رواية المغرور والدلوعة الفصل الأربعون 40 - بقلم ميرو محمد

حياه بعصبيه: جاي ليه ياصقر في كلام تاني عاوز تقوله ولا قرار تاني عاوز تقوله. صقر: اهدي ممكن عشان متتعبيش. ولسه حياه هتتكلم، رن تليفون صقر. حياه: اه رد رد يامكن الست هاجر عاوزاك تخرجها بلمره. صقر: أوووف يارب. دا عمي اهو عمي. ممكن تصبري بقا لما أشوف هقوله إيه. وليد: وفيها إيه يابني مترد. صقر: يا عم هيسألني على الست هانم ولو قولته في المستشفى هيقلق. حسام: بلاش تقولوا في المستشفى، قولوا إننا خرجنا في مطعم برا.

صقر: أهو فصل لو رن تاني هقوله. والباب خبط. الدكتور: مساء الخير. الجميع: مساء النور. صقر: أيوه في حاجة. الدكتور: ممكن أشوف الحالة. صقر بغيره: نعم، أومال فين الدكتورة المتابعة حالتها. الدكتور: دا الشفت بتاعي أنا، الدكتورة روحت وأنا هتابع دلوقتي الحالة. حازم: احم، خلاص يادكتور اتفضل شوف شغلك. صقر بغيره: يتفضل فين ويشوف إيه. انت عبيط ياحازم.

وليد: اهدا ياصقر وبعدين دا شغله. اتفضل يادكتور، تعالي ياصقر نخرج إحنا برا لحد مايخلص. أخذ وليد صقر وخرجوا، وكمان حازم وحسام خرجوا. والبنات فضلوا مع حياه جوه. سهام: أكيد في حاجة عشان كده مردوش يامحمود. محمود: يا ست اهدي، في إيه. سهام: لاء، رن على حسام ولا سما، شوق في إيه، لتكون حياه تعبت. عامر: رن يامحمود طمنا، أنا كمان قلقت. محمود: لا إله إلا الله، حاضر استنى. وبدأ يرن على حسام. حسام: دا عمي.

صقر: رد يا عم أحسن يقلقوا. حسام: الو، أيوه يا عمي. محمود: أيوه ياحسام، في إيه يابني محدش بيرد علينا ليه. سهام: اسألوا عن البنات. محمود: اهدي ياسهام خليني أعرف أكلم. محمود: انتوا كويسين ياحسام، حياه وسما كويسين. حسام: أيوه يا عمي كويسين، إحنا بس كنا في اجتماع. محمود: أومال صقر فين، هو وحياه مش بيردوا ليه. حسام: صقر أهو وحياه مع البنات في الكافيه. محمود: طب هات صقر. حسام: حاضر. خد ياصقر كلم عمي.

صقر: الو، أبوه يا عمي. لاء لاء إحنا كويسين متقلقش. لاء كويسة. لاء بتاخد دواها، إحنا آخر الأسبوع هنيجي. محمود: ماشي ياحبيبي. وإحنا هنا بنجهز للفرح. صقر: ماشي ياحبيبي. مع السلامة. وأغلق الهاتف محمود. سهام: ها قالك إيه. حياه كويسة؟ محمود: أيوه ياستي، وقالي آخر الأسبوع هيوصلوا الصعيد هنا. سهام: هووف، أنا قلبي وقع في رجلي لما مردوش. عامر: يلا الحمد لله إنهم كويسين. حياه: ههههههه ميرسي أوي يادكتور.

الدكتور: ولو، إحنا نطول القمر ده يكون هنا وإحنا نخدمه. حياه: ميرسي يادكتور جدا على كلامك. في الخارج... صقر: ده بيعمل إيه ده كله جوه. حازم: متهدا ياعم، في إيه. صقر: بقولك اسكت، لطلعوا فيك. حازم: لا إله إلا الله. وأنا مالي يا عم. وليد: متهدا انت وهو. وبعدين ده دكتور، هو هيجوزها. صقر: انتوا عارفين إن اللي يخصني محبش راجل تاني يحط عينه عليه، حتى لو بدون قصد.

حسام: خلاص ياصقر. ماهي هتخرج النهارده، هو هيشوف بس محتاجة حاجة قبل ما تخرج. صقر: لاء ماهو اتأخر جوه، وإحنا بصلي على النبي كلنا برا. اوعوا، أنا هدخل أشوف اتأخر ليه كده. دخل صقر مسرعاً إلى الداخل والشباب وراه. الدكتور: ازاي بقا، ده انتي دمك خفيف وعسل كمان، لو مش عيب كنت قلتلك تفضلي هنا معانا. مسكه صقر من القميص بتاعه من ورا.

