رواية المظلومة والقاسي المتعجرف الفصل العشرون 20 - بقلم اسراء الاتربي

إلياس بصلها بحزن. قرب منها، جذبها لحضنه بالغصب. حوطها بإيده بقوة، دفن راسه في رقبتها. إلياس بعشق: ميرا أنا بحبك. ميرا: الكلمة لجمتها، رفعت راسها وبصتله. ميرا بعناد: وأنا بكرهك يا إلياس. أنت اتجوزتني مجبر.. طلقني. إلياس بصلها بصدمة وقال: إلياس: ميرا، انتي واعية للي بتقوليه؟ أنا عارف إني ظلمتك، بس كان غصب عني. ميرا بجمود: غصب عنك أو لأ، أنا عايزة أطلق يا إلياس. إلياس بغضب: مفيش طلاق يا ميرا.

ميرا بغضب: لأ فيه يا إلياس، أنت فاهم؟ إلياس: مفيش طلاق، أنا مبطلقش. ميرا: هرفع خلع يا إلياس. أنا هنزل دلوقتي وهقول إننا هنطلق. إلياس بغضب: الباب قدامك، روحي قولي. وعرفيهم كمان إني مقربتش منك لحد دلوقتي. برا، تحديدا قدام باب أوضتهم، كان في اتنين واقفين بعيد شوية بس كانوا سامعين. عمة إلياس وبنتها. فريال بشر: سمعتي اللي أنا سمعته؟ يعني إلياس لسه مقربش منها؟ أنا هعرف جدتك. تغريد: أيوه يا ماما، بس جدتي هتصدق؟

عمة إلياس بحدة: ملكيش دعوة أنتِ، تعالي معايا. عند إلياس وميرا... ميرا جريت على الباب علشان تفتحه وتنزل تقول إنهم هيطلقوا. إلياس سابقها ورزع الباب قفله بالمفتاح. ميرا بزعيق: افتح الباب يا إلياس. إلياس بغضب: مش هفتح يا ميرا. طلاق مفيش... أنتي ملكي وأنا مبسبش حاجة ملكي. أنتِ فاهمة؟ ميرا بكت بضعف. إلياس قرب منها وميرا بعدت خطوة لورا. ميرا: خليك بعيد عني. إلياس جذبها من خصرها لحضنه وهمسلها:

إلياس بهمس عاشق: أنا بحبك يا ميرا. عارفة يعني إيه؟ أنا اتنزلت عن كبريائي وقولتلك، رغم إني مكنتش عارف هتتقبلي ولا لأ، بس مهمنيش. وكمل بنبرة تملك: بس، اعرفي إنك ملكي وإني مستحيل أسيبك. إلياس رفع وشه وبصلها، وهي دموعها بتنزل ومتوترة من قربه. إلياس قرب والتهم شفتيها في قبلة عميقة. بعد عنها وهو بيلهث، ولما حس بخوفها وارتعاشها. ميرا ببكاء: أنت قليل الأدب؟ مش قولتلك متقربليش تاني.

إلياس بأسف لأنه ضعف قدامها ونسي إنها مش مستعدة. إلياس: أنا آسف يا حبيبتي، مقصدتش... بس على فكرة، كل ما هتعيطي هعمل كده، وأنتي حرة. ميرا بصتله بغضب، وهو بصلها بعشق وابتسامة جذابة. عند نور وإياد... كانوا قاعدين مع بعض في مكان هادي على البحر. إياد بصلها وبدأ الكلام. إياد بوجع: عايزة تعرفي ليه أنا مشيت يا نور؟

علشان حبيتك. مشاعري مقدرتش أتحكم فيها، ولو ممشيتش كان ممكن أذيكي. ده غير فرق السن اللي بيني وبينك. وكنت خايف أخون ثقة مراد فيا. نور بصتله بصدمة، كلامه كان مفاجأة بالنسبالها. إياد: إيه؟ استغربتي؟ نور بدموع: وليه مقولتش؟ ليه مجتش من زمان يا إياد وسبتني أتعذب؟ إياد بصلها: يا نور، فرق السن بينا كبير، وأنتي وقتها كنتي طفلة أصلا. وأنا مشاعري انجذبت لطفلة، كنت هقولك إيه ساعتها؟

نور قامت علشان تمشي. إياد قام وراها، جذبها من إيديها. إياد: نور، مش عايزة تقوليلي حاجة؟ نور بغضب: سيب إيدي بقا، سيبني أتعذب. ده كله وجاي تقولي فرق السن وإني انجذبت لطفلة؟ إياد برجاء: نور، ارجوكي افهميني. أنا بحبك، بعدت علشان مأذيكيش. نور نتشت إيديها من إيده، وبصتله بغضب. نور بغضب: أنا بقا مبحبكش، وفي حد تاني في حياتي... قالت كلامها ومشيت من المكان تحت غضب وصدمة إياد من كلامها. بليل عند ميرا وإلياس...

فريال دخلت أوضة جدة إلياس. فريال: الحق يا ماما، أنا سمعت إلياس بالغلط وهو بيقول إنه مقربش من مراته لحد دلوقتي. جدة إلياس: أنتي بتقولي إيه؟ إلياس وراجلنا شرف ميرا يوم فرحهم. فريال: والله هو ده اللي سمعته، شكلهم ضحكوا عليكي. جدة إلياس قامت بغضب: تعالي معايا، لازم أتأكد بنفسي. عند ميرا وإلياس... سمعوا صوت رزع على الباب. إلياس قام فتح، لاقاها جدته. جدة إلياس بغضب: إلياس، صحيح إنك مدخلتش على مراتك؟

إلياس بغضب: مين اللي قالك الكلام ده؟ أنا موريكم كل حاجة. جدة إلياس: هتأكد بنفسي ودلوقتي. ميرا قامت بفزع، وقفت ورا إلياس. إلياس بغضب: تتأكدي من إيه؟ محدش هيقرب من ميرا. جدة إلياس بغضب: هتعصي كلامي يا إلياس؟ أنا كده اتأكدت إنك بتكذب. إلياس بغضب: أنا قولت كلامي، محدش هيقرب من ميرا. جدة إلياس: أنا هطلع قدامك خمس دقايق وتوريني شرفها وهتأكد بنفسي. إلياس قفل الباب، وبص لميرا اللي بتترتجف وراه. قرب منها وقال.