رواية المزاج الفصل العشرون 20 - بقلم منار همام

ساميه دخلت أوضة آدم مرة واحدة وهي بتزغرط ومعاها الخدمة. ساميه: ألف نهار أبيض. مبروك يا حبيبي أمك. آدم مسح على وشه بضيق. آدم: هي مش الحوارات دي خلص موضوعها من زمان؟ ساميه بتشاور للخدامة تبخر الأوضة كلها. ساميه: مين قال يا حبيبي. دي علشان عيون الحساد. آدم بدأ يتخنق من الدخان. آدم: خلاص يا ماما. معدن. وبعدين لسه قدامك جاسر ويوسف. الحقي علشان تخلصي بسرعة.

ساميه: أه صحيح. همشي أنا وأنزل بسرعة أنت ومراتك علشان جهزت ليكم الفطار. آدم: حاضر يا ماما. ساميه طلعت. آدم بص على نور اللي متخبية تحت البطانية. آدم شال البطانية. آدم: معلش يا روحي. هي ماما كدا. نور: لا عادي. بس هي المفروض كانت تخبط علشان أغير هدومي. آدم بضحك: تغيري إيه. دي كانت تبقى مصيبة عند ماما. هي لازم تقبض علينا كده. يلا قومي ننزل بدل ما تلف اللفة وترجع لينا. ****** عند جاسر. ميسرة صحيت على صوت ساميه بضيق.

ميسرة: يا صباح يعلم يا رزق يا كريم. ساميه: صباح الخير يا عروستنا. ميسرة: خلاص يا حماتي. خنقتنا. وبعدين هو الواحد مش هيعرف ياخد راحته في 12 ساعة اللي هينامهم ولا إيه. ساميه: علشان الحسد. ميسرة: يا حماتي. يعني سايبة كل السم اللي موجود في البيت ومركزة على الحسد. جاسر كان قاعد وساند ضهره على السرير وكاتم ضحكته بالعافية. جاسر: خلصتي يا ماما. ساميه: أه يا حبيبي. ساميه طلعت. جاسر شد ميسرة عليه.

جاسر: مش عيب تكلمي أمي كده قدامي. ميسرة: يعم اتنيل. ده أنت كان هاين عليك تقوم تقول لها امش. جاسر رفع حاجبه. جاسر: يعم. كمل وهو بيبص لتحت: بس أي الجمال ده كله. ميسرة: تسلملي يا باشا. أنا عارفة إن طول عمري قمر. جاسر زقه وتوجه للحمام. جاسر: فصيلهم. ميسرة: أنت مفكرني زي الباربي بتاعتك أخوك. جاسر: يا ريت تتعلمي منها شوية. شويه وجاسر طلع من الحمام وميسرة كانت واقفة قدام المراية. جاسر: هتنزلي قدام.

ميسرة: أه. هو مفيش حد غريب أصلا. جاسر بهدوء: ادخلي غيري يا ميسرة. ميسرة: جاسر بس... جاسر: مسمعش منك غير كلمتين. نعم وحاضر. ميسرة بضيق: ولله ماشي. كل اللي بتعمله هطلعه عليك. *** الكل قعد يفطر. أيڨا جات عليهم وهي مكسوفة. جاسر ابتسم ليها: تعالي يا أيڨا. مالك مكسوفة ليه. أيڨا قعدت جنب جاسر. أيڨا: لا ولا مكسوفة ولا حاجة. شاهين: بصي يا بنتي. طول ما انتي قاعدة في البيت ده بقيتي فرد مننا. أيڨا: شكرا يا انكل بجد.

جاسر ميل على ميسرة: أي الهدوء ده. ميسرة بغضب بتحاول تداريه: لا عادي. جاسر: دماغك مترحش بعيد. هي بس مش متعودة على حد ومتعرفش غيري. فا قعدت جنبي. ميسرة: ولا يفرق على فكرة. جاسر: أه ما هو باين. أيڨا: احم. هو كان في واحد امبارح في الفرحة ومعاها بنت وكانت مريضة كانسر تقريباً. إسراء: زهراء. أيڨا: أه تقريباً كان اسمه كده. يوسف: أيوه خير مالها. أيڨا: لو حد يعرف عنوانها علشان عايزة أطمئن عليه. هي كانت تعبانة امبارح.

