رواية المنتصف المميت الفصل الرابع والأربعون 44 - بقلم ضاقت أنفاسي

مساء الخير للجميع ...اعتذر عن التأخير... أنا اعطيتكم خبر انه رح ينزل بعد ١٢.٣٠ ...لا تلوموا شخص أحياناً الظروف بتكون اقوى ..وما قدرتاجهزه قبل هذا الوقت ...سامحونا 🙃
بالنسبة للبارت رح يكون برعاية غباء غسق ...رح تتصرف تصرفات ما تروق لبعضكم ...بعضكم ينتقد تصرفاتها الغلط ..الشخص لما يكون بالموقف ما بفكر بنفس طريقة الي قرأ القصه ..وكثير منا بنعمل تصرفات بعدين بنندم عليها .. ونتمنى لو فكرنا قبل ما نتصرف ... وبالنهاية غسق شخصيه مو مثاليه وهذا انا الي بحب اطرحه مو دائما البطله مثاليه وبكل الاحداث مظلومه او تستحق التعاطف ..الغلط وارد من تصرفاتها ....
بالنهاية اشكركم من كل قلبي على متابعتكم وتواجدكم الجميل 😍

سكتت لما وصلها صوت مهاب: تعالي غسق!!
زمت شفتها بضيق كانت مقابل له وشايفها ..ما تدري اذا شافهم لما دفوها كذا ..غبيات !
تقدمت بتردد وما تدري وش تقول !!
اول ما دخلت نطق بهدوء: في شيء!!
غسق بارتباك وتوتر: ءءءءانا
نطق بسخريه : البارحه لسانك طوله مترين الحين اشوفه مقصوص!!
زمت شفتها بقهر منه ما ينسى شيء ..قبل ما تنطق نطق بهدوء: اكيد جايه علشان الامتحان!!
غسق شجعت نفسها وعقلها يتصور شكل سماء وزينب ...نطقت بهدوء: بالنسبة للامتحان اتمنى لو تعيد الاختبار لأنه كل الشعبه ما جاوبوا بالامتحان
قاطعها بحاجب مرفوع: وليش ما جاوبوا مين ماسكهم؟!
غسق بعبوس: الاسئلة كانت صعبة وما احد عرف يكتب كم كلمه
رفع حاجب وهو يناظر بعيونها مباشره: وش تبغين بالشعبة ؟!
انت كيف وضعك بالامتحان؟!
غسق بلعت ريقها ...ونطقت بتردد: الاسئلة صعبه وما عرفت اجاوب زين!!
ابتسم وهو يخزها: اذا ما جاوبت بالامتحان كيف حصلت على أعلى  علامه ؟!!!
فتحت عيونها باتساع مو مصدقه ..هي اعلى علامه بالشعبة ..تحس نفسها بحلم...واخيرا كسبت التحدي .... نطقت بصوت مرتجف من الصدمه: انا اعلى علامه بالشعبة ؟!
مط شفته بابتسامة من رد انفعالها : ايه اعلى علامه بالشعبة
حضنت يدينها لصدرها وهي تناظر السقف وتكلم نفسهابصوت يسمعه مهاب: يا الله مو مصدق ..واخيرا اعلى علامه ....احس روحي ترفرف فوق...مو مصدقه مو مصدقه !!!!!
ضحكت بخفه ودموعها تلمع بعيونها ومن شدة الفرح نطقت: مشكور مشكور واخيرا كسبت التحدي!!
تنفست بعمق واستوعبت تصرفاتها الغبية قدام مهاب الي يناظرها بحاجب مرفوع ... نطقت باستدراك للغباء الي  فيها: عفوا بالغلط شكرتك لأنك ما لك علاقه بالموضوع هذا تعبي انا ...نفسي هي الي تستحق اشكرها بعد الله ..والحين بالاذن !!
يطالعها لما طلعت وهو يفكر يعرضها على دكتور نفسي وضعها ما هو طبيعي؟!!!
طلعت من عند مهاب والدنيا ما هي واسعتها من الفرحه ..اقتربت من البنات وهي تناقز من الفرحه وترفع يدها لفوق من الحماس : يسسسسسس واخييييييييرا!!!
سماء تبشرت من منظرها: ها بشري وافق يعيد الاختبار!!
زينب ملامح غسق تؤكد انه وافق: متى حدد يوم الامتحان؟!
غسق سكنت وهي رافعه حاجب بانتكاس ..دخلت عنده حتى تقنعه يعيد الاختبار ومن الفرحه نسيت كل شيء ..وبتورط نطقت وهي تشوف البنات على اعصابهم: انا نسيت اقنعه
سماء بغل : يا حسرتي ليش ارسلناك عنده ؟!
زينب كشت عليها: يمكن ارسلناها تتغزل
غسق دفتها بالخفيف: سخيفه ..انا كلمته وخبرني بدرجتي ونسيت اكمل معه الموضوع
زينب رفعت حاجب: يعني صحح الأسئلة ما هو مثل ما قلت؟!
هزت كتوفها: ما ادري خبرني اني اعلى علامه بالشعبه؟!
سماء بتساؤل: كم حصلت؟!
هزت كتوفها: ما ادري خبرني بس كذا!!
زينب بضجر: انا اعصابي محروقه وانت ابرد ما عندك ..لو اذبحك احد يلومني ..ارجعي عنده وتواسطي لنا ترى بموت اذا ما اعاد الاختبار!!
غسق هزت رأسها وبتردد رجعت ...قبل ما تطرق الباب ناظرته وهو متكتف ومسند ظهره للكرسي: نعم؟!
ابتسمت غسق باحراج وتوتر ..تقدمت كم خطوه وهي تنطق بتردد: مهاب بالنسبة
قاطعها بحاجب مرفوع: الدكتور مهاب!!
