رواية المغرور والدلوعة الفصل السادس عشر 16 - بقلم ميرو محمد

طلع الكل يجري على فوق. صقر: ماماااااااااا. حد يطلب دكتور بسرعة. حسام: بيرن على الدكتور. عامر: إيه اللي حصلها يانسرين؟ نسرين بدموع تمثيل: والله يا عمو كانت بكلمني. وكانت ماشية اغمى عليها. صقر: ماما قومي. بعد قليل وصل الدكتور. الدكتور: الكل يخرج لو سمحت. كانت نسرين وبسنت مع هالة في الغرفة. بدأ يكشف الدكتور على هالة. نسرين: روحي هاتي لها مياه يا بسنت. خرجت بسنت بقلق على والدتها مسرعة إلى الخارج.

أخرجت نسرين لفة فلوس كتير. الدكتور نظر إليها. هالة فتحت عينيها وقالت: أنا مش تعبانة يا دكتور. بس أنت هتقول إني تعبانة والمقابل هتاخد الفلوس دي وزيها كتير. الدكتور: نظر إليهم. في الخارج. كان الجميع ينتظر خروج الدكتور. بعد قليل يخرج الدكتور ويجري الجميع عليه. صقر: أمي مالها يا دكتور؟ عندها إيه؟ الدكتور: اطمن يا أستاذ صقر والدتك مفيش فيها أي حاجة. هي اغمى عليها من قلة الأكل وبس. بس معندهاش أي شيء للقلق ده كله.

صقر أخذ نفس طويل: شكراً يا دكتور بجد. الدكتور: متشكرنيش يا صقر يا ابني. ده أقل واجب على اللي أنت عملته مع بنتي. صقر: متقولش كده يا دكتور. الدكتور: ربنا يحميك يا ابني عن إذنكم. وذهب الدكتور. دخل الجميع إلى غرفة هالة. صقر جري وباس إيدها وراسها. صقر: ألف سلامة يا ماما. هالة وهي مضايقة وبتفتكر الحصل من الدكتور. (طلعت نسرين الفلوس وبتديها للدكتور. الدكتور: شيلي الفلوس دي. بزعيق شيليييي.

هالة: اطلب الانت عاوزه وهتاخده. بس بشرط. الدكتور وهو مستغرب: شرط إيه؟ هالة: إنك تخرج تقول لصقر إني تعبانة. وعندي القلب. ومينفعش حد يزعلني وينفذوا أي حاجة أنا عاوزاها.

الدكتور بصدمة: يا ساتر يا رب. ليه يا ست تجيبى لنفسك المرض. بصي أنا مش هعمل اللي انتي بتقولى دا لأني مش هخسر آخرتي بسببكم. وعشان أكون عملت بأصلي مع ابنك عشان ابنك عمل معايا كل خير. هقول إنك اغمى عليكي بسبب قلة الأكل. وكده أكون عملت معاكي جميل. ونصيحة اتقي ربنا عشان متخسريش ابنك.) عامر: هالة هالة. هالة: ها إيه بتقولوا إيه؟ صقر: مالك يا ماما إنتي تعبانة. بسنت: مالك يا ماما. والله حياة كويسة. وأبيه بيحبها ونبي وافقي.

هالة بخبث: هوافق بس بشرط. صقر: شرط إيه؟ هالة: كتب الكتاب مش هيكون مع الخطوبة. صقر: اشمعنا يا أمي ليه؟ هالة: عشان عشان أختبرها الأول. الله مش هكون مرات ابني. صقر: ماشي يا أمي بس هيكون ساعتها كتب الكتاب مع الفرح. هالة: ربنا يسهل. واخرجوا بقا عاوزة أرتاح. خرج الجميع. وكانت نسرين هتخرج. هالة: بسس بصوت واطي نسرين. نسرين وقفت: إيه مش انتي وافقتي. عاوزة إيه تاني. هالة: خدي يا عب.طة. وانتي فاكرة إني هوافق أصلاً على بنت سهام.

