رواية الملتزمة الصغيرة الفصل الثامن 8 - بقلم سمر ابراهيم

وقفنا لما نفس ومصطفى كانوا بيتكلموا وأويس شافهم ونزل. وكأي ذكر بط بلدي أصيل شاف البت بتاعته مع غيره نزل نافش ريشه وعازم النية على القتل. أويس: الأخت والأخ لوحدهم والدنيا ليل والجو رومنسي وهما اتنين والشيطان تالتهم. "وكمل بصوت عالي" بيعملوا إيه هنا لوحدهم؟ نفس ببرود: لا لا متقلقش الشيطان لسه واصل حالاً بس اتأخر المرة دي. قولنا كل حاجة قبل ما تيجي، يوه قصدي ييجي هو يعني مش أنت. مصطفى: أوبااااااااااااا.

نفس مشيت قدامه، مشيت البطة الفخورة بنفسها ورأسها للسماء بغرور صغيره مصطنع. زي ما بنقول ماشية تتمختر. أويس ابتسم بخبث وحط رجله تحتها، وقعت في حمام السباحة وفضلت تعوم لحد ما طلعت وهي كلها ميه بغضب. مصطفى: أوبااااااااااااا. بقيتي كتكوت مبلول بدل كتكوت صغير. نفس: أنا مش بعرف أعوم وكنت هموت لولا البتاع دا. "بصت لمصطفى" بس ياض. وأنت يا أخ الطويل أخرج إزاي على كده ولبسي لازق كده.

أويس قلع الجاكت بتاعه ومده ليها وهو باصص الناحية التانية، وهو بيبتسم على كسوفها برغم صغر سنها. نفس خدت الجاكت بخبث. بعد نص ساعة، باب أويس دب دب دب. أيوه هو عارف الخبطة دي مميزة عن الكل. الفجر كان بيأذن. فتح الباب: نعم. نفس: اتفضل دا الجاكت بتاعك اللي بتحبه أوي أوي أوي. أويس مسك الجاكت وهي جريت بسرعة. الجاكت كمه مقصوص متلون بكل ألوان الطيف، وكل تلاته سنتي فيه فتحة كبيرة.

أويس ابتسم: أوباااااااااااا. ماشي يا نفس الكلب أنا أربيكي. نفس راحت أوضتها صلت الفجر وحاولت تنام بس للأسف خايفة من الكابوس بتاع كل يوم. قررت تروح عند تفاؤل تنام معاها. تفاؤل: زيارتك كترت خير يا أخت. نفس: أنتي بتتكلمي كده ليه يا بت من فوق. تفاؤل: لا بقى مش عشان أنتي ضيفة شرف عندي في أوضتي تعلي صوتك عليا. نفس: ولا من حقك أنتي كمان تعلي صوتك، ولا عشان أطول مني باثنين سنتي يعني.

تفاؤل: طيب مفيش نوم على سريري. أنتي امبارح ضربتني شلوت وأنتي نايمة ونمت على الأرض طول الوقت ده، غير أنك حاولت تخنقيني. نفس: قلبك أبيض بقى. تفاؤل: لا لا. نفس: طيب إيه رأيك هسيح لك وأقول إنك أكلتي معجون الأسنان وأنتي بتغسلي أسنانك. تفاؤل: قديمة. أقول لأويس على اللي بالي بالك. نفس: اللي هو إيه. تفاؤل: إنك عملتي بالكتاب بتاعه زينة رمضان اللي بعد خمس شهور وخبيتيها في المستودع.

نفس: عادي هو اللي رامي كتبه. أما رأيك أقول له إنك دخلتي أوضة الجيم بتاعت الشباب بعد ما مشيوا. تفاؤل: أنتي دخلتي معايا. نفس: مش أنا اللي حطيت مسمار في البتاعة اللي بيمشوا عليها وخربت. والرجل جه صلحها تاني يوم. تفاؤل: باااااااااس كفاية تسييح. انهاردة حد يسمعكم بس متقلقوش أنا كاتبة جدعة ومأمنه لكم المكان كويس. تفاؤل: خلاص خلاص. أنتي تنامي على النص ده وأنا أنام على النص ده. ولو بالغلط مفيش نوم هنا تاني مفهوم.

