رواية المتمردة و الثعلب الفصل الرابع والعشرون 24 - بقلم كتابات ولائيات

ناصر: الو يا سيف سيف: الاتصال انقطع والرائد ريناد مع المافيا ناصر يحاول أن يتماسك وقلبه يرتجف على صغيرته ولكنه الواجب ناصر: اسمع التعليمات يا سيف ونفذ الأوامر ناصر: لازم لكل عملية خسائر وإن شاء الله ربنا معاها ومع الجميع ويغلق وقلبه يتمزق فهي ابنته التي لم ينجبها ولكنه يتضرع بقلبه وعينيه لله أن يكون معين لها سمر: مالك يا ماما ملوك وتنهار في البكاء: ابني بيه حاجة ابني سمر: يا ماما هي أول مامورية له ادعيله

ملوك: لأ قلبي مش مطمن المرة دي أخوكي فيه حاجة يا سمر سمر: استعيذي بالله من الشيطان الرجيم وقومي صلي ركعتين يا ماما وادعيله ملوك: رجلي مش شيلاني رامي آه يا ضنايا يا ترى بيك إيه يا نني عين أمك سمر: يا ماما بلاش جو أمينة رزق ده وقومي يا ستي أنا غلطانة إني عملت لكم محشي مالها البانية والمكرونة مي: مالكم في إيه مالك يا ماما سمر: تعالي شوفي أمك يا ستي خايفة على رامي وبتعيط مي: منك لله يا مراد أنت السبب ملوك:

وماله مراد بقى يا مي مي: هو اللي طلب محشي كرنب أهو كتم على نفسنا كلنا ملوك: والله الواد ده برقبتك وكفايه إنه متحملك مش أنتِ بنتي صحيح بس له الجنة سمر: أهي قلبت عليكي الحق نفسي أنا قبل ما تقلب عليا ملوك: أوعي منك لها ويقولوا خلفة البنات فرفشة وضحك إلا أنا خلفت نكد تضحك مي وسمر وتقول مش مهم المهم إنها نسيت خوفها على رامي مي: أروح أشوف مراد بقى الحق أنكد عليه قبل ما أنزل النبطشية

سمر: والله ماما عندها حق في اللي بتقولهولك يا مي يلا أروح أعملها قهوتها وأنتي خلي مراد يعدي عليها عشان هو اللي بينسيها مي: طيب أهو نفد ابن صفاء من نكدي سمر: صفاء اللي هي حماتك وخالتك روحي يا مي الله يخليكي أدهم: رامي ركز معايا أنت لازم تدخل عمليات فوراً رامي وتتملكه الألم: أدهم أنا لازم أكمل العملية اتصرف أدهم: أنت جسمك هيوصل إنه يحاربك أنت شخصياً خلاص بقى رافض أي جسم غريب

مهند: رامي مفيش وقت عربية الإسعاف هتوديك المستشفى وأنا هروح أكمل المداهمة رامي: أدهم اتصرف وسكّن الألم ده كده كده هروح مهند: أدهم مينفعش حالته وحشة اتصرف وأنا هكلم اللواء أشوف التعليمات أدهم: رامي بلاش عند كذا خطر على رجلك مش هنضحي بيك رامي: العملية لازم تكمل انجز يا أدهم أوعدك بعدها هروح المستشفى بنفسي أرجوك يا أدهم مش هقدر أضحي بنجاح المهمة دي

مهند: على التليفون وبعدين يا فندم هنعمل إيه ممكن يؤذوها تمام يا فندم أنا هكون جاهز مع السلامة رامي بألم شديد: إيه يا مهند في إيه أدهم: دي حقنة لو خلال بع ساعة محستش بمفعولها هنضطر نطلع على العمليات رامي: تمام يلا وأنت يا مهند انطق مهند: ريناد مخطوفة ومع المافيا والأجهزة حصلها تشويش رامي: عربية بسرعة لازم ننضم ليهم أدهم بنفاذ صبر: أنت حالتك متتحملش يا رامي رامي: مش هضحي بنجاح المهمة ومش هضحي بحد من فريقي مهند:

اطلع بسرعة يا أدهم أدهم: تمام السلاح عندكم ورا كل واحد يمسك سلاح مهند: أدهم احنا هننضم للواء ناصر واعتقد أنت في العربية تغطينا ومعاك رامي رامي: بتعب اطلع يا أدهم وافتح الصندوق واخرج سلاح أبيض يضعه في حذائه ومسدس في الآخر وذخيرة مهند: فين قنبلة الغاز أدهم: عندك تحت الكرسي بس خلي بالك نحاول منستعملهاش قوي لأن دورين الحساسية اللي عند ريناد ممكن الغاز يعملها اختناق دا لو هي معاهم رامي: هما مش بالغباء اللي يخليهم ياخدوها

