رواية الم الفراق الفصل الثالث 3 - بقلم قدر مصطفي

لين: إزيك يا ياسين عامل إيه؟ ياسين: الحمد لله، إنتي عاملة إيه؟ لين: أنا تمام الحمد لله، إنت عامل إيه في الشغل؟ ياسين: الحمد لله. لين: يا رب دايماً تحمدوا على خير. ياسين: يا رب. لين: إنت بتعمل إيه؟ ياسين: مش بعمل حاجة، قاعد في البيت مع أخويا بنتفرج على ماتش. لين: تمام. ياسين: إنتي وشك حلو عليا والله. لين: شكراً، بس ليه؟ ياسين: كسبنا الماتش. لين: بجد، ألف مبروك. ياسين: ههههه، الله يبارك فيكي. أمال إنتي فين؟

لين: قاعد مع صحابي في الهوا شوية. ياسين: طبعاً وشايفين الشات وإحنا بنتكلم. لين: لأ، أبداً والله، محدش شاف الشات. ياسين: هو إنتي شفتي الاستوري؟ لين: استوري إيه؟ ياسين: أنا منزل ستوري، وباين عندي إنك شوفتيه. لين: لأ، ما شوفتيش حاجة. ياسين: ممكن مامتك وهي ماسكة التليفون شافت بالغلط. لين: ممكن، استنى كدا أشوفها. لين: فرحت أوي، الأغنية جميلة، وأول مرة حد ينزل ليها استوري حلوة كدا. لين: شكراً. ياسين: على إيه؟

لين: على الاستوري. ياسين: العفو، عملتي إيه في يومك؟ لين: مفيش، ذاكرت وصليت وكلت وبكلم حضرتك دلوقتي. ياسين: حضرتك! لين: إيه؟ ياسين: إيه حضرتك دي؟ لين: آسفة. ياسين بحزن: عادي، مفيش حاجة. بتحبي إيه من الأكل؟ لين: بحب الكريب، بحب البيتزا، بحب الصلونة (أكلة هندية) ، وبحب الشوكولاتة. وفي حاجة تانية لو قولتها هتضحكي عليا. ياسين: لأ، متخافيش، مش هضحك. لين: بحب... المصاصة. ياسين: هههههههههههه. لين: مش إنت قولت مش هتضحك؟

وعلى فكرة أنا مش صغيرة، بس أنا بحب أكلي. ياسين: هههه، لأ، صغيرة. لين: لأ، مش صغيرة، على فكرة في ناس عندها 30 سنة وبيحبوا المصاصة عادي. ياسين: خلاص، يبقى أجيب لك مصاصة وأنا جاي. لين بكسوف: لأ، شكراً، مش عايزة. إنت بقا بتحب إيه؟ ياسين: بحب الكريب والبيتزا. وإنتي؟ لين: وأنا بردوه. ياسين: إنتي مفهمتيش صح. لين باستغراب: مش فاهمة إيه؟ ياسين: خلاص. لين: لأ، قولي. ياسين: قولت خلاص. لين: أي دا، أنا مالي، أنا عايزة أعرف.

ياسين: طيب، هرن عليكِ. لين: ماشي. ياسين: عاملة إيه؟ لين: الحمد لله. إيه بقى أنا مش فاهمة إيه؟ ياسين: خلاص، مش لازمة. لين: الله، أنا عايزة أفهم. ياسين: أنا بقولك بحب الكريب والبيتزا وإنتي. لين: ما أنا برضه قولت إني بحبهم. إيه بقى اللي مش فاهمة؟ ياسين: يا بنت، يعني أنا بحب دول وبحبك إنتِ. لين بكسوف: أنا. ياسين: مالك مكسوفة ليه؟ لين: مفيش. ياسين: مش هتقوليها؟ لين: آسفة يا ياسين، هقولها إن شاء الله بعد كتب الكتاب.

ياسين: قوليها مرة واحدة بس، وبعدين يبقى نسمع بعد كتب الكتاب. لين: لأ، هي بتكون أحلى أما بتتقال أول مرة. ياسين: خلاص، براحتك. لين: إنت زعلت؟ ياسين: أبداً، ما زعلتش. لين: طيب، بتحب تسمع مين من المغنين؟ ياسين: بحب أسمع الناس القديمة، الأغاني القديمة. وإنتي؟ لين: بحب حماقي وبحب تامر حسني. ياسين: مالك؟ لين: إيه؟ مفيش حاجة. ياسين: بتحبي مين؟ لين: بحب حماقي وتامر حسني. ياسين: تمام، خلاص. يلا. لين: في إيه؟ ياسين: مفيش حاجة.