خزته بغيض يا حبه للالقاب والتقديس ...نطقت تتعدى ذي النقطه ما رح تتشاجر معه وتخرب اخر فرصه للبنات: بالنسبة للاختب
قاطعها باصرار: دكتور مهاب
زمت شفتها بغيض يبغى يذلها ..نطقت بغل : دكتور مهاب!!
هز رأسه وهو ماسك ضحكته بالقوة على انفعالها الي تحاول تكتمه بصعوبه: تفضلي ..كملي
نطقت وهي تحاول تتكلم بهدوء: بالنسبة للاختبار..البنات ما جاوبوا على الاختبار
قاطعها ببرود: ادري البارحه صححت الاوراق!!
نطقت تحاول تقنعه: اعطيهم فرصه ثانيه
نطق بسخرية: فرصه ثانيه يمكن تتسرب الاسئلة وتضبط معهم ؟!
عقد حواجبه وهو يكمل كلامه: أبسالك وصلتك نسخه من الاسئلة ؟!
بلعت ريقها من سؤاله المباشر ...هزت رأسها بالرفض وهي تقصد قبل الامتحان بيوم ما عندها علم بشيء: ما ادري عن شيء!!
مط شفته بسخرية: تقنعيني انت الوحيده الي ما حصلت الاسئلة؟!
غسق تقفل هذا الموضوع: انا ما لي علاقه بشيء
قاطعها بانفعال:وليش ما لك علاقه بالموضوع....كيف ترضين الأسئلة تتسرب وتتكتمين ؟!
ترى قلبي للحين مغلول عليك كيف تتكتمين على الموضوع وما تعطيني خبر؟!!
لذي الدرجه خايفه على شلتك الفاشلة؟!.
رفعت حاجب من هجومه: شلتي وش علاقتها؟!
انت ليش دوم تحطهم بنص الموضوع ؟!
زم شفته بتعجب: يعني انت مو جايه تتوسطين علشانهم!!
نطقت بعبوس: أنا جيت اتكلم عن الكل؟!
ابتسم بسخرية: تتكلمين عن الكل بصفتحك ايش؟!
والا الحنان العالمي نازل عليك؟!
اسمعيني زين ترى ادري إنك معك علم بالاسئلة المسربه وتكتمي على الموضوع ...ومع ذلك تغاضيت عن هذا الموضوع وقفلته ...
قاطعته بغل: انت
قطع عليها ونطق بجمود: ما رح أخوض بالموضوع أكثر من كذا ...أنا ما وزعت عليهم اسئلة وقلت لهم احفظوها لانه جايه بالامتحان .. كل شخص يتحمل نتائج تصرفاته ..انا مو مسؤول عن اهمالهم وكسلهم وغشهم!!
ما في اعادة للاختبار
قاطعته بانفعال: انت ليش كذا رأسك عنيد وما تأخذ وتعطي بالكلام
مط شفته بسخرية: شفت عنادي ولا شيء بالنسبة لرأسك اليابس...اذا كملت كلامك تقدري تطلعين عندي مشاغل
انفجرت من غروره يقال انه مشغول ..وبقوة نطقت : ترى انت الي رح تخسر .. اكيد البنات رح يرفعون عليك شكوى واللجنه رح تكون معهم وتشهد صعوبة الاسئلة ...واكيد رح تنطرد من الكلية ..فإعادة الاختبار افضل للكل!!
قاطعها وهو يشوف العميد عند باب مكتبه: خلاص بعدين ..تقدري تطلعين الحين
قاطعته بانفعال: لا تكلمني كذا ترى والله
سكتت والتفتت للخلف لما نطق بحده: لما تدخلين مكتب الدكتور تتكلمين باحترام ..ولما يقولك الدكتور اطلعي يعني اطلعي!!
غسق عقدت حواجبها بقهر من هذا الشخص... ما تدري وش وظيفته هنا ..نطقت بعبوس من تدخله: اعتقد هذا الشيء ما يخصك
قاطعها مهاب بحده: خلاص اطلعي
غسق انزعجت منهم: بس
غمضت عيونها لما صرخ مهاب بعصبيه قبل ما تهبب بالكلام: قلت لك براااا!!
شدت على اسنانها بقوة بعد هالطرده وتحركت تطلع ..وقفها الشخص بتساؤل: وش اسم ذي الطالبه رح اقدم فيها
قاطعه مهاب باختناق وهو ينطق يحثها تطلع قبل ما تجيب المصايب: اطلعي ..وقفلي الباب خلفك!!
شد على قبضه يده لما طلعت وما قفلت الباب خلفها ...ناظر عميد الكليه وهو ينطق : تفضل دكتور اجلس!!
العميد : مين ذي الطالبه وكيف تسكت لها تتكلم
قاطعه مهاب يهدي الوضع وبداخله رح ينفجر من غسق وأسلوبها!!!
**
**
**
ابتعدت عن المكتب والبنات خلفها يحاولوا يعرفوا ليش صوتهم طالع ....
اول ما ابتعدت نطقت بقهر:قهرني رفض يعيد الامتحان
سماء بارتجاف: العميد ليش صوته طالع
غسق ارتخت ملامحها وبخفوت نطقت: اي عميد ؟!
زينب تأكدت انه غسق جابت العيد: الي كان عندكم بالمكتب العميد!
شهقت غسق من الصدمه وبارتجاف نطقت: احلفي!!
سماء كشت عليها: مالت عليك.. متأكده جبت العيد !!
غسق ضربت جبهتها : انا غبيه
زينب بقلق: وش قلت له!!
غسق تنفست بضجر: لو ادري كان اشتكيت على مهاب عنده !!
زينب ضحكت بالرغم من ضيقها: وربي انك طافيه!!
غسق نطقت بارهاق: رأسه يابس عي يقبل يعيد الامتحان ...تشاجرنا
سماء زفرت بيأس: ما له داعي تتشاجرين معه بسببنا...
غسق هزت رأسها بقلة حيلة: أنا الي قاهرني يرفض مباشره طيب ناقش ..خذ واعطي بالكلام!!
