رواية المغرور والدلوعة الفصل الثامن والثلاثون 38 - بقلم ميرو محمد

في مكتب حياة متجمعين البنات كلهم. حياة: عارفين، إحنا لازم نعمل حاجة مختلفة. بسنت: ونبي حاجة إيه بقا يا ست حياة. حياة: لما تبطلي هزار هقولك. ميّار: متسكتي يابنت، لما نشوف حياة بتفكر في إيه. حياة: أيوه خليها تسكت. سما: والله أنا مش عارفة إيه جو الأطفال اللي إنتوا فيه ده. حياة: سيبك منهم يا حياة وقولي بتفكري في إيه. حياة: إننا نعمل مباراة بين فريقين وكمان أعضاء الشركة هنا يشاركوا فيها.

بسنت: الله، والله فكرة. بس تفتكري صقر هيوافق؟ حياة: سيبوا صقر عليا أنا. سما: طب روحي قوليله وشوفي هيقولك إيه. حياة: طيب استنوا. ولسه هتخرج دخل حسام وحازم. حسام: إنتوا مجمعين كده ليه؟ لتكونوا بتتفقوا تقتلونا. حازم: تصدق، ممكن. حسام: لأ، دا مش ممكن، دا أكيد. حياة: في إيه إنت وهو؟ حسام: ها، مفيش. إنتي رايحة فين؟ بسنت: مش حياة قررت نعمل مباراة كورة وأعضاء الشركة هتشارك فيه.

حياة: بالظبط كده، ووسع بقا إنت وهو عشان أروح أقول لصقر. حازم: ها، لاءء. حياة بشك: لاء إيه؟ في إيه ياحازم. حازم: مفيش، بس صقر عنده اجتماع هو ووليد. حسام: أيوه، بالظبط كده، وتعالوا ننزل الكافيه تحت نشرب حاجة على ما يخلصوا. ميّار: أيوه تعالوا. سما: طب يلا يا حياة، ولما يجي نبقى نقوله. حياة: طيب. وذهبوا جميعًا إلى الخارج. واثناء خروجهم شافت حياة هاجر وهي داخلة مكتب صقر. في المكتب عند صقر. وليد: تفتكر هتيجي؟

صقر: أكيد يابني، اللي زي دي مبصدق تلاقي فرصة عشان تشوفني فيها. ولسه بيكلم والباب خبط. صقر: شوفت، أهي جات. قوم خش الحمام ومتتكلمش. قام وليد بسرعة. صقر: احم، ادخل. دخلت هاجر وقالت: حضرتك فاضي يا أستاذ صقر. صقر: أيوه، اتفضلي. إيه هو الموضوع اللي كنتي عاوزاني فيه. هاجر بمكر: بصراحة يا أستاذ صقر، إحنا ناس على قد حالنا وأنا كنت محتاجة شغل ضروري أوي. صقر: بس إنتي لسه بتدربي.

هاجر: معلش، بس والله أنا محتاجة أوي الشغل وكمان هتابع التدريب مع شغلي. صقر: تمام، بس هشوف شركائنا وهرد عليكي أثناء الاجتماع بتاع المجموعة. هاجر بفرحة: بجد؟ شكراً جداً جداً يا أستاذ صقر. صقر: تمام، اتفضلي على شغلك. خرجت هاجر بفرحة إنها حققت أول هدفها. واثناء خروج هاجر وبفرحتها دي كانت حياة والكل منتظرين يشوفوا حصل إيه. حياة: ودي مالها فرحانة أوي كده ليه. بسنت: أيوه، مالها كده. دا ولا إنها هتجوز صقر.

حياة: تعالوا لما نشوف. وراحوا كلهم على مكتب صقر. وليد: هتعمل إيه ياصقر معاها. صقر: هلعبها لحد ما أعرف وراها حد برضه ولا لأ. المهم كل حاجة عشان تيجي. وليد: أوكي، بس... ولسه بيكمل دخلوا البنات وحسام وحازم. صقر: في إيه مالكم. حياة: إحنا اللي في إيه ولا إنت يا أستاذ صقر. ومالها الست هاجر فرحانة أوي كده وهي خارجة من عندك. صقر: حياة، صوتك ميترفعش عليا تاني، فاهمة. يا مدام صقر.