لين: فيه. ياسين: يعني بتقولي على دول بحبهم، وأنا مش بتقولها لي؟ لين: مش قصدي إني بحبهم، حب، قصدي صوتهم حلو، عجبني أوي. ياسين: ماشي. هو إنتي بتسمعي لي فرقة بتاعت كورية اللي البنات بيسمعوا ليها؟ لين: قصدك BTS؟ ياسين: آه، هما دول. لين: لأ. ياسين: أحسن، كدا حلو. اياكي تتفرجي عليهم. لين: متخافش، مش بحب أسمع ليهم، بس بحب أشوف جون كوك، هو قمر، بس مش بسمع لأغانيهم. صحبتي ورتني الصورة بتاعته بس.

ياسين: اسكتي يا لين، لحسن أجيلك. لين: هو أنا قولت إيه غير إنه قمر؟ ياسين: اقفلي يا لين. لين: ليه؟ ياسين: اقفلي. أنا رايح الجيم. لين: لأ. ياسين: ليه؟ لين: ليه؟ ياحبيبتي. لين: لأ، متروحش. ياسين: ليه؟ أنا عايز أروح عشان بعدت عن الجيم بقالي كتير. لين: لأ، أنا بحبك كدا، عايزك زي ما إنت كدا. ياسين: ههههههه. لين بكسوف: إيه اللي أنا قولته دا؟ حرام. ياسين: وأنا كمان بحبك. لين: مش قصدي، أنا قصدي إن إنت كدا حلو.

ياسين: مش قصدك إيه؟ فيها إيه يعني أما تقولي بحبك؟ أنا خطيبك، ليه بتقفلي تفكيرك؟ لين: خلاص، ممكن نغير الموضوع؟ ياسين: ماشي. ياسين: إنتي نعسانة؟ لين: شوية. ياسين: خلاص نامي يلا، تصبحي على خير يا قلبي. لين: وإنت من أهله. ياسين: هتوحشيني. لين: ... ياسين: مش بتردي ليه؟ بقولك هتوحشيني. لين: تمام. ياسين: إيه اللي تمام؟ لين: أقول إيه؟ ياسين: ما تقوليش حاجة. سلام. لين: طيب، إنت زعلان ليه؟ ياسين: مش زعلان. لين: لأ، صوتك زعلان.

ياسين: كل ما أقولك حاجة مش بتردي، والأول بقولك بحبك تقولي شكراً، كل ما أقولك شكلك جميل بتقولي شكراً من ذوقك، والمرة الوحيدة اللي قولتي فيها كلمة بحبك قولتي مش قصدي كدا، وأما أقولك وحشتيني بتقولي تمام. خلاص، مش عايز حاجة. لين: طيب، متزعلش، أنا مش قصدي والله، أنا مش بعرف أرد. ياسين: طيب، قوليهالي. لين: هـ... ياسين: ها إيه؟ لين: هتوحشني. ياسين: وإنتي كمان هتوحشيني أوي أوي. لين: سلام. ياسين: هههه، سلام. لين (في نفسها)

: أنا مش هينفع أقوله بحبك وهي حرام، ومش حاسة بيها أصلاً، إحنا لسه في أول العلاقة، مش هينفع أقول. (جيه الصبح على أبطال. لين راحت مدرستها كالعادة، وياسين راح شغله، ولين حضرت كل الحصص بتاعتها، روحت مع أصحابها.) لين: سلام عليكم. فاطمة: وعليكم السلام. لين: إزيك يا طنط، عاملة إيه؟ فاطمة: الحمد لله، إنتي عاملة إيه؟ وياسين عامل إيه؟ لين: الحمد لله. فاطمة: هو ياسين قالك بحبك؟

لين: أيوا يطنط، بس أنا ما قولتش، ومش هينفع أقولها وأنا مش حاسة بيها، حرام، وإحنا في أول العلاقة، يبقى بضحك عليه. فاطمة: اياكي تكوني قولتي كدا ليه؟ لين: لأ يطنط، ما قولتش حاجة خالص. فاطمة: ما ينفعش تقولي كدا، يزعل، وكمان هيقولك إنها مغصوبة عليا، والشباب تفكيرهم الله وأكبر. لين: ما يطنط، إزاي أقولها وأنا مش حساها؟ فاطمة: خلاص، براحتك. أي حاجة قولي بعد كتب الكتاب، وأما تحسيها، يبقا قولي اللي إنتي حاسة بيه كله.