نفس: اشطا، تصبحي على خير يا حبيبتي قلبي. تفاؤل: وأنت من أهل الجنة يا روح عيني. مر شهر، أويس والشباب في امتحانات الكلية والباقي في الشركة والبيت كله هدوء. وأخيراً الكل خد الإجازة. أما نفس بتخاف بالليل، تحس باكتئاب كبير وطول الوقت حابسة نفسها في أوضتها. وطول الليل بكاء وصرخ من الكوابيس اللي بتشوفها بالليل والصورة موت والدتها بتتكرر في النهار. في أحد الأيام على الغداء. الجد: أويس ها كلمت نفس في الموضوع الدكتور.

عامر: أنا عارف دكتور كويس، حجزت ليها عنده الموعد انهاردة. أويس: ماشي، طيب هكلمها انهاردة. نفس جات. الجد: تعالي ي نونو، صحي النوم ي جميل. نفس: جدو، أنت بتدلع طفلة صغيرة. أنا كبيرة على فكرة. تفاؤل: هههه، عايشة دور الست العجوزة ليه. نفس: مين بيتكلم، أم عقل نملة. تفاؤل: نينينينيني، وأنتي بقى ستنا الشيخة نفس. ي عجوزة ي معقدة. منال: تفاؤل عيب كدا، كلمي صحبتك كويس. نفس بتكبر: سبيها يا طنط، أنا مش باخد على أطفال صغيرة.

أسد: جدو، أنا كنت عايز أتكلم في موضوع. الجد: قول، موضوع شغل. أسد: لا، أنا عايز أخطب. صدمة للكل. أما نفس. نفس: لولولولولولولولولولولوي، مبروك يا أبو الأسود. وأخيراً نخلص منك. الجد: ها، بس أخوك الكبير لسه مش خطب وأنت لسه في الجامعة. أسد: عادي، ما هو مش جواز دي خطوبة بس. وبعد الكلية نتجوز. نفس: وعرفتها إزاي بقى يا متربي. أحمد: قصدك إيه يا بت. نفس: قصدي ابنك بيعرف بنات يا حج وأنت نايم في العسل. ما الست مريم.

أسد بص ليها بغضب: معايا في الجامعة بس أصغر مني. واسكتي أنتي. الجد: نفس اسكتي أنتي، بلاش تحشري منخيرك بين الكبار. وأنت يا أخ رايح تحب في الجامعة وسايب دراستك. نفس: هه، قال كبار قال. أسد: لا طبعاً، أنا مركز في الدراسة بس. عادي، هو يعني الجواز حرام يا جدو. أحمد: أسد انتبه لصوتك مع جدك. أسد: آسف، بس يعني فيها إيه ليه مكبرين الموضوع كده يا جماعة.

فهد: أنا معاك، الشخص اللي يعجب بواحدة ويتقدم ليها يبقى راجل وقد المسؤولية. لا عيب ولا حرام. نفس: صح الصح. أنت يا أبو الفهود بتقول حكم. أسد: هههه، فيه رجالة بالاسم بس. "وبص على أويس بسخرية". أويس: وفيه عيال عايزة تتجوز مستعجلة يا بيضة؟ وأنت لسه بيبي صغير. نفس: أيوه اديله. هو اللي بدأ بالغلط. مريم: جرى إيه يا أويس، ماله اللي يتجوز؟ لتكون غيران منه. وأنتي يا نفس أسكتي.

منال: اللي بيتجوز مش بيكمل تعليمه يا مريم، ولا نسيتي. مريم: وهما اللي اتعلموا يا أختي عرفوا يربوا. نفس: كبيرة دي يا مريم، وسعت منك. أحمد: مريم حطي لسانك في بقك وسكتي. وأنتي يا نفس اتهدي. عامر: منال مسمعش صوتك تاني. احترموا وجودنا. نفس: لحظة، تعالي يا تفاؤل نجيب فشار ونتفرج عليهم وهما بيتخانقوا كده وهما كبار. هههههههه، عاملين زي العيال الصغيرة. وقال إيه جدو يقول كبار. هههههههه. تفاؤل: يلا بينا. هههههههه.

