رواية الملاك والشيطان والرومانسي الفصل الأول 1 - بقلم مريم حسن سليمان

قاعده على طرف السرير بتعيط بحرقة وعنيها حمرا من كتر البكاء. ويقاطعها صوت سامية: مش فاهمة إنك بتعيطي دلوقتي ليه؟ أنا عايزة إنك تنستري وتتزوجي. ملاك بعياط: بس أنا مش بفكر في الكلام ده دلوقتي، لسه بدري. سامية: لسه بدري إيه يا أختي، أنتِ عنستِ. ملاك: لا، لسه بدري. سامية: طب، ده شاب صعيدي، لقطة حلوة قوي وابن عمدة. ملاك: أنا قلت لك قبل كده يا مرات أبويا إن أنا مش بفكر أتجوز ومش عايزة، ميهمنيش هو ابن مين. وبعدين ده صعيدي.

سامية: ليه يا بتي أنتِ مالهم الصعايدة يعني؟ وبعدين ده ابن عمدة، وأنا وأبوه متفقين نزوّجكم بعض. ملاك بعياط: بقي كده بتبيعيني يا مرات أبويا؟ أكيد عشان الفلوس. سامية: وإيه هبيعك دي؟ هو الجواز بقى بياعة؟ أنا عايزة أهنّيكي وأسترك. ملاك: بس أنا مش عايزة أتزوج صعيدي، قلت لك قبل كده. سامية: مالهم الصعايدة يا أختي؟ هما جمرات وحلوين، وبعدين ده ابن العمدة، عارفة يعني إيه؟ يعني هيعيشك أحلى عيشة، ومعاه فلوس كتير وعايشين. ملاك:

دايمًا همك على الفلوس، نبي ارحميني، أنا مش عايزة أتنيل أتزوج. سامية: بقى أكيد يا بتي؟ والله لهتتجوزيه وإيدك فوق رقبتك. ملاك دخلت تعيط، وفي وسط حزنها افتكرت أبوها وهو متزوج الست الحرباية دي، وقالت: بقى كده يا بابا تعمل فيا كده؟ ينفع أنا بنتك حبيبتك تعمل فيا كده؟ عارفة إنك بتحسبها طيبة عشان كانت بتعاملني حلو قدامك، بس شوفي بتعمل فيا إيه؟ هتجوزيني غصب عني، لا وصعيدي كمان. ارجع يا بابا، وحشتني أوي.

بطلت عياط ودخلت اتوضت وصلت ونامت. والصبح حصلت مفاجأة كبيرة، كانت ملاك مصدومة.