لين: أنا قولت كدا برضه، إن شاء الله خير. يلا يا طنط، عايزة حاجة، هطلع بقى عشان أذاكر. فاطمة: تمام يا قلبي، ربنا معاكي. (طلعت لين وسلمت على مامتها.) عبير: تعالي، عايزكِ. لين: نعم يا ماما. عبير: اياكي تقولي لياسين أنا بحبك أو أي حاجة من دي. لين: حاضر يا ماما. (بعد فترة من الوقت، خلصت لين مذكرتها، وياسين رن عليها.) ياسين: إزيك يا قلبي، عاملة إيه؟ وحشتيني. لين: الحمد لله، وإنت عامل إيه؟ ياسين: الحمد لله.

لين: عامل إيه في الشغل؟ ياسين: والله جي تعبان، كان في شغل كتير النهاردة في الكاميرات، بس الحمد لله خلصت كل حاجة. لين: أكلت؟ ياسين: أيوا الحمد لله. وإنتي عاملتي إيه؟ لين: كالعادة، بذاكر والدرس وبسي. ياسين: معلش، ذاكري كويس. لين: حاضر. محمود: إنتي بتكلمي مين يا لين؟ لين: بكلم ياسين. محمود: ماشي. (نزل محمود عند ستة تحت. وعبير سألته عن لين، راح قالها بتكلم ياسين. جد لين قال لي مامتها: هو دا اللي خايفين منه؟

بنتك مش هتذاكر وهتقعد تتكلم معاه. وفي الآخر راحت أم لين طلعت.) عبير بزعيق: لين! لين: نعم يا ماما. عبير: اقفلي التليفون دا. لين: ياسين على التليفون. عبير: قولت اقفلي. لين: معلش يا ياسين، هقفل دلوقتي وبعدين أكلمك. ياسين: ماشي، شوية وأرن عليكِ. لين: تمام، سلام. (لين قفلت مع ياسين.) عبير: هنشتغل ولا إيه؟

والله لو مش مهتمة بالمذاكرة، والله العظيم هفسخ الخطوبة دي، وياسين مش هتكلمي معاه كل يوم، أنا هحدد ليكي يومين تتكلمي فيه. لين بحزن: حاضر يا ماما. (وبعديها بشوية ياسين رن.) عبير: الو. ياسين: إزيك يا خالتي، عاملة إيه؟ عبير: الحمد لله. ياسين، إنت عامل إيه؟ ياسين: الحمد لله. أمال فين لين؟ عبير: نامت عشان عندها مدرسة. ياسين: عايزة أكلمك في موضوع. عبير: اتفضلي يا خالتي. عبير: معلش يا ياسين، مش هتكلم لين كل يوم.

ياسين: ليه يا خالتي؟ أنا عملت حاجة؟ عبير: لأ، معملتش. بس عندنا في البيت، هي في ثانوي، وبنت خالتها وبنت عمتها برضه، وهنا بيعملوا منفسنة بينهم. وإنت ساعات أما كلمتها، كلهم طلعوا عليا، قالوا مش هتنفع في الدراسة. معلش، تفهم الموضوع. ياسين: عادي يا خالتي، خلاص، نتكلم في أي وقت. عبير: تمام. ياسين، تصبح على خير. ياسين: وإنت من أهله.

(للأسف، لين مكنتش نامت، كانت صاحية لسه، وكانت بتعيط لأنها أول مرة حد يتكلم حلو معاها، وأهلها مش عايزها تتكلم معاه. نامت لين وصحيت تاني يوم عشان المدرسة، وراحت المدرسة، وكلمتها. أخدت التليفون وقفلته خالص عشان ياسين لو رن، يلاقيه تلفون مغلق. فل ياسين يرن لمدة يومين. راحت عبير فتحت التليفون في اليوم التالت بليل. رن ياسين على لين الساعة 7 الصبح.) لين: الو. ياسين بزعيق: قفلتي تليفونك ليه يا لين؟

عبير بصوت واطي: التليفون بايظ. لين: معلش، التليفون كان بايظ ومش راضي يشحن. ياسين: لو تليفونك بايظ، ابعتي من عند خالتي، وقولي بدل ما إنتي سايباني كدا قلقان عليك. لين (في نفسها) : أنا آسفة إني كدبت عليك. لين: آسفة، معلش، حق عليا. ياسين: هايفيد إيه؟ سلام، عندي شغل، يبقى أشوف الموضوع دا بليل. لين: تمام، خلي بالك من نفسك، سلام. لين: لي خالتي كدبت عليه عشان يحس على دمه ويجيب لك تلفون بدل ما إنتي بتستخدم تلفون نوكيا. لين

(في نفسها) : أنا مش عايزة تلفون، أنا عايزة اهتمامه بيا وبسل. لين: ماشي يا ماما. (دخلت لين للأوضة وفضلت تعيط من اللي مامتها بتعمله معاها. مش كفاية إنها بتفرق بينها وبين بنت خالتها. خالة لين تكرهها بسبب إنها بتقارن بينهم.)