رواية الملك او الحب الفصل الحادي عشر 11 - بقلم روان خالد

امينة و هى تقترب ناحية سانثير: اه امينة يا روحى بقا كدة يا سينو متقوليش لولادك ان عندك صاحبة بتحبك اوى و اسمها امينة. سانثير و هى رافعة حاجبها اليمين: لا ازاى يا حبيبتى و دى تيجى بردو بس هو مش اللى بيجى لحد بيقول قبلها بردو. امينة بضحكة مصتنعة: الله هو شامل مقلكيش ولا اايه دة انا قايلة قبلها بأسبوع بس شكلك نسيتى اصل ياعينى عليكى مشغوليات كتيرة اوى. كانت سانثير ستنفجر من الغيظ منها و من نظرات شامل لامينة.

سانثير بخبث و هى تتحرك ناحية حاروت ببطء: امسكت به و هى تربت على شعره و تقول بمكر؛ لا طبعا قالى بس زى ما قولتى اصل انا بنسى الحاجات اللى ملهاش لازمة. اه صحيح نسيت اعرفك على الولاد اصل بقالك زمن مشوفتيهومش. قبلت حاروت من رأسه و قالت: حاروت ابنى الكبير و وريث العرش و اه حاجة كمان انا سميته حاروت على اسم ابنك الله يرحمه. سمعت امينة تلك الكلمة و استشاظت غظبا من الغيرة على ابنها و لكن تمالكت نفسها و ردت بكل ثقة:

الله يرحمه يا حبيبتى دة كان بيحبك اوى مش كدة يا شامل. شامل بتلعثم: اه اه طبعا كان بيحبها جدا. سانثير و هى تربت على ظهر حاروت: يلا يا حبيبي روح سلم على طنط. ذهب حاروت و سلم عليها و لكن شعر بنغزة فى قلبه شعور غريب و كأنه لا يريد الابتعاد عنها. امينة: انت شبه ابنى الله يرحمه اوى حتى نفس الاسم اظن كدة اننا هنبقى صحاب. حاروت بضحك: اكيد يا طنط اكيد. امينة و هى تضربه فى كتفه: ما بلاش طنط دى يالا قولى يا ميمو. حاروت بضحك:

ماشي ياميمو. امينة و هى تقبله: يختى عالعسل طالعة منك زى السكر. حاروت: طب هستاذنكم انا بقى عشان دة وقت الصيد. امينة: مع السلامة يا حبيبي ابقى خد بالك من نفسك. و قبل أن يرحل. حور: حاروت. حاروت و هو يبتسم: نعم عايزة ايه يا لمضة. حور و هى تفعل باصابعها هكذا: ممكن تاخدنى معاك. حاروت بشدة: مستحيل طبعاً. حور: ارجوك يا حاروت و الله مش هعمل دوشة هقعد ساكتة. حاروت لنفسه:

يخربيت كدة انت هتضعف قدامها ولا ايه لالا مش هاخدها يعنى مش هاخدها. حور: والله العظيم لو ما اخدتنى معاك لعيط و ابهدل الدنيا. حاروت فسره: يخربيت جمالك عايز اكلك بس لالالا. حاروت بعصبية مصطنعة: لا قولت مش هتروحى يعنى مش هتروحى. حور: بق ا كدة طب تمام اوى انت كدة و انا بقا اصلا مش عايزة اروح معاك غور فداهية تشيلك. حاروت بيأس: انا ماشي عشان متشلش. بعدما رحل حاروت. امينة: مين دى بقا بنتك يا سانثير. حور

بضحكة و هى تمسك بيد امينة: لا مش بنتها انا ضيفة هنا كم يوم و ماشية علطول. امينة بابتسامة: تعرفى انك جميلة اوى اسمك اي. حور: دى اقل حاجة عندى علفكرة 😃بلص اسمى حور. امينة: حور و حاروت لايقين على بعض تصدقى😂😂😂. سانثير بغيظ: من غير ما تقولى يا حبيبتى انا كدة كدة هجوزها لحاروت. امينة و هى تلمس على شعر حور: و ماله هو انا اكره دى زى القمر. حور و هى تضم امينة: الهى تنسترى يا حماتي 😂. سانثير بغضب: انا اللى حماتك يا حور مش دى.

