رواية اللغم الفصل السادس عشر 16 - بقلم زينب احمد

ميلان: انت عرفت الكلام ده منين؟ رشيد: مش مهم عرفت منين. المهم دلوقتي إنك تكوني في أمان يا ميلان، وإنتي عمرك ما هتكوني في أمان وسطهم. ميلان: مالكش دعوة بالكلام ده، واعمل نفسك متعرفش حاجة. رشيد بصدمة: يعني إيه؟ انتي عارفة إن جدي بيستغلك وساكتة ومكملة؟ ميلان: مالكش دعوة بالموضوع ده. رشيد: امال مين اللي ليه دعوة؟ مين اللي هيكون جنبك ويحميكي؟ ميلان: أنا أقدر أحمي نفسي كويس. رشيد ينظر لها ثم يقول بعد تنهيدة: ميلان.

تنظر ميلان له ولعيونها التي تمتلئ بحبه: أنا بحبك وإنتي عارفة كده. تعالي نتجوز ونسافر ونعيش حياتنا. انتي مش مطلوب منك تنتقمي من حد، انتي من حقك تعيشي وتفرحي. ميلان: لا رد. رشيد بزعيق: ردي عليا. ميلان ببرود: لا. رشيد: ليه؟ أنا بقولك أنا معاكي وهاقف جنبك ضد جدي، بس سيبي اللعبة اللي جدي دخلك فيها. سيبيهم وتعالي نعيش حياتنا. ميلان: انت بتضحك على نفسك ولا عليا؟ هو أنا أصلاً عرفت أعيش حياتي؟ أنا ملك لجدك، عارف ليه؟

رشيد: يعني إيه مش فاهم؟ ملك لجدي؟ ميلان: يعني أنا اتبعت ليه وهو دفع ثمني وأخدني. روح لصاحب الملك واطلب إذنه. رشيد: يعني جدي دفع فلوس واشتراني؟ انتي بتتكلمي بجد؟ جدي لا يمكن إنه يعمل كده. ميلان وهي تشاور على قلبه: طول ما انت مسلم دماغك وقلبك ليه ومصدق إنه لا يمكن إنه يعمل كده، يبقى عمرك ما هتصدقني ولا هاتعرف تقف جنبي زي ما بتقول. رشيد: يعني تقصد إنك عارفة إن جدي شريكه بس بتسمعي كلامه علشان هو اشتراك.

ميلان: هههههه ضحكتني أوي. امشي يا رشيد وحاول طريقنا ميتقابلش. رشيد: هو إزاي انتي اتغيرتي كده؟ انتي بقيتي حد تاني، أنا مش فاهمه. ميلان بزعيق وانهيار: انت محاولتش تفهمني. محاولتش تحط نفسك مكاني وتعرف أنا مريت بإيه وحسيت بإيه. من وفاة أمي، لوفاة أبويا، لبيع مرات أبويا ليا، لتنفيذ أوامر قاسية، لتدريبات وتعذيب، لحياة أنا مختارتش أكون فيها. ثم تعود لهدوئها وتقول: بس هاقولك على حاجة. أنا مش ملاك ومش عاوزة أكون ملاك.

ثم تقترب من أذنه وتقول بهمس في أذنه: فاابعد عن طريقي علشان متتأذيش، لأني مش هأرحم حد، حتى لو كنت انت. ثم تبتعد عنه تدريجيا. رشيد بخنقة: انتي لما قولتيلي إنك لما ها ترجعي مش هتكوني انتي، أنا مصدقتش ساعتها وقلت ده كلام. بس اللي أنا شايفه قدامي دلوقتي مش ميلان. انتي شيطان في صورة إنسان، وإنتي اخترتي تكوني كده. كان قدامك طرق تانية وأنا قدمتلك طريق منهم وإنتي رفضتيه. ميلان ببرود: بالظبط كده. امشي يا رشيد ومتجيش تاني.

رشيد: ومين قالك إني هاجي تاني ولا إني هكون عاوز أشوف الوش البلاستيك ده مرة تانية. بس بحذرك تقربي من جدي. انتي فاهمة. وغادر دون أن ينتظر ردها، وأغلق الباب بعنف ورائه. سقطت ميلان على الأرض وتحاول أن تجمع أنفاسها. يذهب إليها أليكس بسرعة: ميلان انتي كويسة؟ ميلان بنفس متقطع: ميه. أسرع وآتِ لها بالماء. شربتها دفعة واحدة وتساقط أغلبها على ملابسها. أليكس: براحة خدي نفسك، بصيلي واعملي زي. شهيق زفير. أيوه كده.