زينب بروح خاويه: حسبي الله على الي بلغت الدكتور عن تسريب الأسئلة!!
غسق بلوم : وانتم اي احد يضحك عليكم تصدقونه ..قلت لكم بس ما سمعتم كلامي!!
الانسان لزوم يجتهد ويعتمد على نفسه!!
سماء بقرف: ما هو ناقصني تنظير..انكتمي!!
مر الوقت وجاء موعد محاضرة مهاب ...زينب بعبوس: يا رب ما يسلمنا الورق ..ما لي عين استلمها؟!
سماء وهي تتمسك بذراع زينب: وأنا مثلك احس رجولي تتراقص!!
غسق دخلت القاعه بدون ما تعلق على كلامهم ..شعور حلو لما تكون مرتاح نفسياً ..صحيح تعبت بالدراسة بس بالنهاية ارتاحت نفسيتها ...
جلست بهدوء واكتفت بالنظر لزينب الي نطقت بخفوت: يا جعل الأوراق تضيع وما يلقاها!!
غسق ابتسمت: اكيد نقل العلامات على الموقع!!
سماء نطقت بخفوت:ويمكن للحين ما نقلهم ...ما يمداه يجهز كل هذا ...اذا ما سلمنا الاوراق اليوم هذا معناه للحين ما نزلهم على موقعه ...في فرصه نتخلص من الأوراق!!
غسق رفعت حاجب: كيف تتخلصين من الاوراق؟!
سماء نطقت بهمس: ما في احد غيرك يقدر يتقرب من الدكتور ويساعدنا!!
قطعت كلامها لما ضربتها غسق بالكتاب وهي تنطق بانفعال: لاااااا زودتيها ...تبغيني اتخلص من أوراق الامتحان ؟! مجنونه!!
زينب قرصتها بفخذتها بقوة وهي تهمس بعد ما تحولت كل الانظار عليهم مع دخول مهاب: انكتمي!!
غسق فركت مكان القرصه وناظرتها بانفعال: كلي تبن ليش تقرصين!!
سماء بهمس دفنت وجهها: الدكتور وصل!!
التفتت غسق وهي تشوف مهاب واقف بمكانه ويناظر بجمود ....
حست بالاحراج والكل يطالع فيهم .. بلعت ريقها برعب لما عقلها استوعب الموقف... معقول سمعوا كلامها ...بس شيء ما هو بيدها ..زودوها البنات ...عدلت جلستها بتوتر وعيونها تراقب مهاب بملامحه الجامدة واضح عليه الحده والعصبية  وخاصة لما نطقت طالبه: دكتور بالنسبة للاختبار؟!
غمضت عيونها غسق لما نطق بحده: يعني ما رح نخلص من سالفه الاختبار ؟!
أي طالبه تراجعني علشان الاختبار ما رح استقبلها ...وما تتعبوا نفسكم بالواسطة .. بالنسبة لي الموضوع منتهي حتى لو تدخل رئيس الجامعه ما رح اغير قراري ....كل واحد يقلع شوكه بنفسه ...
تنهد لما حس نفسه انفعل بزياده ....عدل نبرته وتابع بنبره اخف حده:  بالمقابل تقدروا تنتبهوا على الامتحانات القصيرة والواجبات والمشاركه حتى تعدلوا العلامه ..غير كذا ما عندي
سناء باعتراض: بس يا دكتور
قاطعها بجمود: انتهينا من هذا الموضوع واتمنى ما احد يفتحه مرة ثانية ... وبالنسبة للعلامات بعد المحاضره  رح اوزع عليكم الاوراق!!
زينب دفنت رأسها وكأنه على رأسها الطير: اكلنا هواء!!
غسق رحمتهم لو كانت مثلهم ما تدري وش رح يكون موقفها ...كانت المحاضره ثقيلة على روحها وتنتظر اللحظة الي تخلص فيها ..انقبض قلبها لما مسك مهاب المغلف البني ...
حست بثقل الهواء داخل صدرها ....التفتت على سماء الي بدأت تمسح دموعها بخفه...
كتمت ضيقها وناظرته لما بدأ يوزع الاوراق ...والكل عابس والبعض يبكي بصمت ..بعمرها ما شافت اقسى من قلبه ..معقول ما رحمهم وما كسروا خاطره؟! ...ما تنكر غلطهم بس يقدر يوازن بين الأمور!!
زمت شفتها بضيق لما استلمت زينب ورقتها ...ناظرت الورقه بصدمه وهي تشوف صفر...التفتت على سماء الي جلست ومعها ورقتها ...تكدر خاطرها وهي تشوف علامتها ٢
عندها فضول تعرف علامة هديل وشلتهم ...اخر ورقه كانت ورقتها ..انقبض قلبها لما نادى على اسمها ..تحركت بتثاقل ... اقتربت ويدها ترتجف ...ناظرته وهو يوزع نظره على القاعه وينطق بجمود: الكل يشوف ورقته ويرجعها لي!!
تناولت الورقه عن الطاوله وعيونها تراقبه بخفه ....بلعت ريقها وهي تحاول تخفف من دقات قلبها .....
رجعت لمكانها بدون ما تناظر الورقه ..ما عندها الجرأة تشوفها ...جلست على مقعدها ...اخذت نفس عميق وناظرت العلامه  بتردد ..سرعان ما اتسعت عيونها  بصدمه ما هي مصدقه ....نطقت بخفوت مستحيل ...صكت على اسنانها من القهر ....ليش يعيشها الامل ويكذب عليها ... ماسكه نفسها بصعوبه ما تمسح فيه الأرض ....
مسكت الورقه وقطعتها وجمعتها بقبضة يدها بقوة.. نفسها ترميها بنص وجهه ...
سماء فتحت عيونها باستنكار: يبغى الورقه ليش قطعتيها!!
غسق ما ردت وهي تناظر مهاب الي نطق بجمود: الطالبه الغايبه خبروها تمر على المكتب وتقدر تشوف ورقتها ...
