رواية المشوهة الفصل السادس 6 - بقلم منة يوسف

وصلنا آخر مرة لما ريان وميرا شافوا الرسالة اللي مكتوب فيها: "مراتك كانت بتخونك وممكن الواد ما يكونش ابنك أصلًا، لو عايز تتأكد فيه فلاشة افتح وشوفها". ريان بص لميرا اللي كانت مصدومة من اللي بيحصل حواليها، وبصت على أوضة كيان وغمضت عينها بحزن وقالت: "ريان أنت مصدق؟ ملك أكيد مش هتعمل كدا يا ريان". ريان وهو بيسكتها:

"ملك أنضف حد شفته في حياتي، عمري ما هصدق عليها كلمة واحدة، لأنها أم ابني قبل أي حاجة. أنا هعرف مين اللي بيعمل كدا، وأكيد هو اللي قتلها". ميرا بحزن: "طيب نروح المستشفى، أكيد كان فيه كاميرات في الممر ونشوف". ريان وهو بياخدها في حضنه: "ميرا أوعي أوعي تفكري تسيبيني، أنا بدأت أخاف عليكي وعلى كيان". ميرا بحزن ودموع: "إن شاء الله خير، أنا مش عايزاك تبقى ضعيف عشان خاطرنا أنا وكيان لو بتحبنا". ريان وهو بيشدها لحضنه:

"مع إن ملك اتجوزتها الأول، بس عمري ما حسيت اللي بحسه معاكي، إحساس مختلف، إحساس أنا أول مرة أجربه". ميرا بحب: "يعني مش فارق معاكِ خدي المحروق وإني مش جميلة زي ملك". ريان: "مين قال إنك مش جميلة؟ الجمال جمال الروح يا حبيبة ريان". ميرا بحزن: "تعرف إن العيال دايمًا بيتريقوا على شكلي لدرجة إني لبست النقاب، وحتى لما لبسته ما سلمتش من التريقة". ريان وهو بيلمس خدها: "طيب وما جربتوش تعملوا عملية تجميل؟ ميرا ببكاء:

"أكيد روحنا، ولما قالوا مفيش أمل إنها تنجح دخلت في حالة اكتئاب". ريان وهو بيمسح دموعها وبياخدها في حضنه: "خلاص عشان خاطري أنا راضي، وغمز وقال: ولا أنا مش مهم ها قولي؟ ميرا بضحكة: "لا أنت أهم واحد". ريان: "وبعدين أنتِ نسيتيني المصيبة اللي إحنا فيها، بصي يا ميرا، الباب ما يتفتحش لأي حد، نزول الكلية مفيش، برضه مفيش خروج". ميرا بتحاول تطمن نفسها: "حاضر، وأنت خلي بالك من نفسك عشان خاطرنا". ريان: "حاضر".

بعد يومين، كان ريان في المستشفى وبيحاولوا يشوفوا الكاميرات. ريان وهو بيركز مع الدكاترة اللي بيدخلوا الأوضة، بس لما ركز جامد لقى بنت عمه داخلة مع الدكتور. ريان بسرعة: "وقف على الحتة دي وقرب قرب من وشها". وفعلًا لما قربوا الكاميرا لقاها بنت عمه. ريان سأل: "هو مين الدكتور دا؟ مدير المستشفى وهو بيركز: "الحقيقة دا أول مرة أشوفه، أكيد مش دكتور من هنا". ريان بعصبية:

"أومال إزاي دخل أوضة مراتي وإزاي يحصل الكلام دا في مستشفى مفروض إنها محترمة؟ المدير بهدوء: "حضرتك إحنا هنشوف اللازم وهنشوف مين اللي دخلوا دول". وبعد مدة، اتضح إنه ممرض مش دكتور، ومن ساعة اللي حصل وهو واخد إجازة وسافر بلدهم. وفي وسط حزن وعصبية ريان إنه مش قادر يمسك دليل واحد على حد، وعقله مش مصدق إن بنت عمه تعمل كدا في مراته، جاله اتصال. ريان بغضب: "ألو مين؟ مجهول:

"مش لازم تعرف مين، بس عايز أقولك إن مراتك وابنك معايا،