بعد أن هدأت ميلان: روح يا أليكس. أليكس: بس. لم ترد عليه ميلان وصعدت لغرفتها. في بيت سالم. في المكتب. الهام: مين ورا كل ده؟ سالم: مفيش غيره موافي اللي يعمل كده. الهام: تقصد عشان اللي حصل زمان؟ سالم: بالظبط. الهام: وهو مستني كل السنين دي عشان يعمل كده دلوقتي؟ لا مش منطقي. سالم: مش عارف بقى يالهام. الهام: روح قابله وانت تعرف. سالم: أنا اللي أروح لحد عنده؟ انتي بتهزري؟

الهام: لازم تعرف عدوك مين يا سالم. ما يمكن ناوي على حاجة تانية كمان غير كده. سالم: تمام. ها أروح وأعرف إذا كان هو أو لا. في بيت ميلان. دخلت الغرفة وأغلقت الباب. جلست على الأرض وضمت رجليها إليها وظلت تلهث بشدة وتذكرت ما حدث من قبل. فلاش باك. البروفيسور: دي أوضة تأديب. ميلان: تقصد تعذيب. البروفيسور: whatever مش هتفرق. تحبي تجربيها؟ ميلان بتراجع: وأنا أجربها ليه؟

البروفيسور: عشان يكون قلبك ميت وتقدرى تدخلي الحرب دي، لازم تجربيها. أمسكاها رجلان آخران. ميلان: لا لا. وضعوا قماشة على فمها ثم الماء فوقها. ثم أزاحوها. ظلوا هكذا إلا أن فقدت وعيها. أفاقت ميلان على صوت سلسلة حديدة. ميلان بصراخ: انت بتعمل كده ليه؟ انت مجنون؟ البروفيسور: مش هتفرق يا عزيزتي ميلان. المهم تبقي شخص تاني عشان تنفذي ومترجعيش ولا خطوة لورا. رجوع للحاضر.

تضم ميلان رجليها بيدها أكثر ويرتعش جسدها. ثم تضع يدها على أذنها. ثم تقول بصراخ: لا لا. آتى أليكس مسرعاً فلم يغادر بعد. أليكس: ميلان افتحي الباب. ميلان: لا رد. كسر أليكس الباب بعد عدة محاولات ودخل ليجدها ملقاة على الأرض في وضع الجنين ومغمي عليها. أليكس بصدمة وقلق: ميلاان. في بيت مريم. كان يجلسون يشاهدون فيلم أجنبي. مريم: صوفيا. صوفيا دون أن تنظر لها: yeah. أيوه. مريم: انتي حبيتي قبل كده؟

صوفيا تنظر لها باهتمام: Do you love someone, Mary? مريم بتوتر: لا لا مين قال كده. أنا بس بدردش معاكي. صوفيا: Yes, I loved a person, but he did not deserve my love for him. نعم حبيت حد بس طلع ميستحقش حبي ليه. مريم: وعرفتي منين بقى إن بيحور عليكي؟ صوفيا: What does that mean? يحور؟ مريم: يانهار أسوح عليا ده وقت ترجمة. يعني He lies بيكذب عليكي.

صوفيا: Oh, I see. No, he's not lying. He's not trying to do anything for me. آه فهمت. لا هو مكدبش. هو محاولش يعمل حاجة علشاني. صوفيا: Whoever loves, Maryam, must get tired and try to do something for the sake of the one he loves. اللي بيحب يا مريم. لازم يتعب ويحاول يعمل حاجة عشان اللي بيحبه. مريم: آه فهمت. كملي الفيلم. ثم حدثت نفسها بهمس: هو بيحاول يقرب مني وعمل حاجات عشاني. يبقى بيحبني فعلاً. لازم أعطيله فرصة.

صوفيا: What do you say? بتقولي إيه؟ مريم بابتسامة مزيفة: لا ولا حاجة. كلي فشار. في اليوم التالي. تفيق ميلان وتجد بيدها سيرم. وتنظر بجانبها تجد أليكس على كرسي وقد نام وهو جالس. تزيح ميلان السيرم وتقف وتضع الغطاء عليه. ثم تذهب باتجاه الشرفة وتقف بها. صوت من خلفها: أليكس: انتي لسه مريضة ميلان، مش المفروض تقفي في الهوا وإنتي مريضة؟ ميلان دون أن تلتفت له: انت عارف أنا بحس بالحرية إمتى؟ أليكس يذهب ويقف بجانبها: إمتى؟

ميلان: لما بعمل حاجة أنا عاوزاها، زي إن أقف في الهوا كده وأنا عارفة إن هيضرني، بس أنا اخترت ده. أليكس: وزي ما اخترتي تقولي الكلام ده ل رشيد وإنتي عارفة إن قلبك هايتكسر وها يضرك أكتر منه، بس اخترتي ده. ميلان بعد تنهيدة: للأسف مكنش عندي حرية أختار ده. كان لازم أعمل كده. ثم تدخل الغرفة ويدخل خلفها. أليكس: لا مكنش لازم يا ميلان. كان ممكن يكون في صفك.

