رواية الكوبرا و الصقر الفصل الثاني والعشرون 22 - بقلم شيماء

صقر بغضب: أخذها معي كيف؟ أنا سأركز في أي ولا أي. حور بعصبية: أنت مالك بي؟ جمال بهدوء: يا ابني خليها تروح معك. صقر: يعني أخلي بالي منها ولا أركز في اللي أنا رايح عشانه؟ حور بعصبية: مالكش دعوة بيا، أنا هعرف آخد بالي من نفسي. صقر بغضب: افرضي حصلك حاجة. حور بغضب: وأنت مالك؟ بص أنا هسافر يعني هسافر، أنت فاهم؟ وخرجت. صقر ببرود: شايف.

جمال بتعب: معلش يا ابني استحمل اللي حصل ليها، مش سهل. وهي مش هترتاح غير لما تموت صابر بإيديها. صقر بهدوء: خلاص ماشي، هنسافر النهارده. *** عند حور، كانت تخرج على غضبها في الملاكمة. رن هاتفها: الو. حور: وحشتيني. جنه بحب: وأنتي كمان يا جنتي. جنه بحب: أنتِ هتجي امتى؟ حور بجمود: جنه، أنا مسافرة النهاردة. جنه بقلق: إيه؟ مسافرة؟ رايحة فين؟ حور ببرود: رايحة أمريكا. جنه بخوف: عشان صابر؟ حور بجمود: أيوا، هو هيكون هناك.

جنه بدموع: بلاش يا حور، بلاش تروحي. حور بهدوء: لازم أروح، ده قبل كل حاجة شغلي. جنه: حور، أنا هستناكي، لازم ترجعي. حور بابتسامة: إن شاء الله هرجع. جنه بحب وبعض الخوف: وأنا في انتظارك. حور: خالد فين؟ ده واحشني جدًا. جنه: استني، هخليكي تكلميه. خالد بلهفة: حور، طمنيني عليكي. حور بحب: الحمد لله كويسة، وحشتني. خالد بحب: وأنتي كمان وحشتيني جدًا. المهم، هتعملي إيه؟ حور بجمود: هسافر النهارده.

خالد بقلق: ما بلاش السفرية دي يا حوري، وكلفي حد تاني بيها. حور برفض: خالد، أبوس إيدك، سيبني أعمل اللي يريحني. أنت ماشوفتش اللي أنا شوفته ولا سمعت اللي سمعته. خالد يقلق: خلاص يا حوري، اعملي اللي يريحك، بس عشان خاطري خلي بالك من نفسك. حور بحب: حاضر. (وقفت) *** ناهد: ناوي تعمل إيه؟ أحمد: أعمل إيه في إيه؟ ناهد: مع نور، ناوي على إيه؟ أحمد بحب: أنتِ عارفة إن بحب نور. ناهد: ومستني إيه؟

أحمد بقلق: عاوز أشوف اللي هيحصل مع حور وجنه. ناهد: حبيبي، ارتباطك الرسمي بنور مش هيأثر على أي حاجة. ورجنه في حاجة، وأنا شايفة إن البنت كويسة، وبلاش تسببها تضيع من إيدك. أحمد: طيب، هنروح نطلبها من مين؟ هي عايشة لوحدها. ناهد: خلاص، نروح ليها ونطلب إيديها، وهي لو عاوزنا نروح نطلب من حد، أكيد هتقول. أحمد: خلاص يا أمي، خليني آخد معاد معاها ونروح ليها. ناهد: طيب يا حبيبي، يا ريت يكون بسرعة. أحمد: حاضر يا أمي.