سحب ورقة الطالبة الغائبة وهو ينطق: جمعوا الاوراق!!
عقد حواجبه لما ناظر الورقه الي بيده للحظات .. بعدها رفع نظره ونطق: غسق ؟
رفعت نظرها بعبوس له عين يكلمها ...تجاهلته وما ردت
زينب نغزتها : ردي على الدكتور ؟!
نطقت بدون نفس والغصه بحلقها من علامتها: نعم؟!
تجاهل تأخر ردها ونطق بنفس الجمود: الورقه الي اخذتيها ما هي لك ..ذي ورقتك!!
اعطيني الورقه الي معك!!
غسق بلعت ريقها برعب من الموقف الي وضعت نفسها فيه ..ناظرت سماء لما همست لها : غبيه ليش قطعتيها!!
تحس الحروف تجمدت بحلقها مب قادرة تنطق حرف واحد ..
مهاب رفع حاجب من سكونها: تعالي خذي علامتك واعطيني الورقه الي معك
سماء مدت لها بخفه ورقتها : اعطيه ذي الورقه ...وبعدين تفاهمي معه احسن ما تنحرجين قدام البنات!!
بلعت ريقها بصعوبه ..وتحركت بعد ما اخذت ورقة سماء ....
تقدمت وللحين بقبضة يدها اليسار الورقه المقطعه..مدت له الورقه وهي تتمنى ما ينتبه على اسم سماء ...نطق بخفوت: تعالي للمكتب حتى تشوفين ورقتك ...
اخذ الاوراق ووضعهم بمكانهم وجمع أغراضه وخرج بهدوء وغسق للحين واقفه تناظره لما خرج ما تدري كيف تخبره وترقعها!!!
ابتعدت لما ازدحم المكان من خروج الطالبات ..توجهت لمكانها تجمع اغراضها والدموع على وشك النزول ...جمعت اغراضها وصوت زينب يوصلها: وش رح تعملين الحين!!
غسق هزت رأسها بعجز: ما ادري !!
سماء بضجر من كل شيء: انت غبيه مباشره تقطعينها!!
غسق بقهر: وش تنتظرين مني وانا اشوف علامتي ٢ ما تحكمت باعصابي ..للحظه كنت رح اقلب القاعه فوق رأسكم!!
زينب وقفت بعد ما جمعت اغراضها: ما شفت الاسم ؟!
غسق باختناق: لما شفت العلامه انعمى نظري وما عدت اشوف شيء!!
سماء بضعف نطقت: وش رح تقولين له الحين؟!
زينب اقتربت منهم بهمس: انا اقول لا تراجعينه ...وورقه الطالبه كل البنات شافوك لما ارجعتيها ..كذا رح يظن إنه هو الي ضيعها وما رح يعرف شيء!!
سماء ابتسمت بدون نفس: والبنت تصر تبغى علامتها ..ويضطر الدكتور يعيد لنا الامتحان حتى يغطي على اهماله!!
غسق رفعت حاجب بعبوس: من زين علامتها حتى تطالب بالورقه ... اتوقع لو جدتي مزنه اختبرت الا تحصل اكثر منها!!
سماء وزينب بنفس الوقت: انكتمي!!
ضحكت غسق بالرغم من ضيقها : ما اقصدكم ..
زينب قاطعتها: خليك بورطتك واتركي الناس بحالها افضل ما ألعن خيرك انت وزوجك!!
غسق مطت شفتها بضجر: استغفر الله فوق ما انت حماره وتلعنين!!
زينب نطقت بهمس: استغفر الله .. أنا ما لعنت بس هددتكم باللعن!!
تحركت غسق وهي متردده تخبره او لا ....قررت ترجع للبيت وتحاول بأي طريقه تعدل الورقه وتطلع نفسها من ذي الورط

**
**
**
من لما رجعت وهي جالسه تجمع الورقه على بعضها حتى تلصقها وبعدها تشوف وش رح تعمل ... 
حمدت ربها حياة ولارا مو موجودات والمكان فاضي ....قرصت خدها من شدة القهر ما عرفت تقطعها جزئين كان حلها بسيط ...بس الغيض الي بقلبها كان كبير..ما تعرف تكتم غضبها!!
المشكله يا ليت علامة البنت تستحق التعب؟!
من شدة انهماكها ما انتبهت على طرقه خفيفه على الباب ...دخل مهاب وهو يحمل ايليف بحضنه نائمه ...بما إنه بنات عمته مو موجودات قرر يحطها بالغرفه بنفسه ...عقد حواجبه وهويشوفها معطيته ظهرها وواضح ما انتبهت على دخوله ..نطق ينبه غسق على تواجده وهو مستغرب وش الي منهمكه فيه : وين احط ايليف؟!
انفزعت لما وصلها صوته ما تدري من وين طلع لها ... التفتت عليه وهي تحاول تغطي الورقه المقطعه على الارض ..نطقت بارتباك واضح: هناك
اشرت على سرير حياة حتى تبعده عنها ...توجه للسرير ووضع ايليف وعيونه عليها ...ابتسم وهو يناظر شعرها كالعادة كعكه بشكل مبعثر . يعطيها جاذبيه غير.....
استغرب ملامحها المرتبكه ما ريحته ..واضح انها مخفيه شيء عنه ...هالفترة تصرفاتها ابدا ما تعجبه ...
تحرك لجهتها وهو يشوف توترها يزيد: ليش ما جيت للمكتب!!
غسق تحاول ما تفتح معه اي موضوع: كنت مستعجله!!
عقد حواجبه لما لمح ورقه مقطعه : وش ذي الورقه!!
غسق بلعت ريقها برعب: ورقه يعني عادي
رفع حاجب وهو يناظر خلفها مباشره : ورقة امتحان!!
غسق اضطرت تجمع القطع حتى ما يعرف : الحين ترجع حياة او لارا وما هي حلوة تدخل غرفتهم؛!
