رواية المظلومة والقاسي المتعجرف الفصل التاسع عشر 19 - بقلم اسراء الاتربي

إلياس غضبه عمى. قرب منها، شالها، رماها على السرير بغضب. إلياس بغضب: أنا هوريكي يا ميرا إزاي متسمعيش كلامي. إلياس فتح سوستة فستانها. راح على الدولاب وطلعلها فستان محتشم. قرب منها. ميرا برعب: أنت هتعمل إيه؟ إلياس: هغيرلك طالما أنتِ مش عايزة. ميرا بغضب: ابعد عني، أنت اتجننت. إلياس بيشيل فستانها، وميرا بتبكي وبتزقه. ميرا ببكاء: أنا بكرهك يا إلياس، ابعد. إلياس بص لها وبعد. رمالها الفستان.

إلياس بحزم: خمس دقايق تلبسي وتبقي تحت قدامي. قال كلامه ونزل. ميرا بصتله بغضب وقامت غيرت ونزلت. ركبت جنبه من سكات. إلياس اتحرك. بعد كام ساعة وصلوا. والد إلياس رحب بيهم. والدة ميرا قربت علشان تسلم عليها وتحضنها، وميرا بعدتها عنها. ميرا: إلياس عايزة أطلع الأوضة علشان أرتاح. إلياس بص لها بتفهم، وأخذها وطلع أوضتهم. ميرا دخلت وجريت الحمام وقفلت الباب وأجهشت في بكاء مرير.

إلياس سمع صوتها وقلبه اتنفض من مكانه. جري على الباب، فضل يخبط علشان تفتح له. إلياس بخوف: ميرا ارجوكي افتحي، والله هكسر الباب. ميرا مردتش ولا فتحت له. إلياس فضل يركل الباب برجله لحد ما اتكسر. دخل لاقاها واقعة في الأرض وبتبكي. إلياس وطى وماسكها من دراعها، قومها من على الأرض، شدها لحضنه. إلياس بحنية: هششش، إيه سبب العياط ده؟ مفيش حاجة تستاهل دموعك يا ميرا.

ميرا ببكاء: والله هي ظلمتني يا إلياس، أنا مش وحشة زي ما هي كانت بتقول. إلياس: وأنا مصدقك وهعرف الحقيقة يا ميرا، بس بطلي عياط. إلياس رفع وشها بين إيديه، مسح دموعها وطبع قبلة على جبينها. شالها بين إيديه وطلع قعدها على السرير. إلياس: غيري هدومك، أنا نازل تحت وجاي. ميرا هزت راسها، وإلياس طلع. عند مراد وكاميليا، كانوا راجعين مع بعض. كاميليا: مراد، أنت مش هتندم إنك اتجوزتني؟

مراد بص لها: كاميليا، أنا الحاجة الوحيدة اللي ممكن أندم عليها هي إني أسيبك. شيلي كل الكلام ده من دماغك. كاميليا بصت له، عيونها دمعت بعشق وقالت بدون وعي: كاميليا: مراد، أنا بحبك. مراد فرمل ووقف بالعربية. مراد بسعادة: قولتي إيه؟ كاميليا بخجل: مراد، خلاص بقى. مراد: والنبي قوليها تاني، ده أنا عايز أرقص يا شيخة. كاميليا بإبتسامة: مراد، خلاص متكسفنيش. مراد قرب منها وكان هيقبلها، بس كاميليا بعدته.

كاميليا بخجل: مراد، إحنا في الشارع، لو سمحت بلاش حركاتك دي. مراد بغمزة: ماشي، مسيرك تيجي تحت إيدي. كاميليا بضحك: احترم نفسك يا مراد. مراد: بقولك إيه، تيجي نكتب الكتاب النهارده؟ كاميليا: أنت مجنون صح؟ مراد بص لها بعشق: مجنون بيكي يا كاميليا. كاميليا بصت له بكسوف، وهو بدلًا منها بنظرات العشق. عند نور، خلصت محاضرات في جامعتها وخرجت. وقفت عربية قدامها، وكان أياد. أياد: اركبي يا نور، عايز أتكلم معاكي.

نور بغضب: هو أنت استحلتها؟ والله العظيم هقول لمراد. أياد نزل من عربيته، واقف قدامها. أياد بص لها وكان باين من نظراته إنه حزين. نور لاحظت. نور: مالك يا إياد؟ أياد بحزن: نور، أنا محتاج أتكلم معاكي. أنا مش جبان زي ما قولتي. نور بصت له: امال أنت إيه يا إياد؟ هروبك زمان كان سببه إيه؟ أياد: تعالي نقعد في مكان ونتكلم، لو سمحتي. نور طلعت معاه، وهو اتحرك. عند إلياس وميرا، إلياس نزل وجمع العيلة كلها.

إلياس بجدية وجه كلامه لوالد ميرا ووالدتها. إلياس: إيه حكاية تامر وميرا؟ احكولي ومن غير كذب. والد ميرا ووالدتها بصوا لبعض بصدمة ورعب. إلياس بص لهم: تعرفوا إنه خطف ميرا؟ أنا تقريبًا عارف كل حاجة، بس في جزء ناقص وهعرفه منكم.

والدة ميرا ببكاء: بص يا ابني، أنا هقولك وهحكيلك الحقيقة. تامر كان خطيب ميرا. عمك لما شركته وقعت استلف منه فلوس كتير علشان يقدر يقف من تاني، بس للأسف خسر ومقدرش يرد له الفلوس. تامر شاف ميرا وعجبته، طلبها منا مقابل الفلوس اللي ليه. تامر شخص جشع وظالم، محدش بيقدر عليه. غصبنا ميرا على الخطوبة، بس اللي حصل إنه حاول يعتدي عليها ومن حسن الحظ إننا لحقناها. اضطريت أكذب وأقول إنها ماشية مع رجالة، علشان عارفة إنكم مش هتقبلوا شرفكم يتبهدل وإنهم هيجوزوها لك، علشان شرف العيلة. وأنا علشان أحميها عملت كده، عشان أنت الوحيد اللي كنت هتقدر تقف لتامر.

إلياس بص لها بغضب: أنتِ مش بني آدمة بجد؟ مش معنى كده إنك تتهميها بالطريقة دي. كان ممكن تقولي الحقيقة وإحنا نتصرف، إنما تعملي كده ليه؟ أنا آذيتها كتير بسببكم. والدة ميرا ببكاء: أنا آسفة يا ابني، والنبي خليها تسمحني. إلياس بص لها: تعرفي إيه الحاجة الوحيدة الصح اللي أنتِ قدمتيها ليا؟ إن اتجوزت ميرا ودخلت حياتي بسببك. ميرا كانت واقفة على مقاربة منهم، وسمعت كل حاجة. ودخلت وهي بتبكي.

ميرا ببكاء: أنا مستحيل أسامح حد فيكم، أنا بكرهكم. قالت كلامها وطلعت على الأوضة. إلياس جري وراها. إلياس قرب منها، وميرا دفعته بعيد عنها. ميرا بغضب: أنت كمان زيهم، آذيتني، مش هسماحكم. إلياس بص لها بحزن، قرب منها، جابها لحضنه بالغصب. حوطها بإيده بقوة، دفن راسه في رقبتها. إلياس بعشق: ميرا، أنا بحبك. ميرا الكلمة لجمتها. رفعت راسها وبصت له. ميرا بعناد: وأنا بكرهك يا إلياس. أنت اتجوزتني مجبر، طلقني.

إلياس بص لها بصدمة وقال...