الجد: عاجبكم كده، ضحكتوا القزع عليكم يا كبار. نفس: جدو، احنا قزع. الجد: أيوه، وسكتي أنتي وهي. وأنت عرفتها إزاي يا أسد؟ من عيلة إيه. أسد: ها، هي أخت الدكتور إسلام بتاعنا. معيد ملتزم وكويس جداً. وجات له في محاضرة وأنا شفتها وأعجبت بيها. مصطفى: مش البت اللي جات لأويس من فترة اللي لابسة محزق وملزق وحاولت تتكلم معاه. أسد: اسكت أنت ملكش دعوة. ها يا جدو قلت إيه. الجد: والله ده قرارك وأنت تتحمل المسؤولية. أنا موافق.

أسد: طيب، هي خلصت امتحانات مع أويس. ممكن نخطبها خلال الأسبوع ده. الجد: ماشي، على بركة الله. نفس: زغرتي يا مريم. مريم: ههههه، لولولولولولولولولولوي. بعد قليل، أويس وقف مع نفس وتفاؤل. نفس: قول عايز إيه. أويس: نفس، عايزة تخلصي من الكابوس المرعب بتاع كل يوم. نفس بتحاول تكتم دموعها: لا بالله عليك مش عايزة أروح دكتور. أويس: أنتي عرفتي إزاي بس؟ ده لمصلحتك. نفس: لا لا لا، بالله عليك لا.

أويس: أنا ساكت ليا شهر. وغصب عنك هتروحي. حضري نفسك. وأنتي يا تفاؤل تيجي معانا وفسحكوا بعدها. نفس: ماشي يا أويس، بس لو مش عاجبني توعدني إنك مش تاخدني عنده تاني. أويس: وعد. وفضل يفكر إيه سبب خوفها من الدكتور النفسي بالشكل ده. وكل ما يحاول ياخدها تبكي ويغمى عليها وتتعب. أما نفس فكرت من أسبوعين لما فرح جات ليها. "فلاش باك" فرح: هاي يا نفس.

نفس: باي، إيه متعرفيش سلام عليكم. وبعدين جاية ليه مش ها تسميني ولا تقتليني المرة دي. فرح: حيلك حيلك، أنا جايه أعتذر منك. أنا كنت غيرانة منك. نفس: واعتذارك مرفوض. وقولي الحمد لله إني مش فاضية لك بس مش هسكت على حقي. فرح: طيب، مع إني خايفة عليكي من اللي جدو وأويس ناوين يعملوه فيكي. نفس: هو إيه. فرح: أويس عايز ياخدك عند دكتور نفسي، يعني دكتور المجانين. ويحبسك في السرايا بتاعت المجانين. ممكن يقتلوكي هناك.

نفس خافت أوي، بس ظهرت إنها قوية وإن جدها مستحيل يتخلى عنها: هههههههه، عيلة صغيرة. أنا أصدق كلامك. لا يا ماما، أنا أذكى منك. فرح: براحتك، بس لما أويس يقولك ابقي تأكدي بنفسك. "باك" نفس: كده يا أويس، عايز تاخدني عند الدكتور بتاع المجانين. أنا أجننك أنت وهو. تفاؤل: خلصتي. الله الفستان ده حلو أوي والحجاب عليه تحفة. نفس: ده الطبيعي، أنا أي حاجة عليا حلوة. بس تعالي أفهمك على سر كده. تفاؤل رمت ليها ودنها: قولي قولي.

نفس: ده دكتور مجانين يا توتو. وممكن يحبسني مع المجانين. لازم نطفشه من الأول، أوك. تفاؤل: بس إزاي يعني. نفس: تعالي أقولك. تفاؤل: كده فهمت ليلته بطيخ. عند الدكتور. نفس: اااي، العيادة موسخة. مش نضيفة. تفاؤل: يااي ي أويس، ريحت المكان عيانين. أويس: بت أنتي وهي، المكان تحفة والعيادة فاضية خالص. وكمان دي مش عيادة عيانين يعني مش فيها ريحة علاج. نفس: عارفة، عيادة مجانين مش عيانين. وبعدين شايف لمبة مكسورة. ده بخيل وبتاع فلوس.