مط شفته بسخرية من الطرده: بس حياة ولارا رح يرجعون بعد ١٢ زواج قريبتهم!!
غسق بلعت ريقها وبإصرار: حتى ولو ما هي حلوة تدخل على غرفة نومهم !
هز رأسه وهو يلتقط عن الارض قصاصه: معك حق!
عقد حواجبه وهو يشوف على القصاصه علامه الامتحان نطق بحاجب مرفوع: اي ماده حصلت ذي العلامه؟!
خليني اتوقع ...ما عجبتك العلامه وقطعت ورقة الامتحان ؟!
وش هالتصرف هذا ؟!
علامة اي مادة؟!
غسق سحبت من يده القصاصه: قلت لك ما يصير تجلس هنا!؛
احتدت ملامحه من اسلوبها .. نطق بتحذير: تكلمي باحترام وما تتمادين
ختم كلامه وتحرك كم خطوة باتجاه الخارج وعقله يربط الأحداث ... الورقه المفقودة الي ما حصلها .. تأخر بالجامعه وهو يدور بين الاوراق ..فيه ورقه ناقصه ...ورقة البنت الي غابت اليوم.. اسمها غدير ما لقى لها أثر...رقم 2 المكتوب على القصاصه متأكد خطه ونفس لون قلمه المميز...
رجع التفت عليها واقترب وهو ينطق بخفوت: اعطيني اشوف
غسق شدت على الورق بيدها بقوة لما فهمت كلامه وبرفض نطقت: رجاء لا تتدخل
سكتت لما نطق بحده: اقولك اعطيني الورق!!
غسق برفض: ما رح اعطيك
ناظرها والنيران مشتعله بداخله .. متأكد  انها ذي ورقة البنت ..نطق بحده: جالسه تحاولين تلصقينها بعد ما قطعتيها ؟!
ذي ورقه غدير؟!
بلعت ريقها برعب من ملامحه ما تدري كيف اكتشف الموضوع بسرعه ...وبنبره حاولت تكون هاديه: انا
قاطعها وهو يقترب ويسحب يدها ويجبرها تفتح يدها ..اخذ قصاصات الورق من يدها وبغضب نطق وهو يتصفحهم مثل ما توقع: انت غبيه ..كيف تاخذين ورقه ما هي بورقتك وفوق هذا تقطعينها ؟! ..ورقة مين سلمتيني؟!
اذا جاءت البنت باكر تأخذ ورقتها وش اقول لها ..زوجتي الغبية قطعتها؟!!
غسق تحس بالاختناق والرعب من عصبيته وبنفس الوقت تحس بمدى غلطها...بس  ما يطلع له يصارخ عليها علشان ذي العلامه ..نطقت ببرود مزيف: من زين علامتها حتى تراجعك وتشوفها؟!!!
نطق بغضب: وبكل قوة عين تراددين ...انا لو اذبحك او اقطعك احد يلومني !!
شد على قبضه يده يحاول يضبط اعصابه: عن
قاطعته بانفعال: خلاص الورقه وقطعتها وانتهينا ..وش رح تعمل البنت اذا شافت العلامه؟!
تقدر تتهرب منها قفل مكتبك وما  له داعي تفتحه للمراجعات !
ختمت كلامها بنغزه!!
نطق والنيران مشتعله بداخله: فوق غلطك تراددين وتتكلمين بقوة عين
نطقت بصراخ: انا ما غلطت ..ظنيتها ورقتي وقطعتها ...وش تبغى مني لما اكتشف انك تكذب علي وانا راسبه بالامتحان!!
من قهري ما قدرت امسك نفسي وقطعتها !!
زفر بضيق: يصير خير
تحرك كم خطوة بس توقف لما نطقت بتردد : مهاب
نطق بدون ما يناظرها: الله ياخذ مهاب وارتاح من مشاكلك
تحركت قبل ما يمشي ووقفت قدامه وهي تنطق بضيق من ذي الدعوة الي  قالها من قبل : لذي الدرجه انا حمل ثقيل عليك ؟!
رفع حاجب بعبوس وهو متوقع تطلب الطلاق نفس سيناريو اي حرمه وعملتها من قبل...عقد حواجبه لما نطقت بهدوء مغاير لملامحها قبل لحظات: انا اسفه لزوم ضبطت نفسي اكثر وما تصرفت كذا ....
زم شفته بتعجب ما توقع منها هذا الرد ....سرعان ما عبس ملامحه لما كملت كلامها بانفعال وهي تشبر بيدينها: ومع ذلك ما اسمح لك تتكلم معي كذا ..وتقول عني غبية ...لا تنسى اني اعلى علامه بالشعبه!!
ختمت كلامها بنظره انتصار وهي تخزه!!
بالرغب من ضيقه من تصرفها ..ما قدر يمنع شبح ابتسامه على ثغره من كلامها ....نطق بتسليك:ما شاء الله ربي يحفظك ..بس لا تنسين تشوفين علامتك على الموقع حتى تتفاخرين اكثر .. شوي من التواضع يا انيشتاين!!
ناظرها بتقييم وبعدها تحرك خارج الغرفه بعد ما رمى القصاصات عليها!!
مدت لسانها بغيض بعد خروجه ....يقهررررررر....ناظرت القصاصات كيف انتشروا على الارض ....
بدات تجمعهم وهي متأكدة يعمل كذا من قهره لأنها كسبت التحدي وكسرت انفه!!
رفعت حاجب وهي تحس المشهد فيه شيء غلط ..كلامه وكأنه مبطن ؟!
هزت رأسها يمكن تتوهم ...جمعت القصاصات ووضعتهن بسلة المهملات!!
رجعت للسرير جلست وهي تتنفس براحه ..اهم شيء إنه عرف افضل ما تجلس طول الوقت على اعصابها!!
بدأت تضحك وتتعالى ضحكاتها وهي تتذكر شكله وعصبيته وقهره ...اخخخخخخ وأخيراً بردت قلبها فيه وقهرته ...دوم باط كبدها !!
