رواية الم الفراق الفصل الثاني 2 - بقلم قدر مصطفي

لين جت من المدرسة صلت فرضها كلها وقعدت تذاكر. هي لسه مرضتش على ياسين، قالت ما تخدش القرار بسرعة كدا. هصلي تاني. فضلت تصلي أسبوع كامل وكانت كل شوية حاسة بفرحة جامدة، بس عقلها يقولها: مش هتعرفي توافقي بين الكلام معاه والدراسة. فضلت محتارة كتير، صلت كتير بس بردو نفس الإحساس، مبسوطة. عبير: إيه يالين، موفقة؟ لين: بصي ياما، أنا صليت كتير وكان إحساسي إني فرحانة أوي، بس عقلي يرفض كل حاجة عشان الدراسة.

عبير: بصي، أنا مش بجبرك خالص على حاجة، بس إنتي كملي تعليمك. بس بدل ما تدخلي الكلية هنا، تدخلها هناك معاه. وإنتي توافقي بين الكلية والبيت. أنا عارفة يالين إنك صغيرة. إنتي هنا إنتي اللي بتعملي كل حاجة من ترويق لغسيل لنشر لتربية أختك. أنا عشان عارفة إنك نفسك تعيشي هناك في المكان وكمان تدخلي الكلية اللي هناك اللي إنتي حباها، ما كنتش وفقت خالص، بس لقيتك نفسك تعيشي هناك وحلمك إنك تدخلي الكلية اللي هناك، فاوافقت.

لين: تمام يا ماما، أنا موافقة خلاص. عبير: تمام يا قلبي، أنا هقول لباباك إنك موافقة. (نسيت أقولكم إن أبو لين مسافر بره مصر بيشتغل هناك وبييجي كل سنتين يقعد معاهم ٣ شهور) عبير: إيه يا كريم؟ كريم: إيه يا عبير؟ عبير: لين موافقة. كريم: تمام، اقفلي وأنا هأتصل بنرمين. (اتصل كريم على نرمين) نرمين: إزيك يا كريم، عامل إيه؟ وحشاني. كريم: أنا الحمد لله يا نرمين، إنتي والله أكتر. أنا جيت أقولك إن لين موافقة. نرمين: بجد؟ كريم: أه.

نرمين: استني طيب يا ياسين. ياسين: نعم يا ماما. نرمين: هات قلم وورقة. ياسين: حاضر. ياسين: جبت الورقة والقلم. نرمين: يلا يا كريم نتفق على الحاجات. كريم: حاجات إيه؟ نرمين: الحاجات اللي إنت تجيبها والحاجة اللي إحنا نجيبها. كريم: من دلوقتي؟ مش لسه بدري؟ نرمين: لأ، عشان نكون على اتفاق قبل كل حاجة. كريم: طيب، يلا. (في حاجات اختلفوا فيها كتير وقفلوا مع بعض) نرمين: خلاص ياسين، اتفضل على أوضتك.

(تاني يوم وهي نرمين ماشية في الشارع قابلت بنت. مختمرة في الشارع راحت موقفها) نرمين: إزيك يا قمر، عاملة إيه؟ البنت: الحمد لله يا طنط، إنتي عاملة إيه؟ نرمين: أنا كويسة يا قلبي. ممكن رقم مامتك؟ البنت: حاضر يا طنط، اتفضلي. (البنت أدت لنرمين رقم أمها ونرمين اتصلت بأم البنت. وافقوا إنهم يتقابلوا في كنتاكي وفعلاً تقابلوا وياسين قعد مع البنت شوية بعدين مشي) نرمين: إيه رأيك في البنت؟ ياسين: لأ يا أمي، أنا عايز لين.

نرمين: ما دي عسل أهي ومحترمة. ياسين: أنا عايز لين. نرمين: تمام. (اتصلت نرمين على كريم اتفقوا على كل حاجة. العروسة تجيب إيه والعريس يجيب إيه) عبير: لين. لين: نعم. عبير: خالتك وخلانك كلهم جايين عشان نجيب الدهب بتاعك. لين: هما وافقوا؟ عبير: أيوا وافقوا. لين: جايين امتى؟ عبير: الجمعة إن شاء الله. لين: إن شاء الله. (وعدت الأيام) عبير: قولي لخالتك يا ماما.

لين: مش هعرف يا ماما، أنا مقولتش لحد يا ماما غيرك، أنا معنديش أم تانية. عبير: لازم تقولي، دي هتبقى حماتك. لين: هحاول يا ماما. عبير: أول ما تيجي روحي عليها وحضنيها. لين: حاضر. (نرمين جت ودخلت. من كتر ما لين مكسوفة قالت لها: ازيك يا خالته. وسلمت بالأيدي من غير حضن) نرمين: تعالي أحضنك، هو أنا بشوفك؟ لين: حاضر. (لين حضنتها)