نسرين: اومال إيه؟ هالة: هقولك. نسرين: إيه رأيك بقا. هالة: ينهار أسود صقر لو عرف إننا ورا الموضوع هيمو.تنا. نسرين: متقلقيش كله هظبطو أنا. هالة: قشطة موافقة. المهم صقر يجوزني أنا. نسرين: هيحصل هيحصل يا مرات ابني. عدى اليوم على الجميع والأحداث خلصت في هذا اليوم. ويبدأ يوم جديد يوم مشمس وتنزل الشمس في غرفة بطلتنا في المستشفى.

حياة تقوم من النوم بفرحة. نعم فهو يوم خروجها من المستشفى وهتبدأ في تجهيزات خطوبتها هي وصقر وحياتهم الجديدة هتبدأ. سهام: الله الله على حياة هانم. الفرحة على وشك يعني. حياة: ما انتي عارفة يا مامي صقر بحبه أوي وده اليوم اللي مستنياه. سهام: ياروحى يارب دايماً فرحانة. تدخل الدكتورة ميار: صباح الورد على الجميل. حياة: صباح الخير. ميار: عاملة إيه يا حياة انهارده. حياة: كويسة الحمد لله. شكراً لحضرتك. ميار: مش عيب تشكري أختك.

حياة: الله بجد كان نفسي يكون ليا أخت. سهام بحزن وهي تسمع كلام بنتها. ميار: ياروحى وأنا أختك إيه رأيك. حياة: بجد يا ميار. تسمحيلي يعني أقولك من غير اللقب. ميار أخدتها في حضنها: طبعاً يا أحلى أخت. دخل صقر ومحمود ووليد وحازم وبسنت. صقر: خيانة حضن وبوس كمان. الكل ضحك على كلام صقر. حياة: صقر ميار تبقى أختي الكبيرة. فاهم تحترمها سامع. صقر: حاضر يا فندم كله هيتنفذ. ميار بكسوف: أستاذ صقر شكله بيحب الهزار يا حياة.

صقر: قولي ليها يا أخت مراتي ونبي تاخد بالها مني. ميار: بس كده عيوني. بسنت: طب وأنا هتنسوني. ميار: ياروحى واخدتها في حضنها. حياة: جريت وحضنو بعض وقالوا. إحنا التلاتة سكر نباتة. حازم: إيه عالم سمسم دا. كل دا ووليد سرحان في ميار. صقر: وليد وليد. وليد: ها إيه يا صقر. حازم: الله هو حصل. نظر صقر إلى وليد وضحك: ونبي فعلاً يا حازم حصل. وليد: أنت يا ضنى أنت وهو انجزوا خلونا نمشي. حازم: ونبي من قلبك عاوزنا نمشي.

وليد: بصراحة لاء. صقر: واليعمل معاك الواجب. وليد: أبو.س مراتو. صقر: يمنحر.ف طب ابقى شوف حد غيري. وليد: انجز يا صقر بقا. صقر: اصبر واسمع. ثم وجه كلامه لميار. صقر: ميار إيه رأيك تروحي معانا في القاهرة تشتغلي في المستشفى بتاعتنا وتكوني جنب حياة وبسنت. بسنت: ياريت ونبي يا ميار. حياة: أيوه يا ميار هنكون جنب بعض. ميار: أيوه بس هعيش فين هناك. وليد: احم مع حياة وبسنت إحنا مجهزين شقة هناك في القاهرة.

حازم: أهي اتحلت مفيش حجج بقا. بسنت: ها قولتي إيه وافقي ونبي. ميار: ماشي هخلص ورقي هنا. صقر: لاء متتعبيش نفسك إحنا هنخلص كله. حازم: هنحضر خطوبة صقر ونرجع القاهرة على طول. صقر: تجهزي ووليد هيجي ياخدك. ميار بكسوف: موافقة. ثم وجهت كلامها إلى وليد. ميار: احم هبعتلك اللوكيشن بتاع بيتي. وليد بتوهان في كلامها: هنتظرك. صقر: طب يلا يا حياة يلا يا جماعة الكل منتظرنا في البيت.

ذهب الكل إلى البيت وكمان ميار مشيت معاهم عشان تكون جنب حياة. وحازم ووليد بيخلصوا ورق ميار وصقر أخذهم على الفيلة.