حور: مخلص يختى غلطان فالبخاري. سانثير بغضب: بتقولى ايه. حور: بقول تؤمرينى يا حماتي .... بت يا اميرة تعالى عايزاك استاذكم بقا يا جماعة انا فاوضتى انا و اميرة اى حد عايزنا يريت ما يناديش علينا😂😂😂. امينة: ماشي يا ام لسانين روحي. نظرت امينة لسانثير: ايي يا سينو مش هتقوليلى على باقى ولادك ولا ايه. سمرائيل: اصل بعيد عنك يا اختشى حاروت المفضل بتاعها. امينة بضحك: سمرائيل مش كدة. سمرائيل: ايوا يا مزة انا. امينة:

تشرفت بيك يا عسل. ثم أشارت على روز قائلة: و القمر دى روز صح. روز: ايوا صح انا روز بجد يا طنط حضرتك جميلة اوى. امينة بضحك: يا روحى عليكى كيوت خالص زي امك بالضبط. سانثير: على رأى المثل اقلب القدرة على فمها. امينة: تطلع البت لامها يا روحي. امينة: بس اظن انك عندك اربع عيال اومال فين الرابع. سانثير: بيصطاد يا حبيبتى لما يرجع هبقا اخليه يسلم عليكى. شامل: طب هستاذنكم يا جماعة عشان ورايا شغل كتير. سانثير:

براحة ها انسى الماضى انتى مراتى يا روحي. نزلت تلك الكلمة على امينة كالصاعقة و لكنها تمالكت نفسها. خرج كل من بالقاعة ما عدا سانثير و امينة. ذهبت سانثير لامينة و امسكت بذراعها قائلة: هو انا مش قولتلك مشوفش وشك هنا و الا ودعيني ابنك. امينة بسخرية: ابنى مين اللى الله يرحمه مش كدة. سانثير: الله ينور عليكى طول مانتى قاعدة هنا لازم تعرفى ان ابنك دة الله يرحمه حاروت دة ابنى انا و شامل جوزى فاهمة يا انسية. امينة ببكاء مصطنع:

امرلك يا مولاتي انا جاية هنا مش عايزة حاجة غير الستر انا مليش مكان اقعد فيه عشان خاطري انسى اللي فات و سبيني اقعد معاكم و انا و الله اعيش خدامة تحت رجلك. سانثير بتكبر: جدعة ياختي و زي ما قولتي خدامة و بس. تركتها سانثير و رحلت. امينة بخبث: اتكبري براحتك يا سانثير من ضحك اخيرا ضحك كثيرا. عند حور و اميرة بالغرفة. حور و هى نايمة عالسرير بملل: يييي بقى هو مفيش اي اكشن فالمكان دة ايي يا شيخة ايي الملل دة.

اميرة و هى بتقرا كتاب: حور لمى نفسك مش عايزين وجع دماغ هنا لمى نفسك. حور: بقولك ايي. اميرة و قد اغلقت الكتاب: لا بقولك ايه انتى لمى نفسك و تقعدى ساكتة انتى كلمة بقولك ايي دى مبيجيش بعدها خير بيجي بعدها مصايبتقعدى ساكتة كدا و لا اقولك نامي. حور بتصنع: انا يبنتي انا ؟! لو اعرف انى تقيلة عليكى اوى كدة مكنتش قعدت معاكى اخس عليكى اخس. اميرة: لا ونبي بصي يا بت انتي شغل حلق حوش اللي بتعمليه ده مش هيخيل عليا اتهدي بقا.