(وقفت لين ورا الباب وبتبص على ياسين. كان بيشرب الشاي باللبن وماسك الأارسة في الإيد التانية ياخد قطمة من الأارسة وبعدين يشرب شاي. بصت لين على ملامحه، لقته أسمر مش أبيض، بس كان قمر أوي. هو مش فارق معاها إذا كان أشقر أو أسمر أو عينيه ملونة ولا عادية، مش فارق أي حاجة من دي. هي عارفة إن مش كل حاجة بشكل. هو قمر أوي على فكرة، حتى الرجالة. راحت تصلي الجمعة وجت والبنات شغلوا أغاني ورقصوا شوية. وعلى العصر اجتمع الجميع عشان يروحوا يجيبوا الدهب بتاعها)

نرمين: ما تختاريش حاجة فيها فصوص عشان ما تقعش منك. لين: حاضر. عبير: سلمي على خلانك. لين: حاضر. (سلمت لين على الناس كلها إلا العريس عشان هي عارفة إن حرام تسلم عليه. لكن) نرمين: ههههه، هو عريس مش بيتسلم عليه ولا إيه؟ لين: هاه. نرمين: هاه إيه؟ روحي سلمي على العريس. لين: حرام أسلم. نرمين: لأ مش حرام. (ياسين قام وهو بيضحك ومد إيده. راحت لين بكسوف سلمت ترطيف أصباعيها) ياسين: إيه رأيك يا أمي في الخاتم الأسود ده؟

نرمين: لأ، اختاروا فضي. ياسين: بس ده هو الموضة. نرمين: الفضة أحلى. خال ياسين: خلاص، هات الاتنين. (ياسين جاب الاتنين. راح خالي قال: هو إنت تلبس الاتنين؟ هات الفضة دي ياض) (وبعد ما جبنا الدهب رجعنا البيت. قالوا لازم العروسة تقعد مع العريس شوية. دخلت وهي مكسوفة جدا) ياسين: إزيك يالين، عاملة إيه؟ لين: الحمد لله. إنت عامل إيه؟ ياسين: الحمد لله. ممكن أسألك سؤال؟ لين: اتفضلي. ياسين: هي في استخارة تصلي في أسبوع؟

لين باحراج: معلش بقى. ياسين: عادي، أنا بهزر معاكي. إنتي بتحبي إنك تدرسي لغات؟ لين: آه جدا. ياسين: بتحبي إيه؟ لين: بحب أتعلم صيني وكوري. تعرفي أنا اسمي إيه الصيني؟ ياسين: إيه؟ لين: شاشي. ياسين: ههههههههههه، خلاص أنا مش هنده عليكي غير بالاسم ده، شاشي. لين باحراج: إيه اللي أنا قولته ده. (ياسين فضل يضحك. لين كتير لغاية أما خالي جه) خال ياسين: إيه ياسين، سبناك بما فيه الكفاية ولا إنت لزقت؟ بصراحة إنت من حقك تلزق.

لين باحراج: بعد إذنكم. خال: ياسين اتفضل. (دخلت لين جوه عند البنات وقعدت معاهم. راحت نرمين خدتها عشان ترقص معاها ورقصت. وعدى اليوم على خير) تاني يوم لقت ياسين بعتلها رسالة بيقول: إزيك يالين، عاملة إيه؟ أنا ياسين. لين: رديت عليه: أنا الحمد لله، إنت عامل إيه؟ معلش لسه شايفة الرسالة دلوقتي عشان كنت في المدرسة. ياسين: أنا قولت كده بردو. طيب أكلمك بليل عشان أنا حالياً في الشغل. لين: طيب، ربنا معاك. ياسين: يارب ومعاك.

لين: آمين يا ربي. ياسين: يلا سلام. لين: سلام. (لين قفلت التليفون وقعدت تذاكر. جه بليل بعتلها ياسين) ياسين: إزيك يالين؟ لين: الحمد لله، إنت عامل إيه؟ ياسين: الحمد لله. لين: أما إنت فين كدا؟ ياسين: قاعد مع صحابي على القهوة عشان في ماتش النهاردة. قاعدين عشان نتفرج. لين: آه، طيب خلاص أسيبك مع صحابك. ياسين: لأ عادي، لسه الماتش مجاش. لين: عشان ما أعملش دوشة ليك مع صحابك. ياسين: ملكيش دعوة، أنا عايزك. لين: دوشة؟

ياسين: إنتي عيد ميلادك امتى؟ لين: أنا عيد ميلادي في شهر ٩. ياسين: كام تسعة؟ لين: ١٦. ياسين: أنا في شهر ٨. لين: بجدي؟ ياسين: آه، أنا برج الأسد. لين: وأنا برج الميزان. (لين بتبص على نفسها في المراية. لقيتها بتضحك وبقها مش راضي يمسح الابتسامة اللي عالية. بوقها وجعها بس مش قادرة تمسح الباسمة اللي عالية. اتكلموا شوية وبعدين قفلوا) تاني يوم على الأبطال.

(راحت مدرستها ودروسها. جت ذاكرت وخلصت. وسعدت مامتها في البيت. وجه الوقت إنها تكلم ياسين. هي محددة وقت تكلم معاه عشان متشغلش بالها عن المذاكرة) ياسين: على فكرة يالين، إنتي جميلة أوي ولطيفة، وإنتي بتتحبي على طول. لين بكسوف: شكراً، من زوق حضرتك. (قعدوا سألوا بعض هما بيحبوا إيه وإيه ويكرهوا إيه. لغاية أما لين قفلت عشان تصلي قيام الليل وتنام)