رواية الكوبرا و الصقر الفصل الخامس والعشرون 25 - بقلم شيماء

ليث قبض على يوسف وفرحة ما تعرف حاجة، ومريم كانت واقفة في ضهر ابنها. فرحة: الو. خالد: قلبي عامل إيه النهارده؟ فرحة برقة: الحمد لله يا خالد. خالد بجدية: ها، عندك إيه النهارده؟ فرحة بضيق: عندي محاضرة كمان ساعة. خالد: طيب يا حبيبي، ابقي رني عليا أجي أوصلك. فرحة بسرعة: لا، أنا عايزة أروح مع واحدة صحبتي. خالد بغضب: فرحة، أنا قولت أنا هاجي أوصلك، مش عايز كلام كتير. فرحة بحزن: يا خالد، أنا مش صغيرة وأعرف أروح لوحدي.

خالد بعصبية: خلصتي؟ كام ساعة وهكون عندك. وقفل. فرحة بصدمة: ده قفل في وشي. -يزن: صباح الخير. جنة بابتسامة: صباح الخير يا حبيبي، اقعد افطر. يزن: حاضر. وقعد شوية وخالد نزل. خالد: صباح الخير. جنة ويزن: صباح الخير. خالد باستغراب: أنت إيه اللي جابك هنا الصبح بدري كده؟ يزن ببرود: وأنت مالك. خالد بغيظ: مالي إيه؟ أنت في بيتي على فكرة. يزن: أنا في بيت جنة، مش كده ولا إيه يا جنة؟ جنة بضحك: طبعًا يا حبيبي.

خالد بضحك: بالله لو بابا سمع، هنروح كلنا في داهية. مليكة وهي نازلة: إيه ده، دكتور يزن بنفسه عندنا! يزن بحب: قولي الأول صباح الخير. مليكة بضحك: صباح الفل. جنة بحب: صباح الخير، يلا اقعدي افطري. يزن قام بسرعة: لأ، إحنا هنمشي. خالد برفع حاجب: هتمشي تروحوا فين؟ يزن مسك إيد مليكة واتكلم بثقة: على فكرة دي مراتي، بس كلها مسألة وقت مش أكتر. ومشي ومعاه مليكة اللي طايرة من الفرحة.

خالد بغيظ: شوف الواد، لاء وكمان البت مشيت معاه على طول. جنة بضحك: مع أعمالكم سلط عليكم. خالد بضحك: أعمل إيه؟ ما ليث برضه بيعمل كده. -الكل اتجمع في بيت المزرعة وقرروا يقضوا رمضان هنا. حور وآدم وكيان وكنزي، مريم وليث وفرحة، جنة وأسر وخالد ومليكة، هايدي ومحمد وغيث، نور واحمد ويزن، وجودي. إنجي صاحبت جودي معاهم بعد إصرار جودي ونور عليها. غيث: بت يا جودي. جودي بمرح: عايز إيه؟ غيث: مين المزة دي؟

جودي بردح: نعم يا خويا، أنت قصدك على إنجي صاحبتي؟ غيث بضحك: شكرًا، خلاص عرفتها. ومشي وجودي بتجري وراه. قضوا جو لطيف مع بعض والشباب قربوا من بعض أكتر. ليث مع كيان. خالد مع فرحة. يزن مع مليكة. وغيث اتعرف على إنجي وأعجب بيها جدًا. جودي بضحك: إحنا السنجل اللي هنا. كنزي بضحك: السنجلة جندلة يا بت. جودي بضحك: بس مش علطول، أنا عايزة حد أطلع عينه. كنزي بضحك: يعني كل اللي هامك إنك عايزة حد تطلعي عينه. -زين بضيق: قولت لأ.

وسام برجاء: عشان خاطري يا بابا، خايف أروح ألعب. ليلي بتدخل: مالك يا حبيبي؟ وسام: تيته، عايز أروح ألعب. ليلي بطيبة: روح يا حبيبي، العب. وسام جري بفرحة. زين بضيق: يا ماما. ليلي: زين، سيبه يلعب، ده طفل، مش معقول هيقعد طول الوقت كده. جاسر بمرح: زين، بقولك تعال نلعب كورة. زين بحماس: ياه، من زمان ما لعبتش، يلا بينا.