بلعت ضحكتها لما فتح الباب وهو رافع حاجب ويناظرها بعبوس!!
صدت حتى تخفي اثار الضحك ما هو ناقصها لقب جديد منه ويقول عنها مجنونه تضحك مع نفسها !!
ناظرته بطرف عينها اقترب من ايليف ..ووضع عندها شيء ...
وبعدها توجه لجهة الباب ..قبل ما يطلع نطق بجمود: افهم من ضحكك هذا إنه قاصده هالشيء ..اخذتِ ورقه مو لك وقطعتيها نكاية فيني!!!
لكن يصير خير!!
ختم كلامه بتوعد وخرج بهدوء مثل ما دخل ...تحس لسانها تجمد وما قدرت ترد بحرف واحد ...
تحركت لا شعوريا خلفه توضح موقفها ...فتحت الباب وتحركت كم خطوة للخارج ..سرعان ما رجعت لما لمحت ابو مهاب عند جناحه...ما لها خلق تقابله ...
قفلت الباب بعد ما قررت توضح له بعدين سوء الفهم الي بينهم ....

**
**
**

مر كم يوم وانقطاع بينهم تحاول بأقصى جهدها ما تلتقي فيه .. وحتى بالمحاضرة ما يكلف نفسه يناظرها واضح انه للحين متحامل عليها !!
ارخت رأسها للجدار وهي تنطق بملل: ما تحسوا انه الدوام طويل !!
سماء بروح خاويه: ومقرف
زينب وهي تؤشر بعيونها:ذيك غدير الي اسقطت الماده!
سماء نطقت بضيق: والله انها كفو لزوم عملنا كذا!!
غسق رفعت حاجب: يعني بعد الامتحان اسقطتها؟!
زينب هزت رأسها: ايه ..ما قلت لنا ...وش عملت بالورقه؟!
غسق ابتسمت بتورط وما قالت لهم بالاصل عن الشجار الي صار بينهم: رميتهم
سماء ابتسمت: حظك انها سحبتها والا الحين متوهقه مع زوجك !!
غسق براحه كل الامور تمام: الحمد لله!!
زينب مطت شفتها بسخرية: اليوم الصبح بالغلط دخلت صفحتي وزوجك الموقر نزل العلامات ...فيه خير زايدني ٥ علامات ..احسن من الصفر!!
سماء فتحت عيونها: قولي والله!!
يعني كذا انا اصير ٧
ضحكت غسق بخفه: يا قلبي زايدكم اكثر من علامتكم بالامتحان!!
سماء عبست ملامحها:ترى ما تضحك..وانت كم زادك!!
غسق زمت شفتها: ما ادري .. أنا للحين ما اعرف علامتي!!
زينب دفتها: يا برودك!!
افتحي صفحتك نشوف كم زادك ..يا ويله اذا زادك اكثر منا!!
ابتسمت غسق وفتحت الموقع وعقلها يفكر كم زادها علامات ....
عملت تحديث للصفحه وحست نفسها مخربطه !!
سماء اقتربت تناظر: كم؟!
غسق بلعت ريقها بصعوبه:19
زيتب وهي تاخذ الجوال وتناظر باستغراب: كيف ؟! وليش ما زادك ؟!
تحس القهر بدأ يتصاعد بداخلها ..قفلت الجوال وجمعت اغراضها وهي ناويه تروح له .. وش هالحقد الي بقلبه....يزيد لكل البنات الا هي!!
توجهت وهي ما تشوف الضوء قدامها .... زاد قهرها وهي تشوف باب المكتب مقفل !!
ناظرت الساعات المكتبيه وبعدهت ناظرت ساعتها بعد ١٠ دقائق يفتح مكتبه...
مع الوقت يزيد قهرها ...التفتت لما انفتح باب المكتب من الداخل ..حضرته داخل المكتب وهي مثل الغبية واقفه تنتظر ...
رفع حاجب لما شافها ..ما كلمها ترك الباب مفتوح ورجع لمكتبه ...
رفعت حاجب من تصرفه وكأنه ما هو مرحب فيها ...رح ترمي الكرامه على جنب وتطلع حقها ...
دخلت المكتب والشرار يطلع من عيونها ...نطقت من فوق الجوزه السلام!!
هز رأسه بهدوء ورد السلام ...نطقت غسق والقهر واضح بصوتها: ترى الجامعه ما هي لتصفيه الحسابات ....احقادك تتركها بالبيت ... كيف تزيد كل الطلاب 5 علامات الا انا!!
زم شفته ببرود نرفزها: انا زدت لكل الشعبه وانت من ضمنهم! ...ونهاية الاسبوع رح يكون كويز من 5 علامات
غسق بنفي: ما زدت لي
قاطعها: كم نزلت علامتك؟!
غسق بانفعال:19
مهاب ببرود ينرفز: كيف ما زدت لك ؟! حصلت بالاختبار 14وزيدي عليهم 5..صرت19
غسق فتحت عيونها باستنكار: انا حصلت14بالاختبار؟!
مستحيل؟!
مهاب وقف وتوجه للخزانه وطلع مغلف الاوراق ...وضعهم على المكتب وهو ينطق ببرود: انت ما اخذت ورقتك!!
طلع ورقتها ومدها لها بنفس البرود!!
ناظرت الورقه والنيران مشتعله بداخلها وهي تشوف العلامه ..نطقت والغصه بحلقها: بس انت قلت اني حصلت  علامه مرتفعة!!
هز رأسه بالنفي: انا قلت لك حصلت اعلى علامه بالشعبة..وكانت اعلى علامه 14من 25وانت حصلتيها!!
ورقتك راجعيها الحين اذا
سكت وهو يناظرها بعيون متسعه لما قطعتها ورمتها على المكتب قدامه وهي تنطق بقهر:  انت دكتور هنا حتى ما تذل الناس ...كرهت الجامعه لاجلك !!
