رواية الملاك والشيطان والرومانسي الفصل الثالث 3 - بقلم مريم حسن سليمان

صحيت الصبح ملاك على كوباية ميه في وشها. ملاك: بغرق بغرق. إسراء: قومي يختي يلا، المأذون جاي شوية أكده. يلا قومي فزي من مكانك، روحي اطبخي ونضفي البيت وبعدين جهزي نفسك. ملاك: مقولتلكوا مش عايزة، مش عايزة. إسراء: مافيش هنا حاجة اسمها مش عايزة، قومي يلا روحي ع المطبخ. ملاك بإستسلام: طيب. العمده: يلا يا ابني نروح، المأذون زمانه أجه. يلا يا تامر معانا. فارس: حاضر يابوي. العمده: ربنا يفرحك ويعسدك ويهنيك يا ابني. بعد ساعتين.

ملاك كانت واقفة قدام المرايا، باين عليها جدا التعب. لبست دريس سماوي وسابت شعرها منسدل على ضهرها وصندل أبيض. وحطت روج خفيف وخلصت وخرجت. سامية بغل وحقد من جمالها: يلا جهزي العصير اللي هتقدميه. أخيرًا مش هنشوف وشك عاد في البيت تاني. ملاك بحزن: طيب يا مرات أبويا. عربيات كتيرة وحراسة مشددة قدام البيت. ودخل العمده واخوه والشاهد. سامية: اتفضل يا بيه. العمده: فين العروسة؟ سامية: هناديها أهو يا بيه.

سامية دخلت لملاك وإسراء راحت وراها. إسراء بفرحة: هو هو ده يما! هو ده العريس؟ سامية: لأ، ده العمده. إسراء بزعر: أكيد شكله وحش يما، صوح؟ سامية: مخابرشي. ملاك بصتلهم بإستحقار. فارس دخل وقعد جنب العمده وبيقول في سره: مخابرشي يابوي، ليه بتعمل فيا كده ومش حاسس إني بحب واحدة. دخلت ملاك وحطت العصير. العمده: يا مشاء الله، اللهم بارك. إسراء واقفة بعيد وعمالة تقول في سرها: أكيد مش هو ده، قمر إزاي هيتجوز ملاك!

المفروض أنا، أنا أحلى منها بجي أكده، يما تعملي فيا كده! فارس انصدم من جمالها وقال بتلقائية بصوت مسموع: قمر. العمده ضحك وملاك اتكسفت. وسامية وإسراء بصولهم بغل وحقد. كل ده ملاك مرفعتش نظرها عليهم، كانت باصة في الأرض. سامية بحقد: أهو المأذون أجه. العمده بصلها بإستحقار: يلا يا شيخنا اكتب.

سرحت ملاك في الذل اللي هي عاشت فيه وحياتها الجاية هتبقى عاملة إزاي. وليه اختاروها هي، مع إنهم على قد حالهم وهو عمده وغني. وهل هيحبها ولا هتعيش في ذل وإهانات هناك؟ فاقت على جملة "بارك الله لكما وجمع بينكما في خير." مشيت ملاك مع فارس في عربية. وطول الوقت مش بيتكلموا. وصلوا عند قصر كبير. وأول ما وصلوا، ضربوا نار. ملاك بخوف: هو في إيه؟ بيضربوا نار ليه؟ فارس: ده عشان ابن العمده اتجوز، ف بيحتفلوا كده.

كريمة أم فارس: يا مشاء الله، أي الجمر ده. تتهني يبتي، ربنا يبارك فيكو ويهنيكو ويسعدكو يارب. فارس باس إيد أمه: شكراً يا أمي. ملاك راحت باستها وقالت: ربنا يخليكي يا طنط. كريمة: طنط! لأ، مفيش طنط. انتي تجوليلي ماما، أنا زي أمك برضو، ولا إيه؟ ملاك: طبعًا. ملاك ارتاحت وقالت: شكلهم ناس طيبة. هدي بشر: مبروك، تعالي فحضني تعالي. ملاك بادلتها الحضن: شكراً.

هدي بتتكلم جنب ودنها: ده أنا هوريكي السواد، هخليكي تندمي على اليوم اللي وافقتي تتجوزي فيه، إن ما وريتك النجوم في عز الضهر، مبقاش أنا هدي. ملاك اتوترت وخافت وبان على وشها. وراحت جنب فارس. فارس: يلا ندخل، أعرفك على باقي العيلة. ملاك بتوتر: ممماشي. أول ما ملاك دخلت، جريوا عليها تلات بنات. رحمة: الله، انتي جميلة قوي يا مرات أخويا. سلوي: هو انتي بيضا فعلاً ولا حاطة حاجة على وشك؟ ملاك بضحك: لأ، أنا بيضا فعلاً.

رحمة: انتي جايبة جمالك ده منين؟ ملاك: من عند ربنا. فارس: رحمة أختي، وسلوي وهدي بنات عمي. رحمة: ربنا يديمكو. سناء بغل وحب مصطنع: مبروك يا حبيبتي، مبروك يا فارس. فارس/ملاك: الله يبارك فيكي. تامر بإبتسامة: مبروك يا فارس. فارس: الله يبارك فيك يا عمي. كريمة: يلا يا حبيبي خد مراتك ع الأوضة، زمانها تعبت. وهبعتلكوا الأكل حالا. فارس: ماشي ياما. طلعت ملاك مع فارس. وفي ثانية، الأكل بقى عندهم. فارس: اقعدي كلي. ملاك: ممش جعانة.

فارس بغضب: مافيش حاجة هنا اسمها مش جعانة، يلا اقعدي. ملاك لنفسها: شكلي هشوف أيام سودة. فارس بزعيق: مستنية حد ياكلك مثلاً؟ كلي. ملاك بخوف: ححاضر. ملاك كلت معلقتين وقامت غسلت إيديها. فارس: أبويا باين اشترى لكِ هو ومرات أبوكي هدوم، افتحي الدولاب هتلاقيهم. بعد شوية، طلعت ملاك وهي لابسة إسدال. ملاك: يلا نصلي؟ فارس: تمام، هتوضى. فارس قام اتوضى وصلوا. وبعدين ملاك راحت ع الكنبة عشان تنام. فارس: بتعملي إيه! ملاك: هنام.

فارس: مافيش نوم هنا، انتي هتنامي ع السرير. ملاك بتوتر: ووانت... فارس: ع الكنبة. ملاك ابتسمت: شكراً. نامت على السرير وهوا نام ع الكنبة. بعد حوالي ساعتين، لقيت حد بيخبط على كتفي. اتخضيت وقمت. ملاك بخوف: عايز حاجة؟ فارس بإستغراب: انتي مين يا قمر! ملاك بصدمة.