أويس: لا يختي، دي ديكور وأغلى من اللمبة العادية خمسين مرة. تفاؤل: وليه يعني يصرف فلوسه على حاجات تافهة. ده شكله مغرور ومتكبر. قال ديكور قال. أويس: ادخلي أنتي وهي. وأي حركة كده ولا كده بحساب فاهمين. نفس: ماشي، ربنا على الظالم والمفترى. تفاؤل: ربنا معاكي يا أختي. وليه غلبانة والزمن جاي عليكي. أويس: وربنا أضربك منك ليها. بطلوا شغل المسكنة والشحتين ده. الدكتور: أهلاً وسهلاً بالقمامير.

نفس: هوووف، رخمة رخامة. قال قمامير قال. تفاؤل: شايفة السنان الصفرة. شرير وشكله وحش. أويس: أهلا بيك يا دكتور. "وغمز لنفس وتفاؤل عشان يسلموا عليه." الدكتور: طيب تعالى اتفضل معايا. وأنتم يا صغيرين خليكم مع بعض هنا. المكان فاضي. نفس: أويس، أنا عايزة أكل. تفاؤل: ممكن تجيب ليا عصير معاك يكون بالمانجو. أويس: بت أنتي وهي، مسمعش صوتكم تاني. اتفضل يا دكتور. الدكتور: هي دي نفس اللي لابسة فستان.

أويس: أيوه، هي بتخبي علينا بس طول الليل صراخ وبكى ومش بتعرف تنام. الدكتور: بتشوف صور غير الكوابيس. أويس: أيوه، لما تفضل لوحدها بتتكلم وتحاول تبعد أبوها وبتخاف وتبكي. وكان المشهد بيتعاد قدامها. بس رافضة تبين قدام أي حد منا. أنا أشوفها صدفه. الدكتور: طيب، بتلوم نفسها على موت والدتها أو بتخاف من الأماكن المتعلقة بالحادث.

أويس: مشكلتها مش بتظهر خوفها. بس بقيت تبعد عن كل الأماكن اللي مامتها كانت تروحها. بتخاف من المطبخ بتاعنا لأن مامتها كانت فيه. ومرة خرجت معايا. أول ما شافت الطريق اللي بتوصل لبيتهم فضلت تترعش ومسكت إيدي لأول مرة. كانت مرعوبة. ولما سألتها قالت شافت قطة. هي بتخاف من القطط بس بتحب الكلاب أوي. الدكتور: حد جاب سيرة والدها اللي قتل قدامها.

أويس: هي راحت زيارة أوي أيام وكانت عادي. بس بعد كده مرة كنا بنحكي عنه وأنه اتحكم عليه مؤبد. فضلت قافلة على نفسها يومين وبتبكي. مش فاهم هي زعلت عليه ولا لأنه مخدش إعدام. ولا ده من خوفها منه. الدكتور: طيب، هشوفها وأحكم على الحالة عشان أتأكد. عند نفس. تفاؤل: هما بيتكلموا في إيه كل ده. نفس: أكيد بيتفقوا يخلصوا مني إزاي. رجالة ملهاش أمان. تفاؤل: يااااه، أويس شرير كده. مكنتش أعرف. أويس: ربنا يسامحك. أنا شرير يا توتو.

نفس: بت، شوفي فوق كده في السقف عنكبوت. ياي. تفاؤل: ذوقك مش حلو خالص في الدكاترة يا أويس. أويس: يلا يا نفس، ادخلي. الدكتور عايزك. نفس بصت ليه ببراءة ودموع: بلاش. أويس: عشان خاطري. وأنا هنا متخافيش. نفس دخلت بغضب. الدكتور: أهلاً يا قمر. إيه الحلاوة دي. نفس: احترم نفسك. أنا آنسة مش قمر. بتدلع بنت أختك أنت. الدكتور عرف إنها شايفه نفسها فوق سنها: طيب يا آنسة، اسمك إيه. نفس: ليه يعني. الدكتور: عادي نتعرف. أنا دكتور محمود.