حور بعصبية: ي سلام يختي منا كنت بستحمللك انتي و النحنوح بتاعك دلوقتى مش قادرة تستحمليني اما صحيح خيرا تعمل شرا تلقي. اميرة: انتي مالك بقا و مال النحنوح عملك ايي هو دلوقتى. حور: لا بقولك ايي ان كنتى فاااااكرة ان كنتى فاااااكرة ان هتعمليهم عليا انتى و سمرائيل الدلدول ابتاعك تبقي غلطاااانة. اميرة: طب متقوليش دلدول عشان مزعلكيش. حور: انا بكلمك لبه اصلا : دة انتي بومة انا هروح لوحدى. اميرة: هتروحي فين. حور بغمزة:

في غيرو حاروت طبعا. اميرة: الواد ده صعبان عليا بجد يعني يوم ما يحب يحب هبلة زيك. حور: اتنيلى حب ايه بس هو معبرني اصلا. اميرة: اه صح منتي مشوفتيهوش كان هيموت من الغيرة عليكي ازاى يوم الحفلة. حور بلهفة: بجد يعني كان غيران. اميرة: غيران بس؟! دة كان فاضل شوية و يكسر وش اعجم. حور: طب احكيلي احكيل. ايه الحصلو بعدما حكت اميرة ما حدث. حور: لاااا دة انا لازم اروح له بقى. اميرة بضحك: هتروحي فين يا مجنونة. حور: لحاروت.

جرت حور لغرفة سمرائيل و ظلت تدق على الباب بشدة. سمرائيل و هو يفتح: ايييييييييه ايه فى ايه. حور: سماسيمو حبيبي. سمرائيل: حبيبك اه اخلص قولى عايزة ايه. حور: ممكن يا سمرائيل يا قمر انت تقولي حاروت فين. سمرائيل بفزع: حاروت ايي انتي عايزاه يقتلني. حور: طب لو قولتلك انى هسيبك مع اميرة من غير ما ارزل. سمرائيل بفرح: فالغابة. حور: تصدق مكنتش اعرف مهو اكيد بيصطاد فالغابة يعني بيصطاد فين. سمرائيل:

يخربيت ام لسانك الطويل ده استنى هكتبلك العنوان فورقة. كتب سمرائيل العنوان و أعطاه لحور. حور بفرحة: شكرا شكرا شكرا. ارض البشر. مليكة: دوري معايا كويس يا زفتة انتي. الممرضة: يا دكتورة احنا دورنا فالبيت كله و مفيش حد ولا في حاجة. مليكة: دوري و انتي ساكتة اخلصييي. كانت مليكة بتدور على ورق المشروع عشان تخلي حور تخسر المؤتمر الجاي و للحظة. الممرضة: يا دكتورة يا دكتورة تعالي بسرعة. مليكة: ايي بتزعقيلي بصوتك ده في ايه.

أشارت باصبعها إلى البوابة التي فتحتها اميرة لتذهب لأرض الجان و لكنها يبدو انها نسيت المرايا مفتوحة. مليكة و هى تتفحص البوابة: وااااو ايه ده. مدت ايدها للمصدر المنبعث منه الضوء سحبتها المرايا لعالم الجان. الممرضة: يا نهار اسود بسم الله الرحمن الرحيم. و جرت بعيداً. فى الغابة. وصلت حور و هى عمالة تجرى فكل حتة بتدور على حاروت. حور: انا شكلي توهت ولا ايه هي الطرق كلها زي بعضها ليييييه🥲كدة

مفيش قودامي غير حل واحد: حارووووووووت يا حارووووووووت ولا يا حوحو. ظلت تنادي على حاروت على امل ان يسمعها. و عندها وجدت شخص يصوب السهم نحوها. هى و هى تجرى نحوه: تعالى يا حوحو بقا كدة بتصوب السهم عليا مش كفاية مموتني فحبك كمان عايز تموتني فالحقيقة. انزل السهم و توجه نحوها قائلا: يخربيتك هو انتي يا مجنونة ايي اللي جابك هنا. انهى حاروت وقت الصيد و رجع للمنزل. و عندما عاد. سمرائيل: حمدلله على السلامة ايه ده فين حور.

حاروت: نعم و انا هعرف منين. سمرائيل: هي مش راحتلك يا ابني. حاروت بصدمة: ايه؟!