد التسليم وكل حاجة؟ صابر: لا، ماهو مش هيعرف حاجة، عشان لما يتمسك يكون كرت محروق ليه. الزعيم بإعجاب: يعجبني تفكيرك. دخل الشاب. الشاب: ها، المعاد امتى؟ صابر: بعد بكرة. يوسف: طيب والمكان؟ صابر: نفس المكان بتاع كل مرة. *** عند حور. الكل متجمع. قعدنا. أحمد: إيه يا جماعة الملل اللي إحنا فيه ده. نور بزهق: أوووف، قعدة مملة أوي. ياسمين: إيه رأيكم نعمل حاجة جديدة؟

جاسر: تمام، نعمل إيه؟ جنه براءة: إيه رأيكم نروح الملاهي؟ ياسر بدهشة: دلوقتي؟ هايدي بفرحة: يسلام عليكي يا جنه يا قمر. كل ده وحور ساكتة خالص. صقر متابعها. ومريم بصالهم بحزن والدموع محبوسة في عنيها. محدش لاحظها، لكن حور حست بيها. حور بهدوء: هيرجع. مريم بصتلها بإستغراب. حور بإبتسامة: يوسف بيحبك. مريم كانت لسه هتتكلم، وفي حد دخل. الكل وقف بصدمة. مريم بصدمة: إيه اللي جابك هنا؟ جاسر بغضب: جيت ليه؟ إحنا مش عايزين نعرفك تاني.

مريم بصراخ: امشي، اطلع بره، اخرج بره حياتي. يوسف بحزن: مريم اسمعيني لو سمحتي. مريم بصراخ: مش عايزة أسمعك، بقولك امشي، اخرج بره، بتفهم ولا لأ. حور بهدوء: مريم، اديله فرصة، اسمعي منه. مريم بصتلها بدموع: انتي اللي بتطلبي؟ مني أسمع منه؟ حور ببرود: أيوا، أنا اللي بقولكها. هايدي: مريم حبيبتي، اسمعي كلام حور، اسمعي منه مرة على الأقل. مريم بصتله بدموع وحزن وعتاب ووجع. مريم بهمس: ماشي. خرجوا. قعدوا في الجنينة. يوسف بأسف:

مريم، أنا عارف إني غلطت، أنا آسف. مريم بوجع: آسف؟ هو انت ضحكت عليا ولا خبيت عني حاجة؟ انت خونت البلد، عارف يعني إيه؟ يوسف بحزن: أنا عارف إن غلطتي كبيرة، بس كل اللي عايز فرصة واحدة بس، وأوعدك أصلح كل حاجة. مريم بحزن: وتفتكر اللي اتكسر هيتصلح؟ يوسف: صدقني هصلحه. مريم: حتى لو اتصلح، مستحيل يرجع زي الأول، الكسر هيفضل ليه علامة. يوسف والدموع بانت في عينه:

مريم، أنا عمري ما حبيت حد زي ما حبيتك، صدقني، أنا مستعد أعمل أي حاجة عشان أرجع ثقتك فيا تاني. مريم: سيبها للأيام، يا يوسف، قدره تنسينا اللي حصل.