نفس بتفكر: كمان محمود سنتك بطيخ. ما أنا فاهمة بس نتعرف ليه. الدكتور: إيه نتعرف ليه دي. نفس: أيوه، أنت عايز تتعرف تكون جاي تخطبني مثلاً. ولا عجبتك بفستان الفرح اللي لابساه ده. الدكتور بابتسامة: طيب، يا ريت والله. وأنا مجهز الشقة ومنتظر العروسة. لو واحدة قمر زيك كده تبقى دعوة أمي استجابت. نفس مدت إيدها تسلم عليه وهو مسك إيدها باستغراب. نفس: سامحني يا رب. لازم أضحي عشان حياتي. مش عايزة أموت مع المجانين.

"أنت واحد قليل أدب." وفضلت تصرخ بصوت عالي. أويس جه يجري شاف الدكتور ماسك إيد نفس وهي بتصرخ: نفس، في إيه مالك؟ بعد إيدك عنها. تفاؤل: عملك إيه الكلب ده ي نونو ي حبيبتي. سيب إيدها ي شرير ي قليل الأدب. أويس بص للدكتور بغضب والدكتور مذهول من الموقف مش قادر يتكلم. وساب إيدها. نفس: يلا نمشي من هنا. الراجل قليل الأدب. تعرف قالي إيه؟

عايز يتجوزني يا أويس. يرضيك كده. وقال إيه أنا لابسة فستان الفرح أهو. وكمان مسك إيدي. وكمان قالي يا قمر. أنا يتقال ليا يا قمر. بيعاكسني. أويس: تصدق إنك واحد قليل أدب. نفس: عايزه أروح بليييز. الدكتور: دي كدابة. أنا. نفس: قسماً بالله يا أويس مش كدبت في حاجة. وربنا أنت عارف إني مش بكذب. أويس: مصدقك من غير ما تحلفي يا نفس. الدكتور: طيب، ممكن خمس دقايق بس نتكلم يا أستاذ أويس. أويس: أعتقد مفيش كلام بعد اللي حصل.

الدكتور: دي سمعة العيادة ممكن تضر. لو سمحت اتفضل معايا أشرح لك الموقف. أويس: خليكي هنا يا نفس. اتفضل. الدكتور: نفس عملت المسلسل ده لأنها مش حابة تتعالج. هي فعلاً مش كدبت لكن غيرت الطريقة. وده ذكاء منها. أنا بعترف إني خسرت قدامها. "وحكى ليه الحوار من أوله." أويس: ماشي يا نفس الكلب.

الدكتور: بس من كلامك نفس بتعاني من اضطراب ما بعد الصدمة. بس بسيط. مجرد كوابيس بيتعالج بشوية جلسات ومهدئات. ونعرضها للأماكن اللي بتخاف منها تحت إشراف الدكتور طبعاً تحسباً لأي ظروف. ولما تحكي الموقف اللي اتعرضت ليه من غير خوف تبقى خلاص اتعدت الصدمة وتعيش طبيعي. الموضوع بسيط بس محتاج نعالجه من الأول. وكل ما تتأخر في العلاج كل ما المرض يتطور والآثار تزيد.

أويس: شكراً يا دكتور. وأنا آسف. بس محتاج وقت أقنع نفس. مش عايز أجبرها على حاجة غصب عنها. الدكتور: طفلة شرسة بس قوية وقدرت تضحك عليا. هههههههه. أويس: طيب سلام بقى. أشوف الداهية اللي بره دي. نفس: جيت. قال لك إيه إني كدابة صح. أويس: يلا يا تفاؤل نمشي. نفس بخوف: و وأنا عايز تسيبني هنا لوحدي. أويس: يلا يا توتو. نفس: خلاص بالله عليك خدني معاك. مش عايزة أفضل هنا وأعمل أي حاجة تقولها. تفاؤل: نفس أهدي. مالك. هو مش ممكن يسيبك.

أويس: على العربية أنتي وهي من غير صوت. وأنتي حسابك في البيت مش هنا على الفيلم ده. نفس خوفها راح قررت تبسط الموضوع: براحة يا عم. الله متعصب علينا ليه كده. عشان طويل وعندك عضلات يعني. أويس: مش عايز أسمع صوتك. فاهمة. يلا على المول نشتري لبس. نفس: أيوه بدل ما بلبس مع البت دي لبسها ضيق وأوفر أوي. أويس: من غير كلام. ولو حصل حركة منك في المول ممكن أقتلك. فاهمة.

