رواية المغرور والدلوعة الفصل السابع عشر 17 - بقلم ميرو محمد

وصل صقر وحياه والكل إلى فيلة عائلة الهلالي. وكانت بدأت التحضرات للخطوبة. حياه: هو في إيه؟ صقر: إنتي نسيتي يا حبيبتي إن الخطوبة بتاعتنا النهاردة. حياه بفرحة: بجد يا صقر؟ صقر: بجد يا روح صقر. محمود: وهي والدتك وافقت يا صقر؟ صقر: أيوه، بس قالت كتب الكتاب يكون يوم الفرح. وعشان كده مش هقدر آخد حياة عندي في الفيلة وهخليها مع بسنت وميار في الشقة. سهام بقلق: وهي موافقتش ليه؟ ثم نظرت لمحمود.

صقر: معرفش والله. بس هي قالت تكون حياة اتعودت على حياتنا وكده. المهم يلا بقى ندخل عشان تجهزوا. بسنت: بس يا أبية إحنا مجبناش حاجة للخطوبة. وكمان حياة مجبتش الفستان. صقر: يا قلب أبية، إنتوا تقعدوا وكله يجي لحد عندكم. حياه: وده إزاي إن شاء الله؟ افرض الفستان اللي هجيبه مش هيعجبني. صقر: يا حياة هانم، هيجيلك لحد عندك أشهر محل في البلد وهيجبلك مجموعة خاصة. ولا عشان إنتي ديزاينر عاوزة تصممي بنفسك؟

حياه بابتسامة: تسلم لي يا روحي إنت. ميار: هو إنتوا مش هتدخلوا؟ رجلي وجعتني. بسنت بضحك: معلش أصلهم مش هيعرفوا يكلموا جوه وحياة هتقلب على أبية أول ما ندخل. حياه: يا سلام يا ست بسنت. صقر: طب يلا يا لمضة إنتوا وهي. ثم دخلوا إلى الداخل. كانت تجلس نسرين وهالة وزينب أم نسرين. أول ما حياة دخلت هي وسهام. هالة: يروحي يا نسرين، هو في زيك؟ دا إنتي بنتي وأخت بسنت التانية. حياه بحزن. ولاحظ صقر.

صقر: يلا يا بسنت اطلعوا إنتوا وميار جهزوا عروستي. عاوزها قمر. مع إنها قمر من غير حاجة. حياه بابتسامة: يا روح عروستك. نسرين بغيظ: هو في فستان هيدخل فيها؟ هو إنتوا لقيتوا مقاسها أصلًا. بسنت: هو حد قالك إنها زيك يا نسرين؟ ميار بغيظ من كلام نسرين: هو إنتي مين يا طنط؟ أوعي تكوني مامتك يا صقر. صقر بضحك: احمد، يلا يلا اطلعوا. صعدت حياة وبسنت وميار إلى الأعلى. نسرين: ينفع كده يا طنط؟ هالة: مش تلمي حياة يا صقر.

سهام: والله بنتي مكلمتش. أظن الآنسة هي اللي تحترم البيت اللي هي فيه. هالة: هههههه، مين مين اللي بيكلم؟ معلش. وإنتي بتكلمي على البيت بمنسبة إيه؟ سهام: بكلم عشان دا بيتي. هالة: وده من إمتى إن شاء الله؟ محمود: من الساعة دي يا هالة. كلمة كمان وهنسى إنك مرات أخويا. هالة تصطنع الزعل: كده يا محمود؟ دي آخرتها. صقر: خلاص يا جماعة بقى. اطلعي يا مرات عمي ارتاحي عشان الحفلة بليل. محمود: صقر، تعالي المكتب ورايا. صقر: حاضر يا عمي.

ذهبت سهام إلى الأعلى. وذهب صقر ومحمود إلى المكتب. هالة: وحياة أمي لأعرفك يا محمود إنت ومراتك. وضربتي هتنهي عليكم. عند صقر ومحمود في المكتب. صقر: نعم يا عمي. محمود: إنت هتخطب بنتي ولازم نكون على نور يا ابني. صقر بقلق: في إيه يا عمي؟ إنت قلقتيني. محمود: حياة ليها أخت كبيرة. صقر بصدمة: نعمممم؟ بتقول إيه؟ عند حياة في غرفتها. حياة: هوف، هو صقر اتأخر ليه كده؟ بسنت: مش عارفة. المفروض الفساتين تكون وصلت.

ميار: طب انزلي يا بسنت قوليله. بسنت: نعم نعم مين؟ أنا مش هنا. 😂 حياة: واطية، أنا هنزل أنا. ثم نزلت حياة إلى أسفل. هالة: حياة، تعالي عاوزاكي. حياة: راحت عند هالة. نعم يا طنط. هالة: إنتي عارفة إن صقر كان متجوز. حياة بصدمة: نعم؟ هالة: أيوه، إنتي لما سافرتي هو اتجوز. حياة: لأ، لأ، أكيد إنتي بتكذبي. هالة: هالة لأ، اتجوز وطلق. حياة: إزاي؟ هو مقليش حاجة زي كده. هالة: كل واحد وله أسراره يا بنتي. بس أوعي تقولي لصقر إني قولتك.

حياة في نفسها وسط دموعها وزعلها وتفكيرها: إزاي، إزاي صقر محكاليش؟ واتجوز ليه؟ ليه؟ ثم ذهبت إلى مكتب عند محمود وصقر. صقر: يعني حياة متعرفش؟ محمود: لأ يا ابني. وأنا لحد دلوقتي بدور عليها. ولم يكمل حتى دخلت حياة ووقفت وسط صدمتها ودموعها. صقر ومحمود بصدمة من منظر حياة.