رواية المشاكسة و النقيب الفصل الخامس عشر 15 - بقلم الكاتبة الصغيرة

بنلاقي إن سارة بتمثل إن رجلها اتلوت وهما ماشين، وبنلاقي إنها رمت نفسها عليه، فـ فريد بيبان إنه حضنها. في اللحظة دي، بنلاقي سيلا وصلت. بنلاقي إن عدي بيرفع عينه وبيشوفها. عدي لسه بيحاول يكلمها، وبيلاقي سارة ماسكة فيه. سيلا بتتصنع ضحك: يلا عشان قلقوا عليك فوق. أسينات: وبسرعة بقا، بلاش البطء السينمائي ده، يلا يا سيلا. وبتاخد أختها وبتمشي. سيلا بدموع: شفتي يا أسينات كان حضنها إزاي؟ آآآآخ يا قلبي، قلبي وجعني أوي يا أسينات.

أسينات بحزن ودموع على أختها: اهدي بالله عليكي، مفيش حاجة بتيجي بالعياط، كل حاجة بالهدوء. يستي يغور، وبكرة ربنا يعوضك أحسن منه. تعالي خلينا نطلع يلا، امسحي دموعك، لما نشوف آخرتها، يلا يا حبيبتي. بتبدأ سيلا بمسح دموعها وجواها قهر كبير. بيطلعوا. مرام: مالك يا سيلا عينك حمرا لي كده؟ سيلا: هبقى أحكيلكم. مرام: تعالي، هما فين العقربة والطخ؟ أسينات: في جراج تحت. ناقص لهم شجرة لمون وتكمل. مرام

بتضحك على كلام أسينات: وربي انتي مصيبة، ابت مش زي ما مبينها. أسينات: طبعاً! أنا مش سهلة، نيهاهاها. بتضحك سيلا على طفولتهم. مرام بتغمز: أقسم بالله دوخت من حلاوة ضحكك دي. أنا لو ولد مكنتش حليت. سيلا: يلهوي! أخاف على نفسي منكم. مرام بغمز: متخافيش يا جميل، كله في حفظ وصون. وتقلد (حمدي الوزير) سيلا باستغراب وضحك: الحق أخش قبل ما أعمل قضية تحرش. أسينات: وأنا المحامي رافع. بيبدأ في ضحك.

في طلوع عدي وسارة وهما ماسكين إيد بعض، وبتبص عليهم سيلا بوجع وبتشد على إيد مرام. مرام: اهدي، وفضلي اضحكي. بتقرب سارة منهم، وبيكمل عدي هو دخول البيت. سارة بحشرية: بتضحكوا على إيه؟ ضحكونا معاكم. مرام بلؤم: أبداً يا حبيبتي، كانت نكتة بايخة كده. سارة بسخرية: أحب أعرفها. أسينات: بلاها أحسن، هتموتي من الضحك. سارة: لا يا سمسم، متقلقيش.

مرام بخبث: بحيث كده، بما إنك مصرة تعرفي، هقولك. كان في واحدة اسمها خطافة رجالة دخلت كافيه، طلبت جوز هند. فـ افتكرناها لما شوفنا واحدة كده جرتنا. أصلها خطافة رجالة. أسينات بتهمس لـ سيلا: كان قصدي نموتها من الضحك، مش الحصرة. سيلا فطست من ضحك. سارة ببعض من العصبية: إيه يا سيلا؟ على مهلك يا حبيبتي، لتموتي. مش مستاهلة الضحك ده كله. سيلا باستفزاز: أصلها عجبتني، بحب أضحك عليها. سارة: تمام، إيه هنفضل واقفين كده؟ مش هندخل؟

مرام: إزاي بس؟ ادخلي وإحنا وراكي. سارة: تمام. أسينات: يخربيت جبروتك يا شيخة، كبستيها. مرام: ولسه هتشوفي يا أما العقربة دي. أسينات: الله! هستمتع أوي. سيلا بضحك: يبقى يا رحمن يا رحيم عليها، هههه. وبيدخلوا. روح لعيلة كريمة. سارة: هاي عيلة. بيبدأ العيلة ترحب بيها. سيف الدين: نورتي يا حبيبة خالتك. وبتبدأ تسلم عليه. سارة: كده أنا زعلانة منك، لأنك مش بتيجي تزورني. مرام بغيرة ورخامة: وسعي بس كده، الحضن ده بتاعي أنا.

الكل بضحك على غيرة مرام. آدم: معلش يا سارة، محدش بياخدها. إحنا كـ أخواتها مش مسموح لمس. سارة بنظرة حادة لـ مرام: ولا على أي عاد. بتبصلها مرام وتطلع لها لسانها. أسينات لـ سيلا: وربنا البت دي جدعة. سيلا بضحك: اسكتي، هتفضحينا. بتبدأ سارة تسلم على كل واحد. خديجة: منورين، واللهم. مرفت: ده نوركم والله.