نفس: مش عايزة منك حاجة. أنت عايز تذلني بيهم. لا يا خويا مش نفس اللي تشتريها بفلوسك. أويس بيقرب منها: عيدي كلامك كده. نفس: بقولك هتشتري لنفس إيه بفلوسك. يعني هتجيب ليا إيه بالضبط. أويس ضحك: قدامي يا نفس الكلب. نفس: حاضر. "وبصوت واطي جداً" ي حمار.

بعد فترة، أسد خطب ميرا. بس الأمور بقت تخنقه. طول اليوم تلفونات. عايز يقول ليها كلام رومانسي بس هو قال ليها لما نكتب الكتاب وتبقى مراتي. وأن الخطوبة مجرد وعد بالزواج ولازم يلتزم الحدود معاها. غير كده إنها دايماً تحرضه على العيلة كلها. بقى يكره نفس وأكتر وأكتر. ميرا ورته صورة: أسد عايزة ساعة زي دي. سعرها تحفة. أسد: بس أنت من أسبوع مشتريه واحدة عجبتك وغالية كمان. ميرا: قول إنك بخيل ومش عايز تجيب ليا حاجة.

أسد: مش كده بس أنا شايف إنه ملوش لازمة كل أسبوع ساعة. بس حاضر على عيني. احجزيها. وأنا أدفع تمنها ي ستي. ميرا: قلبي ي ناس مش بيرفض ليا طلب. المهم عملت إيه؟ قلت لجدك على الموضوع. أسد: افففففففف. مش عارف إزاي أقوله إني عايز حقي في شركتك وأنت حي وأبويا حي. أورثك. مش مقتنع.

ميرا: لا مش كده. أنت شغلك ممتاز. وده لو عرفت تاخد حقك من الشركة تشتغل لنفس. مش أنت تشتغل وأويس ياخد على الجاهز. تعرف النتيجة ظهرت في الكنترول. وعرفت إن أويس جايب امتياز من 98%. يعني الأول على الدفعة كلها. لو في يوم حصل مشاكل يبقى معيد في الجامعة. وفي غناء عن الشركة كلها. أسد بحقد: كان بيذاكر وإحنا نشتغل ونروح الجامعة وهو بيدح. ميرا: شوفت. أنا خايفة على مصلحتك أهو. أسد: طبعاً. شكراً يا ميرا.

ميرا: طيب سلام بقى ي بيبي. اتأخرت أوي. متنساش الساعة. هبعت لك الصورة. هي منتشرة على الأون لاين. أسد: ماشي. سلام. أويس: عايزة إيه. نفس: بص نعمل اتفاق. لو سمعت صوتي بالليل أو أغمي عليا أو شفتني بكلم نفسي تاني. خدني عنده. أويس: ليه مش حابة تتعالجي. نفس: أنا مش مجنونة. أويس بعصبية: لا مجنونة. لما تفضلي طول الليل تصرخي وخايفة. وكل ما حد يفكرك بالحادث يغمى عليكي. ورافضة إنك تتعالجي من كل ده. تبقي مجنونة يا نفس.

"وفضل يتنفس كأنه بيحارب." نفس صمت لحظة لحظتين هوب انفجار. نفس فضلت تبكي وتصرخ: مش مجنونة! أنت اللي مجنون! كلكم مجانين! وأنا أنا بكرهك! بكرهك وبكرهكم كلكم! أنت شرير عايز ترميني عند المجانين عشان تخلص مني! فضلت تبكي وتضرب فيه بأيديها الصغيرين. أويس: طيب أهدي. أنا آسف. حقك عليا يا نفس. أهدي. نفس فاقت وقررت تنسحب وتبكي بعيد.

