رواية الكوبرا و الصقر الفصل السابع والستون 67 - بقلم شيماء

فرحه: الو خالد: قلبي عامل إيه النهارده؟ فرحه برقة: الحمد لله يا خالد. خالد بجدية: عندك إيه النهارده؟ فرحه بضيق: عندي محاضرة كمان ساعة. خالد: طيب يا حبيبي، ابقي رني عليا أجي أوصلك. فرحه بسرعة: لا، أنا عاوزة أروح مع واحدة صاحبتي. خالد بغضب: فرحه، أنا قلت هاجي أوصلك، مش عاوز كلام كتير. فرحه بحزن: يا خالد، أنا مش صغيرة وأعرف أروح لوحدي. خالد بعصبية: خلصتي، كام ساعة وهكون عندك، وقفل. فرحه بصدمة: ده قفل في وشي.

يزن: صباح الخير. جنه بابتسامة: صباح الخير يا حبيبي، اقعد افطر. يزن: حاضر. وقعد شوية وخالد نزل. خالد: صباح الخير. جنه ويزن: صباح الخير. خالد باستغراب: إيه اللي جابك هنا الصبح بدري كده؟ يزن ببرود: وانت مالك. خالد بغيظ: مالي إيه، انت في بيتي على فكرة. يزن: أنا في بيت جنه، مش كده ولا إيه يا جنه؟ جنه بضحك: طبعًا يا حبيبي. خالد بضحك: بالله لو بابا سمع، هنروح كلنا في داهية. مليكه وهي نازلة: إيه ده، دكتور يزن بنفسه عندنا.

يزن بحب: قولي الأول صباح الخير. مليكه بضحك: صباح الفل. جنه بحب: صباح الخير، يلا اقعدي افطري. يزن قام بسرعة: لأ، احنا هنمشي. خالد برفع حاجب: هتمشي؟ تروحوا فين؟ يزن مسك إيد مليكه واتكلم بثقة: على فكرة دي مراتي، بس كلها مسألة وقت مش أكتر. ومشي ومعاه مليكه اللي طايرة من الفرحة. خالد بغيظ: شوف الواد، لاء وكمان البت مشيت معاه على طول. جنه بضحك: مع أعمالكم، سلط الله عليكم. خالد بضحك: أعمل إيه، ما ليث برضه بيعمل كده.

الكل اتجمع في بيت المزرعة وقرروا يقضوا رمضان هنا. حور وآدم وكيان وكنزي، مريم وليث وفرحه، جنه واسر وخالد ومليكه، هايدي ومحمد وغيث، نور واحمد ويزن، وجودي. إنجي صاحبة جودي معاهم بعد إصرار جودي ونور عليها. غيث: بت يا جودي. جودي بمرح: عاوز إيه؟ غيث: مين المزة دي؟ جودي بردح: نعم يا خويا، انت قصدك على إنجي صاحبتي؟ غيث بضحك: شكرًا، خلاص عرفتها. ومشي، وجودي بتجري وراه. قضوا جو لطيف مع بعض، والشباب قربوا من بعض أكتر.

ليث مع كيان. وخالد مع فرحه. ويزن مع مليكه. وغيث اتعرف على إنجي وأعجب بيها جدًا. جودي بضحك: إحنا السانجِل اللي هنا. كنزي بضحك: السانجلة جندلة يا بت. جودي بضحك: بس مش على طول، أنا عاوزة حد أطلع عينه. كنزي بضحك: يعني كل اللي هامك إنك عاوزة حد تطلعي عينه؟ زين بضيق: قولت لأ. وسام برجاء: عشان خاطري يا بابا، خليني أروح ألعب. ليلى بتدخل: مالك يا حبيبي؟ وسام: تيتة، عاوز أروح ألعب. ليلى بطيبة: روح يا حبيبي العب.

وسام جري بفرحة. زين بضيق: يا ماما. ليلى: زين، سيبه يلعب، ده طفل، مش معقول هيقعد طول الوقت كده. جاسر بمرح: زين، بقولك تعال نلعب كورة. زين بحماس: يآآآه، من زمان ما لعبتش، يلا بينا.