ما كذبوا لما قالوا عنك متغطرس ..
حركت شفتها تتابع كلامها ..مو لاقيه كلمه توصفه فيها ...طلعت من المكتب بدون ما تلتفت والنيران مشتعله بداخلها .. قهرها ليش يعطيها امل ..تحس نفسها غبيه وبقوة ...تردد على اذنه انها فازت بالتحدي وبالنهاية قريبه على حفة الرسوب !!!
ما قدرت تتحكم بدموعها توجهت خارج الجامعه .. جلست على كراسي الانتظار ..بداخلها نار ما تدري وش يطفيها ...
فتحت الجوال وبلحظة غضب اسقطت كل المواد الي تدرسهم عند مهاب وعند غير مهاب...كرهت الجامعه وكرهت كليه العلوم لاجله ...ما رح تكمل بنفس التخصص ...رح تحول لأي تخصص .... اكثر من كذا ما تتحمل!!
**
**
**

من البارحه وهي نايمه ..تصلي وترجع تنام .... وكأنها تهرب من قهرها ....
تحس نفسها وكأنها الحين وعيت على نفسها ..كيف اسقطت الفصل كذا بكل سهوله؟!
ليش استسلمت بذي السهوله ..والاهم أبوها كيف تخبره انها اسقطت الفصل ..وش ترقع تصرفها؟!
ناظرت ايليف الي التصقت برجولها تبغى تأكل .....هزت رأسها وهي تحس نفسها خاويه ... ما همتها الدراسه الي يهمها الحين ابوها ..كيف ما فكرت فيه قبل ما تسقط الفصل ....
تحركت بروح ميته للخارج وهي تفكر بشيء تقوله لابوها حتى ما يحزن ....
اول ما وصلت نهاية الدرج التقت مع ابو مهاب الي نطق وهو يعجلها: الاكل جاهز تعالي على سفرة الاكل...غياث يسأل عنك!!
اضطرت تمشي معه وهي تفكر كيف تنقل له الخبر ومتى تخبره ؟!
ارتاحت اول ما دخلت وما حصلت مهاب ...ابتسمت على مضض لما رحب فيها ابوها ....
جلست عند رهف بسكون وايليف تعلقت عند اسيل ...رفعت نظرها لمزنه الي نطقت بانتقاد: انت وينك طاسه ...ولا كأننا بنفس البيت...ما نشوفك الا بالمناسبات السعيدة!!
جواهر بحاجب مرفوع: ليش معطله اليوم ؟! ...غياباتك كثير
ابو مهاب : وش فيكم على البنت من اول ما دخلت اكلتوها بقشورها؟!
قولي بسم الله وما عليك منهم!!
هزت رأسها غسق بتوتر وهي تحس بعيون ابوها كلام ..او تتوهم ما تدري ...
وضعت اول لقمه حست بالغصه لما شافت مهاب دخل عليهم بعبوس ...
تناولت المويه تشرب واللقمه واقفه لها بنص حلقها!!!....شدت على شفتها لما رد السلام وجلس مقابل لها  متجاهل ايليف الي تنادي عليه!!
ام مهاب ما عجبها تجاهل مهاب للصغيره: لا تتجاهلها كذا !!
مهاب رفع نظره لامه : ما انتبهت عليها !!
مزنه مطت شفتها: علامك جاينا بشرك....هذا وحنا نعيش معكم بنفس البيت ما نشوفكم ...باكر لما تتزوج وتسكن لوحدك بالسنة نشوفك مرة ؟!
ذي مشغوله بالامتحانات وتتعذر فيهم ..وانت وش عذرك ما تجلس معنا ولا تجتمع على الاكل؟!
بلعت ريقها برعب غسق لما اشرت عليها جدتها ...التفتت على مهاب لما نطق بسخريه: وش عذري ؟!
يا جدتي تظنين التدريس سهل ؟!
احتاج وقت كثير تحضير وتصحيح ومحاضرات واجتماعات..الف شغله برأسي ما هو مثل بعض ناس اذا ما عجبتها العلامه تسقط المادة ؛!
حست بالغصه لما ناظرها ابوها وهو ينطق بتساؤل: وش تقصد بكلامك؟!
مهاب بسخريه: ليش ما قالت لك دلوعة ابوها إنها اسقطت المواد
قاطعته جواهر باستنكار: وش تقول؟!
غياث عيونه على غسق الي انقلبت ملامحها وما علقت بحرف واحد ...ما ينكر انه تضايق كيف تسقط المادة ويروح تعبها ... نطق بجمود: غسق
غسق تحس بهم جاثم فوق صدرها رح تلقي عليهم الخبر وترتاح من هالضيق:  يبه أنا اسقطت الفصل كامل!!
فتح عيونه مهاب باستنكار من جنونها .. كيف تسقط فصل كامل بذي السهوله ..يعرف انها اسقطت المواد الي عنده بس ما توقع تسقط الفصل كامل!!
غياث بصدمه نطق: ليش اسقطت الفصل ؟!
زمت شفتها ما تدري وش تبرر فعلها : غيابات كانت كثيره وفاتني من الدروس كثير ..وما عدت ألحق عليهم!!
أبو مهاب ما عجبه تصرفها: وتقومين بكل بساطه تسقطين الفصل ؟!
ما هو ضروري تفللين العلامات ...انت مستهينه فصل كامل ...واذا فاتتك المواد ..هذا زوجك موجود يشرح لك ...حياة موجودة ..البنات موجودات الكل يساعدك ...كذا مباشره تسقطين بدون ما تشاورين احد؟!
خبلة انت؟!
غياث بعتب ولوم نطق: كان استشرتينا!!