"مش بتحب تبين ضعفها. ده منتهى القوة. أما منتهى الذكاء إنك تستخدم الرجل بدموعك. الست بتكون قاتلة القتيل وبكام دمعة تقلب هي الضحية. مش عارفة إيه علاقة الكلام ده بالموضوع. المهم." أويس: آسف. وربنا ما هفتح الموضوع ده تاني. نفس: حصل خير. عن إذنك. أويس: ممكن تحكي اللي حاسة بيه. نفس سكتت مرة واحدة وفضلت تبص للفرغ: مش حابة أحكي لحد. شكراً لاهتمامك. أويس: خلاص بقى. إيه رأيك نلعب كورة. نفس: ماشي.

أويس ابتسم: ببساطة كده. أنتي إيه يا بنتي. نفس: أنا نفس. يلا بقى نلعب. فين العيال. وبعد قليل الكل اتجمع. فرح: أنا فريق أويس. نفس: لا لا مش هتبقي في فريقي. فرح: أنتي مالك أصلاً. مش هتبقي معانا. نفس: ململ حالك ي حزن هانم. أنتي مين خرجك من أوضتك. مش باباكي حبسك زي المجرمين يا قاتلة. أويس: خلاص بقى. أنا ونفس وفهد ضد مصطفى وأسد وفرح وتفاؤل الحكم. الكل اشطا وبدأ اللعب مع صفارة تفاؤل. وفضلت تصفر كتير فرحانة بالصفارة.

أويس: بس خلاص ي بت. تفاؤل: الله بلعب فيها حاجة دي. خد كرت أصفر لتعطيل لعب الحكم. وهو مشغول. أويس: نعم يختي. نفس: من أولها بتعمل مشاكل مع الحكم. أبعد كده معلش يا زمالة. عديها عشان خاطري أنا. تفاؤل: عشان خاطرك بس يا نونو. أما هو يستهل. أسد: نبدأ بقى. خلصتوا تفاوض مع بعض. تفاؤل هددته ترفع الكرت. سكت وبدأ اللعب.

أسد بيحاول يصيب أويس وقاصد مشاكل. نفس خايفة تدخل وسطهم تاخد إصابة وهي قصيرة كده. عين العقل تنتظر الفرصة المناسبة للانقضاض. نفس بتفكر: دي فرصتي. الكورة مع مصطفى الأقفل. يوه استغفر الله العظيم. أنا كده بغتابه. "مصطفى ألحق بص تحتك كدا شوف شوف." مصطفى بص لتحت. نفس مسكت الكورة بإيدها ودخلتها في الشبكة. جووووووووووووون. تفاؤل صفرت: الله عليكي ي جامد. أول جون لنفس. برافوووووووو. الكل: نعم.

تفاؤل: هو المفروض يتحسب جونين دبل. بس اجي عليها المرة دي. مع إنها صحبتي. نفس: ماشي يا صاحبي. مقبولة منك. ها يا مصطفى شفت تحتك كان فيه نملة. هههههههه. أويس: نفس اقفي حارس مرمى. امسكي الكورة لما تدخل. بلاش تجيبي ليا الضغط وأنا صغير. في كرة قدم بتدخل الكورة بإيدك. تفاؤل: إيه دا. إزاي تتخلوا عن قدرتها في الفريق دي. جابت أول جون في الماتش. أويس: ما إحنا مستغنين عن خدماتك أنتي كمان. يلا ي بت تقعدي تتفرجي من بعيد.

نفس وقفت جون وهي حاسة نفسها مظلومة. الشباب بيلعبوا باحتراف. ونفس أول ما الكورة تقرب منها تجري بعيد خايفة تلمسها. النتيجة تلاته اتنين لصالح أويس. طبعاً مش حاسبين جون نفس. فرح مسكت الكورة وضربتها اتجاه نفس. مع إنها خرجت من العارضة وخايفة. الكورة جات فيها. وقعت على الأرض وفضلت تنزف من مناخيرها. أويس: نفس. الكل جري ناحيتها. نفس نزفت. وأول ما شافت الدم فضلت تصرخ.

