رواية الكوبرا و الصقر الفصل الثاني عشر 12 - بقلم شيماء

حور بجمود: جنه. جنه: حور حبيبتي وحشتيني. حور: براحه، حمدلله على سلامتك. جنه: الله يسلمك، انتي كنتي فين؟ حور بعدم اهتمام: كنت في الصين. جنه باستغراب: كنتي في الصين بتعملي ايه؟ حور ببرود: في مهمه. جنه بتركيز: مهمه ايه؟ حور بعدم اهتمام: صابر. جنه عينيها برقت أول ما سمعت الاسم. جنه بدموع: ص... ص... صابر. حور بهدوء: جنه اهدي، مش هيقدر يعملك حاجه تاني. جنه بخوف: ي... يقدر، ه... هيجي يموتني.

حور بحنان: ماتخفيش، ماحدش يقدر يقربلك طول ما انا هنا. وأخدتها في حضنها. جنه بهمس: حور اوعي تسبيني. حور وهي بتغمض عينيها بألم على حال أختها: مش هسيبك يا قلب حور. *** صقر بعصبيه: يعني إيه مش عارف تعرفلي معلومة عنها؟ هاني: والله يا صقر ماحدش يعرف عنها حاجة. صقر بجمود: الفريق بتاعها. هاني: ولا حتى الفريق بتاعها يعرف عنها حاجة. صقر بضيق: طيب والحلة؟ هاني بتفكير: مش عارف. صقر بشرود: يا طرة مخبية إيه.

هاني: يابني طب قولي انت عايز منها إيه؟ صقر بعصبية: مش عايز حاجة. *** حسين: ها يابنتي ناويتي على إيه؟ حور بغموض: كل خير. حسين بخوف من المستقبل: يبقى لسه الموضوع في دماغك. حور ببرود: ومش هيتشال من دماغي طول ما أنا عايشة. حسين بيأس: اللي انتي شايفه اعمليه، أنا تعبت معاكي. حور: جنه جت. حسين بفرحة: بجد؟ حور بابتسامة: أيوا، وخلاص هتقعد هنا على طول. حسين: أحسن، أنا هاخد بالي منها.

ناهد وهي داخلة البيت: وأنا كمان، أمال أنا روحت فين؟ حور بابتسامة: خالتو ناهد ازيك. ناهد بحب: الحمدلله ياقلبي، طمنيني عليكي. حور: الحمدلله، فين أحمد؟ أحمد وهو داخل: والنبي ده أنا هدخل التاريخ، الكوبرا بنفسها بتسأل عليه. الكل ضحك عليه. حور ببرود: اخلص وتعالى، عايزك. ناهد: حور حبيبتي اطلعي هاتي جنه تتعرف علينا. حور: حاضر. وطلعت عشان تجيب أختها. حور: جنه. جنه بخوف: هو كان هنا، كان عايز يموتني.

حور بقلق: حبيبتي اهدي، مافيش حد هنا. جنه برعشة: لا، كان هنا، أنا شوفته، هو كان هنا وقرب مني وقالي إنه مش هيسيبني، بس اختفى لما انتي جيتي. حور بقلق: جنه حبيبتي، ماحدش يقدر يدخل هنا، اطمني، تعالي معايا. وبقى كلام جنه يدور في عقل حور. ناهد: ماشاء الله، قمر يا جنه. جنه باستغراب: انتوا مين؟ حور بهدوء: جنه حبيبتي، ده عمو حسين صاحب بابا، ودي خالتو ناهد أخته، وده أحمد ابنها. حسين بابتسامة: تعالي سلمي عليا يا جنه.

جنه راحت بتردد وسلمت. ناهد بحب: وأنا كمان. وأخدتها في حضنها. أحمد بضحك: أي ست جنه، هو في قمر كده؟ حور ببرود: ولا اتلم، جنه خط أحمر سامع. أحمد بخوف مصطنع: سامع يا معلمة. حور: يلا تعالي، عايزة أكلمك في كام حاجة كده. : مساء الخير يا جماعة. حور باستغراب: دكتور أسر؟ أسر بإحراج: احم، آسف إني جيت من غير معاد، بس كنت عايز أطمن على الآنسة جنه. أسر بتوتر: أيوا. حور ببرود: تمام، تعالا معايا. وانت يا أحمد استنى هنا. ***

نور: أنا مش فاهمة أي علاقة حور مع أحمد. ياسمين: يابنتي اهدي، هو قالك إنه هيفهمك. نور: البيه باسها قدام الكل، ماعملش حتى احترام ليا.