صقر: انت بتقولها إيه، يا حليتها، مين دي العسل وكمان عاوزاها تقعد هنا معاك. ده انت ليلتك سودا معايا. وأداله بوكس في وشه. جري وليد وحازم وحسام مسكوا صقر. وليد: اهدا ياصقر، اهدا. حياه بصوت: صقررررر بس خلاص، عشان خاطري. صقر بعصبية وغضب: اسكتيييي، مسمعش صوتك، حسابك معايا لما نخرج من هنا. حسام: خلاص ياصقر، اهدا. صقر: وسعوا عشان أربي، عشان يعرف هو بيكلم مين كده، ومرات صقر الهلالي حد يبصلها بس بظه بيحصل فيه إيه.

حازم: خلاص ياصقر. اخرج يادكتور دلوقتي. الدكتور: أنا مش هسكت وهعمله محضر على الضربة دي. صقر بعصبية وعيونه احمرت: العنددددك، اعملووو، وريني نفسك يادكتور البهايم. حسام: متخرجش ياعم، بقا انت مستغني عن روحك. الدكتور: أنا مش هسكت، فاهمين، مش هسكت. وخرج الدكتور بغضب من صقر. حياه بدموع: أنا عاوزة أخرج من هنا. عاوزة أروح. نظر صقر إليها وبدأ يهدأ وجلس على الكرسي ونظر للأرض. بسنت: ممكن تهدوا بقا، مش كفاية حياه تعبانة.

حسام: خلاص الحمد لله إنها جت على قد كده. صقر بهدوء تام: روح ياحازم، ادفع مصاريف المستشفى وهات إذن الخروج. وليد: بس ممكن يخلوا حياه النهارده ياصقر. صقر: أناااااا قوووولت تروووح ياحااازم تجيب إذن الخروج. حياه مش هتقعد هنا ولا ثانية تاني. ولو لازم الأمر أنا هاخدها عندي في الفيلا وأجيب لها الدكتورة والممرضين مخصوص لحد عندها. يلاااا انت وهو واقفين ليه. جري حسام وحازم مسرعين إلى الخارج خوفاً من صقر.

صقر: يلا أنا هخرج أنا ووليد لحد ما تجهزوا عشان نروح. نظر صقر إلى حياه ثم خرج الخارج هو ووليد. ميار: يلا بسرعة أحسن يرجع ياكلنا. بسنت: بس يابت، والله أبيه طيب بس بيغير على حياه أوي. سما: طيب أوي ده لما بيتحول بيبقى عامل زي الوحش يابنتي. الله يكون في عونك ياحياه. حياه: حياه خلاص مش عارفة تعمل مع إيه. بسنت: طب يلا قومي اجهزي عشان ميجيش يزعق. قامت حياه تلبس وتجهز عشان يروحوا. في الخارج... وليد: اهدا بقا ياصقر خلاص.

صقر: يعني عاوزني اسكت لما أسمعه بيقولها الكلام ده ياوليد. وليد: أنا مقولتش تسكت، أنا بقولك تهدا، واديك شفت هي خافت إزاي ياصقر. صقر: اهو اللي حصل. جاء حازم وحسام إليهم. حازم: امسك ياسيدي، ادي إذن الخروج وكمان المصاريف اتدفعت. صقر: كده تمام، روح ياحسام قول لهم يلا، وانت ياوليد انت وحازم انزلوا جهزوا العربيات. وليد: ماشي. وأخذ حازم ونزلوا إلى أسفل وانتظر صقر خروج البنات هما وحسام. خرجت حياه والبنات.

وذهب صقر مسرعاً إليهم وأخذ يد حياه وحط إيده في وسطها وسندها ومشوا. نظرت حياه إلى صقر وكانت مبسوطة باهتمام صقر إليها. نزلوا إلى أسفل وركبت حياه مع صقر والبنات مع الشباب وانطلقوا بالعربيات إلى البيت. في عربية صقر... حياه: كان لازم يعني تتعصب أوي كده على الدكتور. صقر: نعم ياختي، وانت فاكرة إني هسكت لما حد يبصلك بس، مش يقولك الكلام الزفت اللي قاله ده. حياه: ودي غيرة ولا غرور وتملك.

صقر: جدع والله جدعة، يعني ده ربنا قدرك عليه ياست حياه. وليه متقوليش حب، عشق، مش عاوز حد يقولك كلمة حلوة غيري. حياه: فين الحب ده ياصقر، وانت رايح تعين البنت اللي عاوزة تموتني وبتحبك سكرتيرة عندك، لا وأيه كمان السكرتيرة الخاصة بتاعتك. ده يبقى إيه ياصقر. صقر: خوف، خوف عليكي. حياه: مش فاهمة.

صقر: ماهو عشان انتي مش فاهمة يبقا تسكتي ومتظنيش فيا كده. ويعلم ربنا إن كل ده عشانك، وكمان لما أنا هعينها عندي هكون تحت عيني ياحياه. أنا كنت أقدر أطردها برا الشركة بس ممكن كانت تأذيكي وإحنا منعرفش، بس أنا لما هعينها هتكون تحت عيني وهعرف تحركاتها لحد ما أكشفها وأجيب دليل ضدها وأسلمها للحكومة. حياه: بجد ياصقر، يعني انت خايف عليا.