حياة: والله عايزاني أعمل إيه وأنا شايفة اللي عاوزة تموتني خارجة من عند جوزي اللي هي بتحبه وفرحانة أوي كده. وجوزي شكله نسي كده. الكل بصدمة من كلام حياة. بسنت: كانت عايزة تموتك إزاي دا. حياة بدموع: أيوه، عايزة تموتني عشان طريق صقر يكون فاضي ليها. سما: أنا كنت حاسة إن البنت دي مش سهلة. صقر: خلصتوا؟ يلا بقا اتفضلوا، كل واحد يشوف شغله. حياة: يا خسارة ياصقر. ميّار: تعالي تعالي يا حياة ننزل الكافيه وتفكي شوية عشان متتعبيش.

وليد: أيوه، انزلوا وإحنا هنيجي وراكم. أخدوا البنات حياة وخرجوا من المكتب ونزلوا إلى أسفل. حازم: مينفعش، كنت تكلم حياة كده ياصقر. صقر بتعب: أوووف، يعني أعمل إيه؟ ما إنتوا عارفين إن كل ده عشانها. حسام: بس مكنش ينفع تزعلها، خصوصاً إنها لو زعلت بتتعب ياصقر. وليد: روح صالح حياة، مينفعش تزعلها، إنت عارف إنها ممكن تتعب. صقر: تمام، تعالوا ننزل ونتغدى قبل الاجتماع. الكل: تمام، يلا بينا. ونزلوا إلى الكافيه بتاع الشركة.

عند البنات. في الكافيه. حياة بدموع: أنا يكلمني كده عشان البت دي. بسنت: ياحياة، متقارنيش نفسك بيها. ميّار: أيوه، بسنت عندها حق. وبلاش تبيني إنك ضعيفة يابنتي، دا جوزك. سما: بس إنتي لازم تاخدي بالك، دي ممكن تعملك حاجة. حياة بقلق: تفتكري. ولسه بتكلم وجيه البريك بتاع الشركة والموظفين كلهم دخلوا الكافيه. وكمان المجموعة، وكانت هاجر وسلمى داخلين وصقر ووليد وحازم وحسام داخلين. ابتسم صقر لهاجر وكمان هاجر ابتسمت لصقر.

سلمى: يابنتي اتهدي، مراته قاعدة وملاحظة. هاجر: أحسن، هي لسه شافت حاجة. سلمى: طب يلا يا أختي ناكل قبل الاجتماع بتاع أستاذ صقر. هاجر: يلا. وراحوا وقعدوا على ترابيزة المجموعة كلها. عند صقر. وليد: روح يا أخويا صالحها، وكمان بتضحك لهاجر، دا إنت طينتها خالص. صقر: أنقذوني يا ضنا إنت وهو. حسام: مع نفسك. حياة شكلها متعصبة أوي. حازم: دي شكلها هتتغدى بصقر. صقر: طب يا أخويا إنت وهو يلا يلا نلحق نتغدى قبل الاجتماع.

وصلوا عند البنات. وليد: إيه، اتغديتوا ولا لسه. بسنت: احم، لسه، إحنا مستنينكم. حازم: جدعة يامزتي. حسام: متتلم ياض، إنت مش شايف إن أخواتها الاتنين هنا. حازم: خلاص، هاخدها مكان تاني وأقولها. حسام: والله إنك بجح ياض. صقر: خلاص إنت وهو يلا يلا نلحق نتغدى قبل الاجتماع. اقعدوا. قعدوا الشباب جنب البنات وصقر قعد جنب حياة وحط دراعه على كتف حياة. صقر: حبيبي، زعلان ليه بقي مني. حياة نظرت في عين صقر وسكتت.

