رواية المتخفي الفصل الأول 1 - بقلم ريم محمد

أنت الطباخة الجديدة؟ أيوه أنا. تعالي بقي أوريك كل شبر في القصر وتعرفي التعليمات الجديدة. أنا هنا من زمان وعارفة كل جزء في القصر وأي حاجة هتعمليها تكون تحت أمري وتعدي علي الأول. حاضر. بصي اللي تشوفيه هنا ميطلعش برا، الأكل يكون جاهز بمعاد وكمان كل اللي لازمك هيجي. تمام. اطلعي دلوقتي غيري هدومك والبسي زي المطبخ. *ورتني أوضة ليا وكانت غريبة شوية، حتى اللبس غريب وحذرتني أروح الجناح الغربي ليا أتجول في الشرقي بس.

وكل حاجة منظمة والقصر كبير عامل زي المتاهة، قدامه جنينة كبيرة مليانة زرع وفي كمان شجر ويعتبر الجنينة بس اللي فيها روح.* *قالتلي الوجبات اللي هعملها ومعاد كل وجبة، عملت الوجبة على المعاد ومكنش في غير راجل عجوز وبنتين في مقتبل العمر وست كبيرة وشاب، والأكل كتير يكفي حوالي خمستاشر فرد مش العدد القليل دا.* *طبعًا بعدها بساعة كله يخلص أكل كأنهم ربوت، لميت السفرة وغسلت المواعين. وكان بعدها بفترة معاد العشا.*

*عندهم خدامين كتير وأنا يعتبر شيف لأني نجحت في اختبارهم وطلعت المركز الأول.* *مسكت الفون بعد ما خلصت، حاولت ألقط أي شبكة كانت ضعيفة، طلعت في الجنينة. مشيت لآخرها لاقيت باب غريب شوية، طبعًا جالي فضول أفتحه بس معرفتش، بس فجأة لاقيت ورايا حد. بصيت ورايا لاقيت نفس الشاب دا واقف، اتخضيت وكنت هقع على الأرض، مسكني وقال:* *أول مرة أسمع صوته من ساعة ما جيت.* مين جابك هنا؟ أنا، أنا كنت بدور على شبكة عشان النت. هاتي فونك.

حضرتك ليه؟ أوصلك الواي فاي. بالسهولة دي؟ لا، في مقابل. إيه هو؟ هاتي الأول وهقولك. *أخده ووصل لي الواي فاي، كنت فرحانة لأن جو القصر كئيب ممل أوي.* المقابل دلوقتي. مينفعش بكرة؟ لأ، دلوقتي. *قرب مني وقال:* اقعدي على الكرسي دا. *شغل إضاءة كانت في الجنينة وقعد قصادي وكان مجهز كل حاجة وقالي:* متتحركيش، هرسمك. انت طلعت بتتكلم اهو. *ضحك وقال:* ما أنا بشر مش هتكلم ليه. *رسمني وبعدها قال:* رسمتك حلوة أوي وملامحك لطيفة ومريحة.

حافظي على ملامحك دي. *سابني ومشي وعقلي بيردد كلماته: أحافظ على ملامحي؟ *كلامه غريب شوية.* تقصد الميكب؟ *كان سابني ومشي، اختفى في لمح البصر.* "الصباح" *عملت الروتين العادي، والمرادي واحدة من البنات اتكلمت وقالت:* مبحبش الأكل دا، عايزة أكل تاني. *الشاب اللي لسه معرفش اسمه قال:* ليه؟ ما أكل. اسمك إيه؟ جين. اه جين أكلها كويس. *لاقيت نظرات من ممته وباباه نارية، وباباه طلب أروح المطبخ وقال حاجة صدمتني.*