رواية المراد الفصل السادس 6 - بقلم ملك بكر

ليله : يعني يا ميار اتعرضت للاغتصاب وبالنسباله عادي ... ده مش مراد اللي أنا اعرفه ميار : اكيد الموضوع فيه حاجة ... مراد أصلا مبيستحملش عليكي الهوا ... يبقى هيتجوزها إزاي ليله : بقولك فرحهم الخميس ميار : الموضوع غريب يا ليله عاصم: يا بنتي قولتلك قبل كده رديله اللي بيعملوا فيكي ... وكنت أنا الوسيلة بتاعتك بس إنتي اللي طلعتي خايبة ليله : هو إنت فاهم إن الموضوع سهل ... ده مفرقش معاه وأنا اللي زي الهبلة روحت اتخانقت

معاه إنه إزاي يرفضك عاصم : طب وهتعملي إيه يا فالحة ليله: أنا مش هقدر أحضر فرحهم ... أنا بجد بنهار كل يوم عن اليوم اللي قبله ميار : طب ما تسافري لخالتك ليله : ماما بتقولي بلاش دلوقتي ميار : ليله إنتي لازم تتقبلي الأمر الواقع ... مراد وهيتجوز الخميس ... إنتي بقا هتعملي إيه ... لا هتقدري تمنعي الجوازة ولا هتبطلي تحبيه ليله : بس بقيت مجنونة بتروح لدكتورة نفسية تحكيلها حياتها ميار: مجنونة إيه بس ... دي بس حالة عادية

عاصم : ليله ... إنتي مش مجنونة وإنسانة عادية ومش أول واحدة تتعرض للموقف ده ليله : تقدر تجيبلي حل طيب عاصم : والله أنا شايف إن الحل الوحيد هو إنك تبعدي ليله : أنا لو بعدت مش هرجع دلوقتي خالص عاصم : المهم يا ليله إنك تبعدي بجد ليله : هحاول أقنع ماما بالموضوع ده ... يلا باي عندي معاد مع الدكتورة النفسية ميار : ابقي طمنيني عند الدكتورة ليله : وده اللي حصل ايمان : يعني ده رد فعل مراد على اللي حصل؟

ليله : آه هيتجوزوا الخميس ... ده حتى مأجلوش الفرح ايمان: إنتي قولتيلي إن علاقتك إنتي ومراد كانت كويسة ... إيه بقا اللي خلاها تتوتر ليله: تسنيم ايمان : وهل مراد كان أهبل لدرجة إنه يقع في فخها كده عادي ليله: لاء أنا اللي كنت الهبلة ايمان: ومكونتيش عارفة إنها عايزة توقع بينكوا ليله : كانت كل الأسباب ساعتها بتقول إن لازم أشك ... لأنها فهمتني إنه نام معاها ولما واجهته مأنكرش ايمان : إزاي وضحي أكتر

ليله : كان عندنا مؤتمر مهم بره مصر وبحكم شغلنا في الشركة سافرنا أنا ومراد وتسنيم ... وهو اللي ساعدها جدا تشتغل معانا علشان والدتها واسطة عظيمة عند ماما فلاش باك مراد : حمد الله ع السلامة ... تسنيم أنا حاجزلك جناح هيعجبك تسنيم : ميرسي أوي يا مراد مراد : وحاجزلك سويت يا ليله جنب أوضتي ليله بابتسامة : تسلملي يا حبيبي مراد : هنطلع دلوقتي ننام ساعتين ونجهز نفسنا علشان بالليل ليله وتسنيم : تمام

بالليل جهزت ليله نفسها بفستان سيمبل أحمر بعد الركبة بحاجة بسيطة وميكب بسيط ولمت شعرها كحكة واستنت مراد تسنيم لبست فستان قصير فوق الركبة وحطت ميكب تقيل نوعاً ما واطلقت لشعرها العنان خرج مراد من السويت بتاعه ببدلة توكسيدو جميلة جدا وراح لليله مراد برفعة حاجب : ميكب يا ليله؟ ليله : بسيط خالص أهو مراد : ده بسيط ... حرام عليكي يا شيخة ... امسحيه ليله : نعم ... إنت أكيد بتهزر ... أنا بقالي ساعة بظبطه مراد: خلاص

همسحه أنا بطريقتي ليله : لاء خلاص همسحه همسحه ... بس هحط روج وماسكرا مراد : لاء ليله : مراد مراد : قولت لاء ويلا علشان منتأخرش ليله : هوووف ... حاضر نزلوا وحضروا صفقة مهمة وبعد كده عرض عليهم صاحب الشركة التانية إنهم يسهروا معاهم فراحوا البار اللي تبع الفندق مراد : ليله متقوميش من جنبي ولا تشربي أي حاجة من هنا ليله: ما إنتوا كلكم بتشربوا إشمعنى أنا مراد : أنا قولت كلامي ومش هكرره ... حسك عينك أشوفك بتشربي حاجة ليله :

ولا إنت كمان تشرب مراد : حرام يا حبيبتي ليله : بس والله يا مراد نفسي أدوقه مراد : تحبي ندوقه مع بعض؟ ليله : بجد مراد : آه ناخد أزازتين ونطلع أي أوضة نوم نقضي ليلة حلوة زيك كده ويبقى اليوم حرام في حرام ليله : مررااااد مراد : قلبه ليله : اسكت خالص مراد : ماشي يا قلبي هسكت ليله : عايزة أروح التويلت مراد : يلا ليله : يلا إيه إنت رايح فين مراد: هاجي معاك استناك بره ليله: مفيش داعي جت عليهم تسنيم : مراد بيسألوا