صقر: حياه انتي عبيطة. انتي ناسيه إنك مكتوب كتابك وإنك حالياً قدام ربنا إنتي مراتي. وغير كده انتي روحي وحبيبتي وعشقي، انتي عشق الصقر ياحياه. حياه: بحبك أوي ياصقر. صقر: وأنا بموت فيكي، وعيني وقلبي ليكي انتي. وبعد وقت قصير وصلوا إلى فيلا صقر. نزل الجميع من العربيات. بسنت: إحنا إيه اللي جبنا عند فيلا أبيه. حازم: مش عارف، صقر قال إنكم هتقعدوا هنا. ميار: نعم، إزاي ده. صقر نزل من العربية هو وحياه. وليد: ها هتعمل إيه.

صقر نظر إلى حياه وقال: هنعيش كلنا هنا. الكل بصدمة: إيه. صقر: في إيه مالكم. وليد: أيوه بس مينفعش. صقر: مينفعش ليه، هنعيش كلنا مع بعض ونكون جنب بعض بدل ما كل واحد في مكان ونكون قلقانين عليهم. حازم: أيوه بس ممكن البنات يرفضوا عشان ممكن يكونوا عاوزين ياخدوا راحتهم. صقر: خلاص نشوف رأيهم. ثم وجه كلامه للبنات وقال: ها رأيكوا إيه، موافقين ولا لاء. ظلت كل واحدة تنظر للأخرى ثم تكلمت سما.

سما: أظن إحنا واثقين جداً منكم، ولو واحدة حبت تاخد راحتها فاإحنا لينا غرفة أكيد نعمل اللي إحنا عاوزينه، ولا رأيكوا إيه يابنات. بسنت: أنا معنديش اعتراض. حياه: وأنا أكيد برضو، على الأقل هنام ومنكونش خايفين واحنا لوحدنا دلوقتي، هنكون معاكم. الكل نظر إلى ميار. ميار: تمام، وأنا أكيد معاكم وواثقة جداً فيكم. صقر: بس كده، خلاص، يلا ندخل جوه ونشوف الدنيا. حياه: بس هدومنا وحاجتنا في الشقة. صقر: مش مشكلة، بكرة نبقى نجيبهم.

بسنت: طب هنام إزاي كده بهدوم الخروج، وأصبح هروح إزاي الجامعة، لازم أجيب حاجتي. صقر: خلاص روحي انتي وميار وحازم ووليد هيروحوا معاكم، هاتوا حاجتكم وحاجة الباقي. وحياه وسما هيجهزوا الأوض ليكم. حازم: أوك، يلا يابنات. ذهبت ميار وبسنت مع حازم ووليد إلى الشقة. وحياه وسما دخلوا الفيلا مع حسام وصقر. حياه: إيه ده، دي محتاجة تنضيف. صقر: ما إحنا مبندخلش أي ست هنا، فبنعمل على قدنا.

سما: طب خلاص يلا يا حياه نطلع نبدأ ننضف الأوض لحد ما البنات تيجي وننضف هنا. حياه: اوكي، وطبعاً يا أستاذ صقر إنت وحسام هتساعدونا. نظر حسام وصقر لبعض. وقالوا: إحنا. سما: أيوه إنتوا، ويلا عرفونا فين الأوض بتاعتنا. وفعلاً بدأوا في تنضيف الفيلا وبدأ صقر يساعد حياه في ترتيب السرير. وحسام وسما بيرتبوا الدولاب ويكنسوا. خلصوا الأوض ونضفوها وجلسوا يستريحوا. حياه: اه يا ضهري، إيه ده، إيه بقالكم قد إيه منضفتوش.

صقر: وحتي لو بنضف كل يوم مش هيكون زيكم يعني. سما: في دي عندك حق، إنتوا بتعرفوا كوباية شاي عشان تروقوا وتغسلوا وتمسحوا. حسام: وإنتي عشان نضفتي أوضة ولا اتنين حكمتي على نفسك إنك ست بيت يابنتي. سما: أنا ست بيت غصب عنك. حسام: بت، احترمي نفسك ياسلعوه. سما: ينهارك أسود، أنا بت وكمان سلعوه ياحيوا.ن. حسام: وربي هاجي أربيكي عشان إنتي ناقصة تربية. وبدأوا يتشاجروا. قام صقر وحياه يحشوهم عن بعض وهما برضو بيتخانقوا.

صقر: حسام خلاص، بس عيب. حياه: سما عشان خاطري، حقك عليا أنا. سما: لاء، أنا هعرفه إزاي يكلمني كده. حسام: ماهو إنتي لازم تتربي، هربيكي. صقر: مخلاص بقا انت وهي. وفجاءه... جاء صوت مسهوك من الخلف: هو في إيه، انتوا بتتخانقوا ليه كده. نظرت حياه للخلف وصقر وسما وحسام، وكانت الصدمة.