عائشة: أيوه يا كوكي كريمان: هو الواد خطيبك مكلمكيش عائشة: ويكلمني ليه هو لسه مش خطيبي كريمان: ريناد عايزة أطمن عليها بقالي يومين قلبي بيوجعني عليها عائشة: ما تسألي اونكل مهاب ولا اونكل ناصر كريمان: الاتنين مش بيردوا قال إيه عندهم شغل أنا حاسة إن بنتي فيها حاجة تركها في وجهها وهي تردد فاكرانا هندلعك لأ فوقي أنتِ ولا تسوي أنتِ بس كارت ممكن نلعب بيه ريناد: فكيني وأنا هوريكي مين اللي ولا يسوى

رؤؤل: آه ما كنتي مفكوكة عملتي إيه بتسرقي مسدس يا زبالة وعايزة تقتليني ريناد: أنا مش محتاجة مسدس أنا كفيلة بيكي بس أقول إيه طول عمركم خونه ومبتضربوش حد سايب أو من وشه بتضربوا من الضهر ضحكة عالية المهم مين يضحك في الآخر أنتِ بقى لعبتي اللي هلعب بيها وتقبض عليها من شعرها بحكم وتسحبها خلفها وهي تركلها ريناد تخطف منها سلاح أبيض ويدها مربوطة وبسرعة تقطع شعرها لتصبح ريناد بلا شعر وتنظر رؤؤول بذهول لتلك المجنونة

وتقف ريناد تهددها بالسلاح وهي مربوطة ومنهكة من الضرب ريناد: معندناش حاجة عزيزة نتمسك بيها وتكون نقطة ضعف وأنا أهو مربوطة وهوريكي رؤؤل: أنتِ مجنونة بقي شكله مشوه وأنتي من غير شعر كدا ريناد: ولو كانت إيدي اللي معاكي كنت قطعتها أنتِ واضح إنك متعرفيش بتلعبي مع مين وتحاول ريناد أن تقفز عليها وتضربها بالسلاح ولكن تتفادى رؤؤل الضربة بمهارة وتركل يد ريناد بقدمها ليطير السلاح

وهي تضحك: أنتِ بجد مسلية أوي ومش إيدك اللي هنقطعها لالا يا حلوة رقبتك ولو إنك خسارة الجمال ده يموت بس عزاؤك إنهم هيكرموكي وأنتي ميتة ريناد: رقبتك هتكون قبل رقبتي يا عاهرة المافيا رؤؤل: تضحك أنتِ بتحلمي يا أكيد مش سينا بس مش مهم أي كان اسمك مش هيفرق والأفضل ليكي تترجيني أرحمك ريناد: بس أنا عرفت إنك يهودية وهنستنى إيه من اللي زيك غير الخسة

رؤؤل: واضح إن الذوق مش نافع معاكي وأنا هربيكي وتركلها بقدمها في ظهرها لتتألم ريناد ولكن دون أن تظهر رامي: أيوه يا سيف اديني ملخص اللي حصل سيف: ……………… رامي: حدد لي آخر نقطة قبل قطع الإرسال كانت فين سيف: …………………… رامي: تمام يا سيف حاول وواثق إنك هتنجح ترقوهم تاني المهمة أمانة معانا يا سيف وأرواح زمايلنا أمانة سيف: تمام يا فندم رامي بالتليفون: ناصر باشا عاوز أنا هاخد العربية ومحتاج معايا مهند وفرقة وهطلع على

آخر نقطة سيف وصلها ناصر: والتسليم يا رامي رامي: ثق فيا يا فندم وعاوز أقول لسيادتك إن مكان التسليم ده هيتغير طالما كشفوا اختراقنا فهيغيروا كل حاجة ناصر: عندك حق بس مفيش في إيدينا غير كده رامي: يا فندم وعدتك إني يا روحي يا المهمة والتعلب مبيخلفش وعده ناصر: العربية اتحركت لك رامي: شكراً يا فندم ديفيد: مارك هنفضل كتير منتظرين مارك: التعليمات إننا ننتظر ديفيد: وأميرهم مارك: تقصد رؤل لأ دي طلعت من الناس اللي