صقر: لاء، دا الموضوع كبير على كده. بسنت: يا أبيه، حياة مش بسهولة تصالحها. صقر: شكلها كده يابنت. ميّار: بس ياصقر، في مباراة حياة عايزة تعملها. صقر بصدمة: مباراة إيه دي. حازم: أيوه صح ياصقر، والله فكرة حلوة، نعمل فريقين ونشوف مين هيكسب. وليد: والمقابل إيه. سما: معرفش، حياة لسه كانت بتقولنا. صقر: مباراة إيه دي بقا يا ست حياة، بتخططي من ورايا. حياة: والله كنت جايه أقولك وإنت اللي كنت مشغول مع ناس.

ثم نظرت إلى هاجر التي تنظر إليهم باهتمام. بسنت: وهي مالها دي مركزة معانا كده ليه. ميّار: البت دي مش هجبها لبر يابنات. حياة: والله شكلي هخش السجن بسببها. ضحكوا كلهم على حياة. حسام: ونجبلك عيش وحلاوة. حياة: عااااا، حسام، بطل يارخم. صقر: حسام، بس مضيقهاش. سما: إحنا مش هناكل ولا إيه. صقر: أيوه، يلا عشان نخلص ونروح غرفة الاجتماعات. حازم: طب يلا، كل واحد يطلب هيكل إيه.

وبدأوا يطلبوا الأكل وبعد وقت جه ليهم الأكل وبدأوا في الغداء. في الصعيد. عامر: إنت يابني عاوزينكم تهتموا بالتجهيزات كويس. الرجل: حاضر يابيه. محمود: تفتكر هنلحق نخلص تجهيزات قبل الأسبوع يا عامر. عامر: أكيد يامحمود، ربنا يتمم فرحتنا على خير ياخوي. محمود: يارب. أنا هدخل أشوف سهام. عامر: ماشي، وأنا هوصل للأرض كده أشوف الفلاحين. محمود: تمام ياخوي. وذهب عامر إلى الأرض. ومحمود دخل لسهام. محمود: سهام، سهام.

سهام: أيوه يامحمود، تعالي، أنا في المطبخ. دخل محمود المطبخ. محمود: إيه ياسهام، فين تنضيف البيت وتجهيزات العملتيها. سهام: حاضر يامحمود، أخلص الغدا مع دادة وهنجهز الدنيا. محمود: مالك ياسهام، حاسس فيكي حاجة. سهام: مش عارفة يامحمود، قلقانة على الولاد. محمود: إنتي هتقلقيني ليه؟ إن شاء الله خير، ويلا خلينا نخلص كل حاجة قبل مايجوا على الصعيد. سهام: حاضر، حاضر، ربنا يستر بقا. في الكافيه. صقر: خلصتوا أكل، يلا بقا على شغلنا.

حياة: أنا مش هحضر الاجتماع، أنا هروح. صقر: ليه ياحبيبتي، إنتي حاسة بحاجة. حياة: حاسة إني تعبانة وعايزة أروح. وليد: احضري الاجتماع، وبعدين حسام يوصلكم. بسنت: أيوه ياحياة، احضري، إنتي ناسيه إنك المسؤولة عن المجموعة. حياة: طيب، يلا. صقر: احم، حياة، عاوزك الأول. حازم: طب يلا يا جماعة نسبقهم على الاجتماع. الكل: يلا. وذھبوا جميعاً إلى خارج الكافيه وظل صقر وحياة. حياة: ها، في إيه ياصقر.

صقر: عاوز أقولك إن أي حاجة بعملها عشانك ومش عاوزك تضايقي، وإنتي هتعرفي كل حاجة في وقتها والله. حياة بقلق: في إيه ياصقر، إنت مخبي عني إيه. صقر: هتعرفي كل حاجة بعدين والله. حياة: مش عارفة ياصقر، بس عشان خاطري متجرحنيش ياصقر. صقر: غصب عني والله. بس خليكي واثقة فيا ونبي. حياة: ربنا يستر، ماشي ياصقر، لما نشوف آخرتها معاك. صقر: طب يلا نطلع عشان في قرار خدته وهعرضه عليكوا وعلي المجموعة في الاجتماع. حياة: قرار إيه دا.

صقر بقلق: ....................