رواية الكوبرا و الصقر الفصل الثامن والثلاثون 38 - بقلم شيماء

يوسف بحزن: أنا هروح أقولهم على كل حاجة. صابر بسخرية: وتفتكر حور هتعمل فيك إيه لما تعرف إنك إنت اللي خليتها أمضت على عقد الجواز؟ يوسف بحزن: عشان غبي بإيدي ضيعت كل حاجة مني. طلعت بملل: يا ابني ارحمنا بقى، هو كان حد غصبك على حاجة؟ يوسف بص لهم في صمت وخرج وراح... صابر: الواد ده أنا مش مستريحله. طلعت: يوسف لأ، اطمن. زي ما الفلوس جابته في الأول، تقدر تجيبه تاني. الشب: بس كده ضميره صحي.

طلعت بضحك: نخليه ينام تاني، أو نديله منوم مدى الحياة. صابر: سيبك منه، قولي عملت إيه؟ طلعت: الكل تحت السيطرة. أول شحنة أعضاء هتوصل آخر الأسبوع. صابر برفع حاجب: أعضاء بس؟ طلعت: لأ، أكيد. صابر: تمام. *** عند حور، صحيت وأخدت شاور عشان تبدأ يومها. ولبست وراحت شغلها. حور قاعدة في مكتبها بملل، مش متعودة تقعد كده، عايزة تمسك طول الوقت مهمات. دخل جمال: صباح الخير. حور بملل: أهلاً يا فندم. جمال بحزن: عندي أخبار مش حلوة.

حور اتعدلت وقالت بإنتباه: أخبار إيه؟ جمال: يوسف. حور بتركيز: ماله يوسف؟ جمال: للأسف قدر يهرب مننا، اختفى. حور بصدمة: نعم؟ اختفى إزاي ده؟ جمال: مش عارف. حصلت خناقة هنا وبعدها هو اختفى خالص. حور بعصبية: يعني إيه؟ إزاي يهرب؟ هو لعب عيال؟ جمال بتوتر: أهدي يا بنتي، إن شاء الله هنلاقيه. حور لسه هتتكلم، دخل عسكري. العسكري: تمام يا فندم. حور بحدة: خير يا عسكري؟ العسكري: في واحد عايز يقابلك يا فندم. حور بإستغراب: مين؟

العسكري: معرفش يا فندم، مش راضي يقول اسمه. حور بحدة: خليه يدخل. جمال: طيب يا بنتي، أسيبك عشان تشوفي شغلك. حور مردتش، واكتفت بهز رأسها. جمال خرج ودخل الشخص. : كنت عارف إنك هتوافقي تشوفيني. حور بصدمة: يوسف؟ يوسف بحزن: أيوا يوسف. ممكن أتكلم معاكي شوية؟ حور بعصبية: هربت ليه يا يوسف؟ يوسف بسرعة: والله ابدأ، أنا اتخطفت. حور بإستغراب: اتخطفت إزاي؟

يوسف: مش مهم، بعدين هقولك كل حاجة. دلوقتي صابر بيجهز لشحنة أعضاء ومخدرات وأسلحة كبيرة أوي، وميعادها آخر الأسبوع. حور بصدمة: آخر الأسبوع؟ يوسف بإستعجال: حور، صدقني مفيش وقت. وأنا ندمت على كل حاجة عملتها. ومشي. شويه وصقر دخل. آدم: ها يا حور، بتعملي إيه؟ حور: صابر مش عايز يجيبها لبر. آدم بغضب: عمل إيه تاني؟ حور بحزم: في شحنة أعضاء ومخدرات وأسلحة هتحصل آخر الأسبوع. آدم بتركيز: وإنتي مين اللي قالك؟ حور بعدم تركيز: يوسف.

آدم بغضب: ويوسف كان فين؟ حور: كان عندي هنا من شوية. آدم، إحنا لازم نتصرف بسرعة. الشحنة دي مش لازم تدخل مصر. آدم بتوعد: مش هتدخل، حتى لو بموتي. حور بذكاء: طلعت وجريت. آدم راح وراها. حور بغضب: افتح الباب. العسكري: حاضر يا فندم. وفتح الباب. حور دخلت، هجمت على طلعت. وآدم وجمال وأحمد وجاسر ومحمد، الكل موجود ومش فاهم حاجة. جمال بزهول: رعد بتعملي إيه؟ حور ببرود: بشوف شغلي. وبصت لطلعت واتكلمت. حور بهدوء: إنت مين؟

الراجل بخوف شديد لأنه شاف الموت في عينها: هتكلم، بس أبوس إيدك، هيموت عيالي. حور بهدوء: إنت وعيالك في أمان معايا. الكل واقف مستغرب ومصدوم، ما جاش في بالهم إن يكون ده مش طلعت. الراجل: أنا اسمي فتحي، والباشا قالي هتدخل السجن بدل طلعت عشان الشبه اللي بينا. لو رفضت كان هيموت عيالي. حور ابتسمت بخبث: وإحنا هنفرج عنك. الكل بصدمة: إيه؟