نفس: اااااااه. دم دم يا أويس. دم. أبعده. ماما. أويس بعده عنها. وفضلت تبكي وجسمها يرتعش وأغمى عليها. أويس: أنتي غبية والله يا فرح. لعاقبك على كل نقطة دم نزلت منها وعلى خوفها ده. أسد: براحة على نفسك يا أويس. في إيه. بتدافع عن بنت الخدامة كده ليه. قالت مش قصدها. فهد: كداب يا أسد. أنت عارف إنها قصدها. أويس: أعتقد يا أسد. أنا قلت قبل كده نفس بقت واحدة من العيلة. دلوقتي بلاش الكلام ده.

مريم: خلاص يا جماعة. هي البت دي كل يوم تعمل مشكلة بينكم. منال: في إيه يا مريم. دي بنت يتيمة. مش صعبانة عليكي. أنتي قلبك إيه ده. أنا دكتورة جراحة. بس أول ما شفتها كده قلبي انقطع عليها. مريم: عرفنا يا منال إنك دكتورة. خلاص يا ستي. أحمد: مريم تعالي عايزك. مريم: أنت مش شايفها بتتكلم من فوق كده إزاي. ولا إني الخدامة بتاعتها. أحمد: محدش كلمك من فوق يا مريم. أنتي اللي شايفه نفسك تحت الكل.

مريم: لو خليتني أكمل تعليمي كان زماني دكتورة دلوقتي. أحمد: يا شيخة. قال دكتورة. بلا قرف. أنتي مش ناجحة في جوازك. راحة تنجحي في الطب. وبعدين كام مرة توعدني إنك تنسي الموضوع ده ونرجع زي الأول. مريم: يعني أكتم في نفسي لما أموت وترتاح. أحمد: بعد الشر عليكي ي مريومتي. وأم عيال ومراتي وحبيبتي وروحي. مريم: بااااااااس كفاية كده. خلاص. صافي ي لبن. يلا نشوف نفس. عند منال وعامر.

عامر: منال، أنتي دكتورة كبيرة في البلد. ومع ذلك عقلك من عقل سلفتك. أنتم الحريم كده مهما كانت مكانتكم بتقفوا حاجات تافهة. أستغفر الله العظيم. منال: هه، لا أنتم الرجالة عقولكم جواهر لا تقبل للرأي الآخر. وممكن تقتلوا بعض على ماتش كورة. عامر: خلاص. أنتي هتفتحي في حقوق المرأة. أنا أطلع أطمن على نفس. منال: هكذا المشكلة تبدأ مع الأولاد تتنقل لأمهاتهم مع بعض. وكل واحدة تنكد على جوزها المسكين.

نفس بعد شوية فاقت. لقت نفسها في أوضتها والكل جنبها. مريم: وأخيراً يا بطل فقت. نفس: حصل لمنخيري حاجة. الكل ضحك. وهي بتلمس تتأكد على مناخيرها وبتحاول عينيها عشان تشوفها. أويس لقط ليها صورة وهي بتحاول عيونها. نفس: اضحكوا اضحكوا. ممكن تسبوني لوحدي بقى. يلا بيتك بيتك. شطبنا. الكل خرج. ونفس فضلت تفكر لوحدها.

ياااااه لو كنتي موجودة في حياتي ي ماما. أنا خلص. بكرة هاخد الإجازة. نفس ختمت القرآن. بنتك كبرت ي مرمر. فضلت تحكي شوية مع خيال مامتها. "لا زالت تلك البسمة تراودني من حين لآخر حين أتذكرها. لا زالت تلك الرجفة الخائفة تراودني كلما تذكرت رحيلها. كانت أمي هي مصدر قوتي الوحيد الذي فقدته. لا زلت أحتاج إليها. أتمنى عودتها ولو ليوم واحد حتى أروي حرماني من ذلك الحضن الدافئ الذي افتقدته كثيراً."

نفس: هوب. كفاية كده أحزان. جه وقت الانتقام. "توتو ي بت ي تفاؤل أنتي ي بت فينك." تفاؤل: إيه دا. أنتي مش تعبانة. يلا نامي. نفس: لا لا تعالي. وقت الانتقام يا جميل. تفاؤل: هيا بنا. "ورمت ليها ودنها." نفس: وسوسوسوسوس. تفاؤل: اشطا يلا بينا. هههههههه. إلى الانتقام يا رجال. نفس: بت، إحنا بنات مش رجال. ويا ترى ناوين على إيه.