عليك وإنت واقف هنا مراد : ٥ دقايق وجاي ليله : مفيش داعي يا مراد روح وأنا هحصلك مراد : قدامي يا ليله وبطلي مناهدة تسنيم : إيه مشكلتكوا مراد : متشغليش بالك ... يلا؟ ليله : يلا دخلت التويلت وخرجت وراحوا للطاولة ومراد اندمج مع صاحب الشركة تسنيم : شايفاكي مبسوطة يعني ليله : دي حاجة متخصكيش تسنيم : إنتي فرحانة لأن مراد معاكي بس متنسيش إني قولتلك قبل كده إنه بيعاملِك كده لأنه شايفك أخته ... مراد بيحبني أنا ليله :

آه إنتي هتقوليلي تسنيم : قريب أوي هتعرفي ووقتها بس هتتأكدي من كلامي ليله مردتش عليها وسابتها ومشيت وقعدت جنب مراد واحد من اللي قاعدين باللغة الإنجليزية : كيف حالك يا فتاة ألا تريدين مشاركتي في مشروب ليله : ميرسي ... لا أريد الرجل : كيف لفتاة مثلك بهذا الجمال أن ترفض مشروب هكذا ... جربي ليله : شكراً لك حط إيده على رجليها الرجل : ما رأيك أن تأتي إلي اليوم في غرفتي وإن مانعتي سوف آتي أنا

قامت مفزوعة من مكانها بسرعة وضربته بالقلم وكل اللي قاعدين انتبهوا مراد : في إيه ليله : اا ... محصلش ... متشغلش بالك مراد : ليله اخلصي في إيه الرجل : أنا لم أفعل شيئاً فقط طلبت منها أن تقضي ليلة معي مراد : نعمم يا روح أمك مسكه من ياقة قميصه وضربه جامد والكل حاول يمنع مراد عنه ليله : مراد خلاص بقا مراد : إنت إزاي تطلب طلب زي ده ... إنت اتجننت وجه كلامه لصاحب الشركة : المؤتمر بتاع بكرة ملغي أنا ميشرفنيش أتعامل

مع شركتكوا صاحب الشركة : أقدم لك اعتذار ... سأقوم بطرده نهائياً ولكن هذا الأمر طبيعي هنا لذلك لم ينتبه ... اعتذر مرة أخرى ليله : خلاص يا مراد بقا حصل خير ... إنت كده هتدفع الشرط الجزائي مراد : اعتذارك مقبول ... ولكن لا أود أن أراه ثانية صاحب الشركة: لا تقلق بشأن هذا الموضوع طلع مراد السويت وهو متعصب فك أول زرارين من قميصه وقعد على السرير بخنقة الباب خبط وكانت تسنيم لابسة قميص نوم قصير تسنيم: مراد أنا مصدعة جامد ممكن

برشامة صداع لو عندك مراد : مش عندي ... بس هطلب ... روحي أوضتك وهبعتلك تسنيم : أنا ممكن استنى لحد ما يجيبوا مراد : الوضع هيكون وحش ليكي ... أنا هخليهم يبعتوه تسنيم : تمام مشيت على جناحها : أوقعك إزاي يا أستاذ مراد افتكرت لما كانت عندهم في البيت تسنيم: أنا ممكن أطلع أصحيه خيرية: مش هيصحى لأنه نايم متأخر وكان تعبان ... نومه تقيل ولو عملتي إيه مش هيفوق

رجعت تاني : لازم أدخل عنده الأوضة أو أجيبه عندي وكده كده نومه تقيل مش هيحس خرجت تاني وراحتله وفتحلها الباب تسنيم : مراد أنا عايزة أنام والتكييف مش شغال ممكن تشغلهولي مراد : ليه إنتي مبتعرفيش تسنيم : حاولت والله بس مش راضي اتنهد بتعب وخرج من أوضته على أوضتها وأول ما دخل هيا قفلت الباب بالمفتاح وحطته في جيبها مراد مسكه وشغله علطول : اشتغل أهو تسنيم : بجد ... شكراً يا مراد ماخدتش بالي مراد : ولا يهمك ... تصبحي على خير

تسنيم : وإنت من أهله ... شكلك باين عليه التعب مراد: مرهق شوية تسنيم : طب خد برشام صداع وهتكون كويس مراد : جابوه تسنيم : آه ثواني جابتله برشام منوم ومايه تسنيم : اتفضل مراد : شكراً اخد البرشامة وبيفتح الباب لقى إنه مقفول مراد : هو إنتي قافلاه ليه تسنيم : أنا مقفلاهوش ... أنا كنت سايباه مراد : هخرج ... إزاي ... أنا .. دل .. دلوقتي قال كلامه وغاب عن وعيه

نقلته على السرير بصعوبة جداً وبعد ما فشلت أكتر من مرة وأخيراً حطيته قلعت الروب اللي كانت لابساه فوق القميص وجابت ميكركروم وحطته على الملاية ونامت جنبه