فوق أعتقد تنسيم مييار: التعليمات وصلت التسليم هيتم قبل خليج العقبة جهز ديفيد: ورؤل فين رؤؤل: أنا هنا وكل واحد يفهم دوره كويس لازم منعملش غلط مارك: والبوليس رؤؤل: هنبعت حاجة بسيطة كده المغارة طعم ليهم نلهيهم عن العملية الكبيرة مارك: والبنت اللي معانا رؤؤل: دي بقى تسليتي لو محتجناهاش حلال على القروش مييار: أنا رأي نخلص عليها

رؤؤل: غباء تخيلي لو اتزنقنا هنا ومعاهم إيه أكيد ببيها ونقدر ندخل مياه دولية وهناك السلطة المصرية ملهاش حكم علينا ونرميهم لهم بقى لو قدرو ينقذوه ديفيد: أميرة أنتِ طلعتي رؤؤل: رؤل يا ديفيد وشكراً على اليومين الحلوين اللي شفتهم معاك حقيقي غيرت مودي بس نصيحة المشاعر ملهاش مكان عندنا وإلا هنفشل يلا كل واحد معاه خريطة ورقة بتعليمات والرئيس بقى منتظركم في الغواصة رامي: مش هسيبهم يا مهند مش هسيبهم مهند: رامي ارحه

احنا مكشوفين ليه رامي: مهند أنا ممكن تتبعوني عن طريق برنامج الشريحة إنما الباقي لأ مهند: رامي فكر كويس رامي: مهند العملية هتبوظ وريناد في خطر تخيل دي لو سمر ولا مي أخواتي مع عصابة إحساسي هيكون إيه تخيل دي لو رنا أنت هتحس بإيه مش هسيب فرصة يأذوها أنت عرفت دول مين يا مهند مش هيرحموه مهند: عندك حق بس أنت بتضحي برجلك كدا رامي: أحسن ما نضحي بكرامتنا يا مهند في حاجات أهم من حاجات أدهم: مهند ميقصدش يقصد إننا

هنكون بدالك يا رامي رامي: وأنا لسه أقدر أتحرك وأتصرف لما تقطعوا رجلي وأبقى عاجز نتكلم مهاب: أنا بموت يا ناصر ناصر: متقلقش يا مهاب أنا مش هرجع من غيرها إن شاء الله مهاب: أنا مش قادر أسيب المكتب ولا أكلم كريمان ناصر: ده واجب ودي أوامر يا سيادة اللواء وأنت أدرى حد بيه مهاب: تمام يا ناصر بس أي معلومات بلغني حتى لو .. يعني لو كانت ناصر: متكملش ادعي بس تعدي على خير وأغلق معه الخط محمود: وبعدين يا باشا

ناصر: مقدرش أقوله إننا منعرفش عنها حاجة وإنها في خطر محمود: أنا رأي يا باشا إننا نعمل إن العملية في الجبل حقيقية وأنا صدقنا ونعلن عن نجاحها علطول وبكده يطمنوا ونفضل نمشط البر والبحر ناصر: نخلص الأول ونشوف يا محمود تؤتؤتؤ بقى الجميلة الرقيقة بقت كدا مش مصدق نفسي ريناد: أنتم مروان: أيوه أنا اللي كنت فعلاً مهوس بجمالك بس حالياً بصي شكلك وشك كله جروح شعرك كله متقطع إيه ده الدم ده يا حرام ده إيدك بتنزف ريناد: عايز إيه

مروان: ولا حاجة كنت جاي أرسمك بس ملقتش حاجة أرسمها ريناد: مش عيب عربي زيك تكون معاهم مروان: مين قالك إني عربي ريناد: أنتم مروان: أنا وطني الفلوس والجنسيات دي شكليات تعالي شوفي كل الدول تتقاس بالفلوس تعرفي إننا عاملين معاهم تطبيع ومعاهدات هاجي أنا وأعترض أستسلمي وفكري مصلحتنا معاهم ريناد: أنا عطشانة هفكر إزاي وأنا عطشانة مروان: أنا هشربك واقعد معاكي أنا كنت زيك في يوم من الأيام بس خفيت صدقيني العروبة دي وهم شعارات

ريناد: شكراً على المية مروان: أنا هسيبك تفكري وراجع لك تاني صدقيني مصلحتك معاهم رامي: المكان مؤمن كويس لازم ندرسه أتت صوت رصاص من كل جانب