رواية الملاك والشيطان والرومانسي الفصل الرابع 4 - بقلم مريم حسن سليمان

ملاك بخوف: عايز حاجة؟ فارس بإستغراب: انتي مين يا قمر؟ ملاك بصدمة: أنا مراتك. فارس: الله، القمر ده مراتي؟ بتهزر؟ ملاك: لا مش بهزر. فارس: بقيت أنا متجوز القمر ده؟ ده أنا حظي حلو جامد. ملاك ضحكت. فارس: أوعى. ملاك بإستغراب: يعني أنت مش فاكر إننا اتجوزنا امبارح؟ فارس: لا والله مش فاكر حاجة زي دي، أنا أول مرة أشوفك يا مزة. ملاك: مزة! يبني أنت امبارح كنت بتعاملني بقرف كده، إيه اللي حصل؟

فارس: والله أنتِ اللي شكلك هبلة، أنا أول مرة أشوفك أصلاً. ملاك بإستغراب: طب يلا كمل نوم. فارس: اتأخري شوية طيب. ملاك: نعم؟ اتأخر؟ لا يابا، أنت كنت نايم ع الكنبة وعامل فيها راجل أوي، يلا روح كمل نوم هناك. قولتلك من الأول وأنت عملت شبح، يلا روح شوف أنت رايح فين. فارس: إيه يا بت ده أنتِ اتحولتي. ملاك: أيوا، زي ما بتتحول أنت كمان.

فارس: طب أنا فعلاً مش فاكر إني اتجوزتك امبارح، بس ما علينا، أنا موافق ويلا بقى اتأخري عشان أنام. ملاك: خلاص، اشبع بالسرير. أنا هنام ع الكنبة. فارس: استني هنا، رايحة فين؟ ملاك: راحة أنام. فارس: والسرير إيه لازمته مثلاً؟ ملاك: وأنت هتنام ع الكنبة يعني! فارس: بقولك إيه، كمان شوية هيصحوا وأنا عاوز أنام. ملاك: طب ماشي، ما أنت مش راضي تخليني أنام. فارس شدها عالسرير. فارس: نامي يلا.

ملاك بعدت ونامت ع طرف السرير، وكان عمال يتقلب ومعرفتش تنام لحد ما لقيته نام ونامت. الصبح صحيت ملاك لقيته لسه نايم وقريب أوي منها. فضلت باصة لملامحه وهي مبتسمة وقالت بصوت مسموع: شكله جميل أوي وملامحه جميلة. فارس فتح عينه: عارف، عارف. ملاك اتخضت وقامت بسرعة: إيدا! أنت صاحي؟ فارس: اممم. ملاك: طب طب أنا هدخل آخد دش. فارس: تمام، بسرعة.

ملاك فتحت الدولاب وخدت بنطلون فضفاض كشمير وشميز أبيض. وبعد شوية طلعت وقفت قدام المرايا سرحت شعرها وسابته مفرود على ضهرها ولسبت كوتشي أبيض. كل ده وفارس متنح. ملاك: احم، خلصت، أنزل؟ فارس: ها؟ لا. ملاك: ليه طب؟ فارس: هاخد دش الأول وننزل مع بعض. ملاك: تمام. فارس دخل وبعد شوية طلع وهو لابس تيشرت أبيض وبنطلون أسود وكوتشي أبيض وسرح شعره. فارس: يلا يا حلو. ملاك: طيب. فارس وملاك نزلوا. كريمة: وه يبني، أنت نزلت أنت ومراتك ليه؟

كنا هنطلع الأكل ليكوا. فارس: لا يا ماما، احنا ناكل معاكو. العمده: ماشي. يلا اجعدوا. كلوا وبعدين شربوا الشاي، وفارس خد ملاك وقعدوا في الجنينة. فارس: صحيح، أنتِ اسمك إيه؟ ملاك: اسمي ملاك، وأنت فارس صح؟ فارس: أها. اسم على مسمى يا ملاك. ملاك ابتسمت. فارس: تيجي نخرج؟ ملاك: نخرج! فارس: اها. ملاك بفرحة: الله، يلا. فارس: يلا، هطلع أغير وأنزل. ملاك: ماشي. فارس طلع ونزل. فارس بغضب وصوت عالي: فين القهوة بتاعتي يا بدرية؟

بدرية المساعدة بخوف: حاضر يبيه، القهوة هتجهز أهي. فارس بغضب: يلا بسرعة. ملاك اتخضت من صوته وراحت تشوفه. ملاك: إيه فيه يا فارس، مالك؟ فارس: وه... هيا مين دي يا بوي!