ناهد: ربنا يسعدك يا ابني. *** جاسر وياسمين كانوا ماشيين في الشارع وكان الجو هادي. جاسر: ياسمين. ياسمين: نعم. جاسر: أنا عاوز آخد معاد مع أبوكي. ياسمين: ليه؟ جاسر بحب: هجي أشرب معاه الشاي. ياسمين: لا، اشربه في بيتك، إحنا مش عندنا شاي. جاسر: ياستي، هجيب الشاي وأجي أشربه عندكم. ياسمين بغباء: ليه؟ هو أنتو مش عندكم مكان تشربوا فيه الشاي؟ جاسر: يا رب صبرني، أنا عارف إني أنا اللي جبته لنفسي. ياسمين: مالك يا جاسر؟

جاسر: مالي، بقولك عاوز آجي أشرب الشاي مع أبوكي. يعني عاوز آجي أتقدم ليكي يا هبلة. ياسمين: كانت بتكلم تيجي وفجأة صرخت: أنت بتتكلم بجد؟ جاسر بضحك: أيوا وربنا، يصبرني عليكي. ياسمين بحب: تعرف إني بحبك أوي. جاسر: وأنا كمان بعشقك، رغم إني عرفتك من فترة قليلة، لكن فعلًا حبيتك. ياسمين كانت بتبص له بسعادة. *** صقر بإنشغال: يلا يا حور، طائرتنا كمان ساعة. حور بدموع: أنا جاهزة. صقر كان مش واخد باله منها وكان بيعمل شوية أوراق.

صقر: طيب، طمني على أخواتك. حور بحزن: أيوا. صقر رفع عينه وشاف دموع حور. صقر بقلق: مالك يا حور؟ في إيه؟ حور بضعف: أنا خايفة. صقر بزهول: خااايفة؟ ... الكوبرا خايفة؟ حور بانهيار: أيوا، هي الكوبرا دي مش إنسانة؟ مش من حقي أحس بالخوف؟ مش من حقي أبين أي حاجة؟ مش من حقي؟ رد عليا. صقر بحزن: أكيد من حقك، أنتِ في الأول والآخر إنسانة. حور بدموع: أنا خايفة أحسن ما أقدرش آخد حق أهلي.

صقر بدعم: حور، أنا معاكي، وأنا وانتي هنجيب حق أهلك. عاوزك تكوني مطمئنة. حور من غير تفكير اترمت في حضنه. صقر في الأول اتصدم من قربها منه وكان ماسك نفسه بالعافية. حور بعد وقت بعدت عنه وبصت له بعيونها اللي شبه القطط. صقر من غير تفكير كان بيقرب منها وكان خلاص هيبوسها، لكن هي بعدت بسرعة. حور: لا يا آدم، مش عاوزة أخسرك. آدم: خايفة عليا من نفسك؟ حور: أنا ماليش حق إني أحب ولا أعيش حياة طبيعية زي أي بنت.

آدم: لا يا حور، صدقني، أنا ما عنديش أي مشكلة. حور: لا، خلينا كده أحسن. (وسابته وخرجت) *** محمد بغضب: يعني إيه؟ هايدي بهدوء: يعني اللي سمعته. محمد بعصبية: إزاي الكلام ده؟ هايدي: ده اللي حصل. محمد: يعني حور اتخلت عننا؟ إزاي وهي اللي بعتنا هنا؟ هايدي بهدوء: المهم دلوقتي هنتصرف إزاي؟ محمد بعصبية: أكيد هنرجع مصر في أسرع وقت. أنا ليا كلام مع اللواء جمال لو أوصلها. هايدي بقلق: أنا بدأت أخاف. صابر مش سهل.

محمد بجمود: ما تخفيش، أنا معاكي. هايدي: ربنا يستر. *** حور: يوسف. يوسف: نعم. حور: جهز نفسك أنت ومريم في مهمة، وانتو اللي هتعملوها. يوسف: أنا ومريم؟ حور بغمزة: أيوا، أي خدمة. يوسف: مش عارف أقولك إيه بجد، أنتِ جمعتينا كلنا. (حذر بمرح ولاول مرة) : عشان بس تعرفوا قيمتي.