رواية الملاك والشيطان والرومانسي الفصل السابع 7 - بقلم مريم حسن سليمان

هدي: الله الله إنتوا قاعدين هنا بتعملوا إيه؟ سلوي: في إيه يا هدي؟ هدي بغل: لا مفيش، نازلين ضحك؟ صحيتوا الناس. رحمة: على فكرة كلهم صاحيين أصلاً. هدي: ملاك قومي اعملي لي شاي. ملاك: حاضر. سلوي: إيه اللي حاضر؟ قولي لبدرية جوه تعمل لك. ملاك مش هتعمل لك حاجة. هدي بحقد: بدرية مش فاضية. يلا خشي اعملي لي بسرعة. ملاك: خلاص يا سلوي مش مهم، أنا هعمله. فارس: رايحة فين يا حلوة؟ ملاك بابتسامة: رايحة أعمل شاي، أعمل لك؟

فارس: وتعملي إنتي ليه؟ ما بدرية جوه، قولي لها تعمل لك. وبعدين أصلاً أنا مش بشرب شاي، تعالي نخرج وهشربك شاي بره. ملاك: لا، ماهو الشاي مش ليا ده لهدي. فارس: هدي! طب وإنتي تعمليه ليه؟ هي مش صغيرة، لما تعمله لنفسها. هدي بسرعة: أنا قولت لها، أنا هعمله. قالت لي: لا ابداً، ده أنا اللي هعمله لك بإيدي يا فارس. فارس: يلا يا ملاك روحي اجهزي نخرج أنا وإنتي. وغمزلها.

هدي لنفسها: إن ما وريتك يا زفتة يا اللي اسمك ملاك. الصبر بس. اهدي. بعد شوية نزلت ملاك وهي لابسة بوي فريند وتيشرت أبيض وكوتشي أبيض وسابت شعرها ونزلت. ملاك بفرحة: يلا. في العربية. فارس: نروح فين؟ ملاك: الملاهي. فارس بغمزة: ما تيجي نروح الصحراء، مش هيبقى في حد غيرنا. ملاك: تؤ تؤ، هنروح الملاهي. فارس: ملاهي! متجوز طفلة أنا. ملاك بزعل: خلاص روحنا. فارس: قفوشة. ملاك مردتش وسندت راسها على الشباك. وبعد شوية. فارس: انزلي.

ملاك بفرحة: هييييه، الملاهي. فارس بضحك: طفلة والله. ملاك: يلا نتمرجح بقى. فارس: نتمرجح! لا تعالي بيت الرعب. ملاك: لا لا لا، أوعى ده. فارس: أمم، بتخافي ولا إيه؟ ملاك: لا، أنا مش بخاف أصلاً. فارس: طب يلا وريني شجاعتك. ملاك: لا، أنا مش بحب بيت الرعب، بلاش. فارس بخبث: طيب يا خوافة. أنا هروح أنا وخليني إنتي خايفة كده. ملاك بتمثيل الشجاعة: لا، هاجي. أنا مش بخاف. فارس: أيوه بقى.

فارس خد ملاك ودخلوا، وكانت ملاك خايفة جداً بس مش مبينة. وفجأة ظهر جنب فارس دمية على شكل مصاص دماء. صرخت ملاك بخوف. ملاك: عااااا، فاااارس! يلا نخرج، خليه يبعد يا فاااارس. اعااااا. فارس بضحك: أومال فين البت الشجاعة اللي كانت جنبي من شوية. ملاك: فارس، متهزرش. يلا ونبي نخرج، أنا خاايفة. فارس بيكتم الضحكة: متخافيش، دي عروسة لعبة. يلا بس متخافيش، اهدي، مش هيحصل حاجة. ملاك بخوف: مماشي. فارس: الجو ضلمة ورايق، متيقي. وغمزلها.

ملاك: عي.. عااااا، عفريت تاني جاي يا فااارس. فارس: ده بقى حقيقي. ملاك: يمامااااا. وهوب، اداها بالقفا. فارس: يجنونة، مبتوطيش ليه. ملاك: اعااا، إنت سبته يضربني يا فااارس. فارس بضحك: إنتي اللي سبتيه. وفجأة ظهر دمية على شكل ساحرة وعيونها تتحرك وتضحك كالأشرار. فارس وهو بيكتم الضحكة: متخافيش. ملاك وهي واقفة مكانها مش قادرة تتحرك وعيونها اتملت دموع: يلا نخرج ونبي. فارس قلبه وجعه عليها وحضنها: متخافيش، يلا هنخرج.

فارس: بس اهدي، متعيطيش. ملاك: عاوزة أروح. فارس: طب نركب المرجيحة. ملاك ببكاء: روحني. فارس: طب اهدي طيب، والله هروحك. وفجأة بدأ يدوخ ومسك راسه شوية وبعدين. فارس بغضب شديد: أنا إيه اللي جااااابني الملاهييي!