ميلان بعد أن جلست بتعب: أولاً رشيد كان ها يدخل حرب جوا نفسه، ياترى يكون في أنهي جهة؟ جده اللي بيحبه ورباه ولا أنا. وأنا عافيته من الاختيار. أليكس: وثانياً مش عاوزاه يعرف اللي وصلنا له واللي ها يدمره ويدمر علاقته بجده. ميلان: روح يا أليكس، زمانك تعبان من قعدة الكرسي. أليكس: مش ها أروح قبل ما أعملك شوربة خضار وتاخدي علاجك. انتي كان حرارتك عالية جداً. ميلان بنصف عين: بتعرف تطبخ ولا ها تجيب لي تسمم؟

أليكس: عيب عليكي. ها تدوقي أحلى شوربة خضار في حياتك. ميلان: عيب عليكي! انت جبت الكلمة دي منين؟ لا انت كمان شوية وها تقلب مصري مية في المية. أليكس: نامي وارتاحي لحد ما أعمل الشوربة. ثم غادر دون أن ينتظر ردها. جلست على السرير وعادت بذاكراتها. لأول مرة رات بها أليكس. وجدته ملقى بالشارع وسكينة بداخل بطنه ويخرج دماء من فمه. وعندما رآها بعد أن فاق. أليكس وهو يتلفت يمين وشمال: Where am I؟ أنا فين؟

ميلان بهدوء: Don't worry, you are safe. متقلقش، انت في أمان. أليكس: who are you؟ انتي مين؟ ميلان: It doesn't matter. لا يهم. Just recover and leave. فقط تعافى وغادر. ثم تركته وغادرت الشقة. مرت ثلاث أسابيع. كانت تمشي في الطرقات. وجدت رجال عصابة يلتفون حول أحدهم. ذهبت لترى ما إذا كان يحدث. أحد الرجال: Did you think you got away with it? هل كنت تعتقد أنك هاتفلت بفعلتك؟ ميلان بحدة: What's going on؟ ماذا يحدث هنا؟

أحد الرجال: Who are you, sweetheart? انتي مين يا حلوة؟ ميلان: انتوا اللي مين وإزاي تهاجموا على حد في منطقة اللغم؟ Who are you and how do you attack someone in the Algam area? أحد الرجال بسخرية: وانتِ بقا تعرفي اللغم؟ And you still know algam؟ ترفع علامة بوجهه المعروفة بعلامة اللغم. أحد الرجال بخوف: She knows him. إنها تعرفها. أحد الرجال الآخرين: We're sorry. أسفين. ثم غادروا تاركين من كان يهددونه.

كادت أن تغادر ولكن مسك ذراعها. أليكس: انتظري. Wait. نظرت ميلان ليده فاترك يدها سريعاً. أليكس: أنا آسف ولكن انتي اللي أنقذتيني في ذلك اليوم. I'm sorry, but you were the one who saved me that day. ميلان ببرود: It doesn't matter. لا أهتم. أليكس: ولكني أهتم بذلك. But it's important to me. ميلان: Yes, don't dream of saving you again. أيوه، ومتحلمش أنقذك مرة تانية. أفاقت من شرودها وهو يهزها. أليكس: إيه بتفكري في إيه؟

ميلان: لا ولا حاجة. وضع أليكس الطبق والمعلقة أمامها. ميلان أخذت معلقة من الشوربة وتذوقتها. أليكس وهو ينظر لها ينتظر نتيجة عمله الجاد. أخذت معلقة أخرى. أليكس: هل هي لذيذة ميلان؟ ميلان: أكيد، وإلا مكنتش أخدت منها تاني. أليكس يهلل وكأنه انتصر في معركة مهمة. ثم ينظر لها ويقول: فكري في الزواج بي، فأنا رجل ماهر في صنع الشوربة. ميلان تضحك: ولو هتجوزك ها يبقى عشان الشوربة بس!! أليكس: كبداية يعني.

ميلان: اسكت يا أليكس ولا تمزح كذلك مرة تانية. أليكس وهو يجلب دوائها: as you like. زي ما تحبي. حسام يدخل مكتب يحي بسرعة ويقول له: يحي الرقم اللي بيتصل بيك وبيبلغك بمعلومات عن اللغم قدرنا نوصله. يحي: بجد؟ حسام: أيوه، العنوان أهو. يلا بس بسرعة. يحي: يلا بينا. في بيت عيسى. كان يأكل غداءه ثم رن الجرس. عيسى: في حد يجي لحد دلوقتي. ذهب ليفتح الباب. تفاجئ بمن أمامه. عيسى بصدمة حاول ألا تظهر عليه: أفندم.

يحي بصدمة: انت الجاسوس!!