خديجة: اشربي يا مرفت، اشربي يا سارة، متتكسفوش، وكله حلويات وفاكهة. الحلويات دي عمايل جميلتنا سيلا، عاملاها ولا شيف الشربيني. مرفت: ومرام معملتش؟ مرام برخامة: أصلي جالي شلل لحد ما أخلص اللي ورايا. مرفت بضحك: زي ما انتي لمضة. مرام بحب: وحشتيني والله يا عمتو. مرام بسرها (بحبك والله، بس بنتك عقربة أوي زي أبوها، نسونجي) مرفت: ومجتيش لي تشوفي عمتك؟ مرام: مشاغل ومشاكل ومكتب وكده.

مرفت: ربنا يقويكم يا حبايبي. المهم، كنت عاوزاك يا سيف قدام ناس كده في موضوع. سيف بانتباه: خير يا مرفت؟ مرفت: خير يا سيف، متقلقش. بص، فيه مثل بيقولك اخطب لبنتك ولا تخطبش لابنك. وأنا يا أخويا، طالبة عدي لسارة بنتي، مش هلاقي حد يحافظ عليها زيه. الكل بصدمة واستغراب، وخصوصاً سيلا. سيف الدين: بس ده جواز يا مرفت، والعيال هما اللي يقرروا، مش إحنا. مرفت: سارة، انتي موافقة؟ سارة بتصنع خجل: اللي تشوفيه يا ماما.

مرفت: وانت يا عدي؟ عدي وكأن حد دلق عليه ميه ساقعة. سيلا عينيها متعلقة عليه. عدي: معلش يا عمتي، انتي فاجأتيني بالموضوع، يعني أنا متلخبط. مرفت: بص، خد وقتك وحكم شعورك، وتوافق، لأنك عاوز، مش عشان بتحبني أنا ومش عاوز زعلي. أي كان قرارك مش هزعل، أنا بس حابة أطمن على بنتي. عدي: اكتفي بـ بسمة. سيلا: أستأذن أنا، هدخل أوضة مرام. عدي: وبيطلع. وبيصلها وبيلاقي كسرة في عينيها. قلبه بيوجعه جداً. مرام: تعالي يا حبيبتي.

أسينات: استنوني، أجي معاكم. سارة باستفزاز: انتي كويسة؟ إيه يا سيلا؟ إيه حصلك؟ فاجأتيهم. مرام بخبث: لا، أصل لازمها راحة الأيام دي، لأن كانت عاملة حادث. مرام في سرها (عقبالك يا سارة) سارة: آآآه، سوري، معرفش. ألف سلامة. عدي بصدمة: حادثة إيه دي؟ محمد: انت عارف تعلقها بدار الأيتام، وفي يوم وهي راجعة من هناك، عربية خبطتها. والولد بصراحة كان ذوق وأخلاق، ودها المستشفى وخلاها معاها لحد ما فاقت ورن علينا.

عدي بغيرة: ومتصلتش بيا لي؟ كنت... محمد: لي يا ابني؟ راجل ذوق، وساعات بتحصل، حصل خير. مرفت: كده يا محمد؟ متقوليش. أخص عليك والله. سيف الدين: والله يا مرفت، أنا تحته أهو، معرفتش إلا بصدفة من مرام. مرفت: أخص عليك يا محمد، إحنا أخواتك يا حبيبي. محمد: والله مبحبش أقلقكم. مرفت: أو عا تقول كده، انت أهبل يا حبيبي، إحنا أخواتك ونقف معاك في الحزن قبل الفرح. محمد: تسلميلي يا روفا، حصل خير الحمد لله، عدت سليمة.

عدي: بتمنى يا عمي أي حاجة تحصل تقول لي. محمد: تمام يا بني. بنروح الأوضة. بنات. بتدخل مرام الأوضة هي والبنات. مرام: في إيه؟ مالكم؟ إيه حصل؟ يعني هو موفقش؟ معني إنو هيرفض. بتبدأ أسينات تحكي: بس سكوته ميضمنش، ممكن يوافق. مرام: لا طبعاً. وبتروح مرام تقعد جنب سيلا. مرام: اهدي يا قلبي، ممكن بس حيران، مش عارف. حاولي تصرحيه إنك بتحبيه بس. سيلا بصوت خافت: معلش، ممكن تسبوني لوحدي. مرام: بسم الله. مرام بحزن هي وأسينات: حاضر.

وبيطلعوا. أسينات: قلبي وجعني أوي عشانه. مرام: ياما نفسي أجيب سارة دي وأنتف شعرها شعريا شعريا. أسينات: اهدي، تعالي نعمل لمون لسيلا تهدي بيه أعصابها. مرام: على رأيك، تعالي. بيبدأوا يعملوا لمون ليها وبيدخلوا. مرام: أحلى كوباية لمون لأحلى سيلا. وبتصدم مرام من اللي شافته. يتاري شافت إيه وإيه حصل؟