غسق بخفوت : أنا ابغى أغير تخصصي لتخصص ثاني
ام مهاب بمداخله: مجنونه انت ؟! وتعب السنة الي درستيها
غسق قاطعتها وقلبها يتراقص خايفه من رد مهاب وصمته : اغلبها مواد جامعه اجباري
قاطعها مهاب وهو ينطق بقوة...وداخله يغلي غليان من تصرفاتها : ورب الكعبه ما يتغير التخصص ...ما عجبك اندفسي بالبيت وما في جامعه ولا زفت ....تراها واقفه هنا ...خلاص قرفت تصرفاتك البزرانيه ... اتمنى اشوفك تتصرفين مثل اي بنت واعيه بعمرك ...كافي حركات بزران ...واذا تماديت وربي الا بيدي اقطع اوراق الجامعه ولا تجبريني احرمك نهائيا منها ....
ما يحق لك تاخذين قرار مثل هذا لوحدك وتتجاهلين كل الموجودين ...
على الاقل ابوك وش تشوفينه رجل كرسي حتى تشتغلين على راسك؟!!
ابو مهاب يحاول يهدي فيه: مهاب هدي
قاطعه مهاب بانفعال: لمتى لمتى اتحمل تصرفاتها ؟!!
ختم كلامه وتحرك خارج المكان....
مزنه زفرت بضيق: عجبكم كذا ..ما تركتم الولد يأكل لزوم تنكدون عليه!!
رفيف بهمس لاختها: وكأنها مو هي الي فتحت معه تحقيق اول ما جلس!!
جواهر بعبوس: ترى
قاطعها ابو مهاب: اكرمينا بسكوتك ترى ما هو ناقص عتب ...هي غلطت وتتحمل نتائج غلطها ...باكر لما تتخرج بنات دفعتها الا هي بالجامعه وقتها رح تاكل نفسها ندم ...طبخ طبختيه يالرفله كليه!!
تسمع كلامهم وعيونها بالصحن تحرك الملعقه بعشوائية...ما لها عين تناظر أمها وأبوها...للحين ندمانه على تسرعها ...كثير توصي نفسها ما تغضب حتى ما تتصرف تصرفات تندم عليها ..ومع ذلك تنسى نفسها ....
بلعت غصتها وهي تحس الدموع تلمع بعيونها ....اذا جلست اكثر من كذا رح تنفجر ...
استأذنت وطلعت من المكان ..وصوت ام مهاب يوصلها: اتركوها ترتاح ...اكيد عملت كذا من الضغط النفسي والخوف من الاختبارات!!
**
**
**
مرت الايام عليها وهي معتكفه بالملحق بعد ما تم تجهيزه....وما تطلع برا نهائيا ....الموقف الاخير كان اخر لقاء بينها وبين مهاب ...وخط الجوال قفلته .. بداخلها شعور العزله ....تبغى تعتزل كل شيء يتعلق بالجامعه حتى ما تأكل الحسره قلبها .. للحين ندمانه على تسرعها...حتى ابوها تحسه للحين متحامل عليها وزعلان على تصرفها .... زمت شفتها بضيق وتحركت للمطبخ تساعد أمها ...
اخذت السكين تقطع اللحم ... بدأت التقطيع وصلها صوت ابوها يصارخ ...
طلعت مباشره بعجله والسكينه للحين بيدها.....ابوها بالخارج ويصارخ ...من الرعب والخوف لبست جلال الصلاة بسرعه وتوجهت للخارج  تركض ...بلعت ريقها برعب لما رفعت نظرها مكان ما يناظرون .....
ايليف جالسه على حافة سور سطح البيت....ما تدري ليش الكل واقف يناظر وما احد تحرك ....
وبدون وعي ركضت لبيت ابو مهاب حتى تنزلها ....
وصلت السطح وهي تلهث بصعوبه ..وقفت لما شافت مهاب يقترب من ايليف بحرص حتى ما تشعر فيه ....
اسيل تتابع المشهد والخوف بداخلها يتصاعد من شدة الرعب والخوف ....شهقت لما انتبهت ايليف على وجود مهاب وتحركت بدون شعور وفقدت توازنها عن السور....هذا المشهد كان كفيل حتى يدب الرعب بقلب اسيل..وبدون وعي صرخت  وهي تغطي وجهها بيدينها: لاااااااااا
نفس المشهد تكررعليها وهي تشهد موت امها قدام عيونها ... انهارت على الارض واطياف الماضي تتراقص قدام عيونها ...
غياث الصدمه الجمته وهو يناظر اسيل ..يحس نفسه بحلم ....
اقترب منها لما انهارت على الارض وصوت نحيبها يتردد بالمكان ...
نطق وهو يحاول يهدي فيها: أسيل !!
جواهر اقتربت من اسيل ...كانت ثواني انهارت اعصابهم فيها ....اقتربت منهم ونطقت بتوجس: الي سمعته حلم والا حقيقه؟!!!
غياث ناظر امه بعيون لامعه: ما ادري ما ادري!!!
**
**
**
للحظة انهارت اعصابها لما حست انها رح تفقدها للابد ..بس مهاب التقطها لاخر لحظه ..تنفست الصعداء وهي تحس كل قوتها خارت ..ما فيها حيل تمشي!!
تناظر مهاب لما نزلها للارض وبدون تردد استقرت كفه على وجه ايليف وهو ينطق بغضب: ورب اذا شفتك طالعه هنا مرة ثانية الا ادفنك !!
تنهدت وصوت بكاء ايليف يتردد على اسماعها ... تحركت ايليف لها وحضنت رجولها وهي دافنه رأسها وتبكي ...نزلت غسق على مستواها وحضنتها بقوة ...مو مصدقه انها ايليف بحضنها ...لسانها عجز ينطق حرف واحد .....
مسحت على شعر ايليف الي تبكي بقوة .....رفعت نظرها لمهاب الي تحرك بوجه متجهم .....تجاوزها وتوجه للاسفل والصمت يخيم عليه!!
زفرت بضيق بعد نزوله...ما فيها حيل تقوم وتنزل ...استنزفت كل طاقتها!!!

انتهى البارت...دمتم بخير