رواية الكوبرا و الصقر الفصل الرابع والستون 64 - بقلم شيماء

جودي دخلت المحاضرة هي وصاحبتها. بعد شوية، جاسر دخل. جاسر بجدية: السلام عليكم. جميع الدفعة: وعليكم السلام. جاسر بجمود: أنا دكتور جاسر، وأنا هدرسلكم مادة... شخص: طب والدكتور عبد الحميد؟ جاسر بجدية: الدكتور عبد الحميد طلع معاش. يلا، وعاوزكم تعرفوا إني بكره الكلام أثناء المحاضرة. لو حد اتأخر عن محاضرتي دقيقة واحدة مش هيدخل، ويعتبر نفسه شايل المادة. جميع الدفعة قعدوا يتهامسوا.

جاسر كان بيلف بنظره وشافها قاعدة وسط الدفعة والقلق باين عليها. جاسر ابتسم بانتصار. *** حور: يااااه، الواحد مش مصدق إن رمضان قرب. آدم: كل سنة وأنتي معايا. حور: وأنت طيب يا حبيبي. آدم: بفكر آخدك ونطلع حج، إيه رأيك؟ حور: ياه يا آدم، أحسن مكان في الكون كله. بس البنات. آدم باس إيدها: يا حبيبتي، هما مش صغيرين يعني. حور: معلش يا حبيبي، خليها مرة تانية. أنا حاسة إن في حاجة هتحصل. آدم بتفهم: خلاص يا قلبي، اللي تشوفيه.

حور بجدية: عملت إيه في قضية ... آدم بغضب: حور، أقسم بالله لو عرفت إنك اتدخلتي في القضية، إنتي حرة، فاهمة؟ حور بعصبية: على فكرة ده شغلي، وطبيعي أسأل. آدم قام بغضب: لو على الشغل، سيبيه. حور بغضب: لو آخر يوم في عمري مش هسيب شغلي. آدم بغضب: ... *** ليث بجمود: جبت اللي طلبته منك. الشخص: أيوه، اتفضل. ليث بحدة: ما حدش يعرف حاجة عن اللي طلبته منك، إنت فاهم؟ الشخص بخوف: حاضر ياباشا. ومشي. ليث في نفسه: يا ريت كل ده يطلع كذب.

وبدأ يفتح الأوراق. ليث غمض عينه بغضب. *** جنة بحب: يا حبيبي، اقعد معانا النهاردة، بلاش شغل. أسر: معلش يا حبيبي، غصب عني، لازم أروح. جنة بضيق: كده يا أسر؟ النهاردة عيد جوازنا. أسر بحب: حبيبي، عارف، بس أعمل إيه؟ مشغول الفترة دي. جنة بضيق: ماشي. أسر ابتسم ومشي. *** مريم بصدمة: يعني إيه؟ الشخص: زي ما قولت لحضرتك. مريم بقهر: من امتى؟ الشخص: من سنة ونص تقريبًا. مريم بسخرية: سنة ونص. الشخص: حاجة تانية؟ مريم بضيق: لا، شكرًا.

الشخص خرج. مريم بكسرة: ليه كده يا يوسف؟ أنا وولادك عملنا لك إيه عشان تعمل فينا كده؟ *** كيان بغضب: إزاي الكلام ده؟ أمجد (زميلها في الشغل) : ده اللي حصل. كيان بعصبية: وقت التنفيذ إمتى؟ أمجد بجدية: مش هيحصل هنا في مصر. كيان بشر: كمان؟ أمجد: ها، نبعت مين؟ كيان بغموض: أنا. أمجد: ما أنا عارف إنك إنتي اللي هتروحي. أنا قصدي الفريق. كيان: ما حدش هيروح معايا. أمجد بغضب: نعم يا أختي؟ إنتي اتجننتي؟ كيان بتحذير: احترم نفسك.

أمجد بعصبية: إنتي عبيطة؟ يابت، إنتي عارفة إنتي بتقولي إيه؟ كيان ببرود: أيوا عارفة، ويلا بقى اتكل على الله. أمجد بيأس: حاسس إن رافضي هيكون على إيدك. كيان بمرح: قول يارب. *** الممرضة: دكتورة كنزي، في حالة مستعجلة. كنزي بجدية: تمام، روحي وأنا جايه وراكي. سلمى: يابنتي، ارحمي نفسك شوية. كنزي بإنشغال: أعمل إيه يعني؟ ما إنتي شايفة الشغل. سلمى: كنزي، بجد يابنتي، حرام عليكي نفسك. كنزي: معلش يا سلمى، هكلمك بعدين.

ومشت بسرعة عشان الحالة اللي عندها.