رواية الكوبرا و الصقر الفصل الثالث والأربعون 43 - بقلم شيماء

حور بضيق: وبعدين ياجنه. جنه بدموع: انا عاوزه أطلق، ماليش دعوه. آدم: انتي بتقولي إيه؟ انتو متجوزين من شهرين. جنه بدموع: الواطي الساعه 3 الفجر بقوله جعانه بيقولي نامي، والصبح كلي. حور وآدم بصدمه: نعم! جنه بعياط: ماليش دعوه، عاوزه أطلق دلوقتي حالًا. آدم مسك الفون بيأس ورن على اسر. اسر: ألو. آدم: انت يازفت تعالا خد مراتك. اسر بضحك: شوفت من ساعة وجبت آخرك، أنا بقا أعمل إيه؟ آدم بضيق: دي مش بتبطل عياط من ساعة ماجت.

اسر بضحك: بص قدامي، نص ساعة كده وأجي أخدها منك. آدم: ولا دقيقة، حور الحمل تاعبها ومش قادرة لمراتك. اسر بضحك: خلاص، أنا جي في الطريق. حور: ياحبيبتي قوي روحي لجوزك، ربنا يهديكي. جنه برفض: ابدًا، أنا عاوزه أطلق وأقعد معاكي هنا. آدم بصراخ: تقعدي فين؟ خالد وهوا داخل: أنا جيت ياشباب. آدم: خالد جي اهو، اقعدي عند خالد. خالد: حبيبي لا، ربنا يخليك، هما بنات زي بعض، خليها عند حور. جنه بعياط: خلاص، ماحدش فيكم بقا عاوزني.

حور بضحك: ياحبيبتي، إحنا بنهزر معاكي. *** : ها، عملت إيه؟ : كل حاجة ماشية زي ما انت طلبت. : طيب، وعملت إيه في عيلة صقر؟ : مراقبينهم زي ما حضرتَك أمرت. : مش عاوزهم يغيبوا عن عينك ثانية واحدة. : حاضر. : كمان عاوزين نفرقهم عن بعض، طول ما هما جنب بعض وعيلة واحدة، إحنا مش هنعرف نعملهم حاجة، أنا عاوز كل واحد يكون لوحده. : تمام. : يلا روح شوف شغلك ومشي. : بكره، وحقد: مش هسيبكم، هدمركم زي ما دمرتوا حياتي. *** يوسف: إياد.

إياد: نعم يابابا. يوسف: حبيبي جهز نفسك عشان هنروح عند عمو صقر. إياد: قصدك عمو آدم. يوسف بحده خفيفه: إياد، وبعدين قولنا اسمه صقر. مريم: في إيه يايوسف، براحه على الواد شوية. يوسف: ابنك مش بيسمع الكلام. مريم: كده يا إياد تزعل بابا منك. إياد ببراءة: هوا أنا عملت حاجة؟ أنا بس قولت إن عمو صقر اسمه آدم. مريم: طيب، وفيها إيه يايوسف، الولد ما غلطش. يوسف برفع حاجب: يابنتي، هوا أنا هربيكي إنتي ولا أربي الوالد.

إياد بطفوليه: ربينا إحنا الاتنين. مريم بغضب: قصدك إيه يابن الجزمه؟ أنا مش متربية! يوسف بضحك: معلش يامريم، يعني هي أول مرة. مريم بتذمر: يوسف، لم ابنك. إياد: يعني هوا أنا ابنه لوحده. مريم بصدمه: إنت جي منين يالا! إياد سابهم ومشي. مريم: إنت بتضحك. يوسف باس راسها: أنا عندي شغل، هخلص وأجي آخدك إنتي وإياد عشان نروح عند صقر. مريم بحب: ماشي ياحبيبي. *** حسن: ناهد. ناهد: نعم.

حسن: جهزي نفسك، صقر عازم كل العيلة النهارده عنده في البيت. ناهد: حاضر. *** صابر بغضب: أنا مش هفضل طول عمري في السجن ده. طلعت: مش غلطنا، وادينا بندفع التمن. صابر بغضب: والله هخرج من هنا، سواء دلوقتي أو بعدين، وبعدها مش هرحم حد خالص.