رواية الكوبرا و الصقر الفصل السادس والستون 66 - بقلم شيماء

تاني يوم الكل اتجمع في بيت آدم وحور. والكل قاعد في جو بين ضحك وهزار وفرحة، إلا مريم كانت قاعدة زعلانة ومش بتكلم حد. ناهد بحب: والله وحشتوني يا ولاد. أحمد: وانتِ كمان يا ماما. جودي بضحك: لسه حلوة زي ما انتي يا تيتة. ناهد بضحك: أمال انتي طالعة لمين؟ كيان بضحك: أكيد كلنا طالعين ليكي يا قمر. حسن بضحك: انتوا بتعاكسوا مراتي وأنا قاعد. مليكة بمرح: بقول إيه، ما تيجوا نلعب.

يزن بهدوء: العبوا انتوا، أنا هطلع أقف بره في الجنينة. كنزي: خلاص يلا بينا كلنا على الجنينة. والشباب طلعوا. جنه بضحك: ياااه من فترة ما اتجمعناش كده. ناهد بحب: ربنا ما يحرمنا من لمتنا دي. حور بتعب: يارب. آدم بقلق: مالك يا حور؟ حور بتعب: أنا كويسة. جنه: خالد وروح من لما اتجوزوا وسافروا ما حدش عارف عنهم حاجة. هايدي: سيبهم يفرحوا ببعض شوية. نور بضحك: هو إحنا مش هناكل النهارده ولا إيه؟ أحمد بغيظ: انتي دايماً كده، فضحتنا.

محمد بضحك: شوفتوا يا جماعة، مش بعرف أعلي صوتي على مراتي. حسن بضحك: ليه بتخاف منها؟ هايدي بضحك: لا، بيخاف من غيث. نور: ليه؟ محمد: الباشا بيتخانق معايا لو زعقت لهايدي. ناهد بضحك: أحسن. هايدي: لا، والاتنين بيغيروا عليا من بعض، جوزي بيتغير من ابني والعكس. الكل ضحك عليهم. حور: مريم تعالي. مريم بحزن: معلش يا جماعة، أنا هروح عشان تعبانة. البنات: ما انتي قاعدة معانا. حور قامت: مريم تعالي ورايا. مريم: عن إذنكم. وراحت مع حور.

: أنا عايزها ليا. : يا عم سيبها في حالها بقى، عايز منها إيه؟ : حتى لو إيه اللي حصل، مش أنا اللي هسيبها، هسيبها تروح من إيدي؟ : طيب شوف نعمل إيه وأنا معاك، بس بشرط، تدوق منها يا حلو. : ماشي موافق، بس أنا الأول. : ماشي موافق، بس خليك فاكر إننا ممكن نروح في داهية. : داهية إيه بس، اطمن، أنا عامل حساب كل حاجة. ليلي بحده: هتجي معانا يعني هتجي معانا، انت ووسام، انت فاهم؟ زين بقله حيلة: حاضر يا ماما، هاجي.

ليلي بحب: أيوا كده يا حبيبي، إحنا هنروح الصبح، جهز نفسك. وقَفلت. جاسر بضحك: ها، عملت إيه؟ زين: إيه ده يا جدع، أنا مش عارف أقول لا ليها. جاسر: ليلي طيبة أوي، وأمي التانية. زين: ربنا يخليها يا معلم، يلا عشان أنا هموت من الجوع. زين راح هو وجاسر، وأخد معاه وسام، وراحوا مطعم. حور: يوسف برضو؟ مريم دموعها نزلت وعينيها في الأرض. حور: ارفعي عينك، مش انتي اللي توطي راسك. مريم بكسرة: كسرني يا حور.

حور بتعب: انتي ما اتكسرتيش، انتي فاهمة؟