إسراء: أي دا امتى. أنا مكنتش واخدة بالي. خلاص نروح نشوفه النهارده أنا ونتى. يوسف: خلصوا فطار وهوصلكم. آدم: تمام. أنا ونور جينا معاكم. ساميه: تروح فين يا حبيبي. دا النهارده لسه أول يوم جوز ليك. وفال وحش تطلع برا البيت. جاسر: لا وخذ التقيلة بقى يا ماما. أنا وميسرة رايحين معاهم. ساميه: بس كدا غلط و.... شاهين: متسيبي العيال براحتهم يا ساميه. روحوا يا عيال انبسطوا. ****

يوسف: اطلع يا آدم على المستشفى أنت وجاسر. وأنا هوصل البنات وحصلكم. آدم: مش عارف جاسر جايب ميسرة ليه ولا أنت يا يوسف. جاسر: يلا يهبل. عايزنا نسيبك في يوم زي ده. هتبقى ولا أب ولا أم. يوسف: أنا لو عليا كنت قلت لبابا. بس لاش أنت أصرت. آدم: مش ضروري الكل يعرف واشغل بالهم. يوسف: طب يلا يا عم الحنين. ******** يوسف وقف قدام شقة إسلام. خبط الباب. إسلام فتح الباب.

يوسف: احم. صباح الخير. عارف إن أزعجناك على الصبح. بس البنات عايزين يطمنوا على الآنسة زهراء. إسلام: لا عادي. اتفضلوا. شرفتوني. يوسف دخل قعد مع إسلام. وإسراء وأيڨا قعدوا مع زهراء. يوسف: احم. وأنت دارس إيه بقى. إسلام: دارس إدارة. عامل في أمريكا. يوسف: أي دا زي. وفي أمريكا برضه. وإيه اللي نزلك مصر. إسلام: بابا وماما اتوفوا من فترة. وزهراء نفسيته تعبت. وفجأة عرفت إن عندها كانسر وأصرت تتعالج في مصر. يوسف: ربنا يشفيها.

جواااااا. إسراء: ألف سلامة يا زهرتي. عاملة إيه دلوقتي. زهراء: الحمد لله. بس مكنش في داعي تيجي وإنتي لسه عروسة. إسراء: بس يا هبلة. مفيش الكلام ده بين الصحاب. زهراء: اممم. ماشي يا ستي. بس معرفتنيش على القمر. إسراء: دي أيڨا اللي ساعدتك امبارح. زهراء: أه. ما أنا فاكرة. بس مكنتش فاكرة اسمه. بس على العموم اتشرفت. وأكيد هنبقى صحاب. أيڨا: أكيد الشرف ليا. وكمان يعني ينولني الشرف لو بقيت الدكتور بتاعتك.

إسراء: بقولك إيه. ما تاخدوا شقة جنبنا وتقعدي معانا. وأيڨا تقدر تاخد باله منك صح. زهراء: مش عارفة ولله. هحاول أقنع إسلام. لو رضى. إسراء: فل. يوسف خبط على الباب. يوسف: إسراء يلا علشان نلحق جلسة أدم. إسراء: سلام يا زهرتي. وهحاول أجيلك تاني. هتيجي معايا يا أيڨا. أيڨا: لا أنا هقعد مع زهراء. وهتصل بجاسر آخر اليو. إسراء: تمام يا بنتي. يوسف أخد إسراء وراح المستشفى. يوسف: أي. آدم دخل. جاسر: لسه بيجهزوه. إسراء: أمال فين نور.

جاسر: معاها جوه. وهو كان عايز يخليها تطلع بس رفضت. إسراء: هدخل أشوفها. جوااااا. آدم نايم على السرير ونور حضناه. آدم: مش كفاية أحضان بقى. وخلينا في البوس. نور زي ما هي: اخرس يا آدم. آدم: لا بتكلم جد ولله. يعني أنا راجل داخل على علاج كيماوي دلوقتي. مفيش بوسة كدا ولا كدا. نور رفعت وشها. نور: عايز إيه يا آدم. آدم: بوسه. نور بتنفيذ صبر: قليلة الأدب. ولا عادية. آدم: هو أنا بطلب دليفري. لا يا ستي قليلة الأدب.

نور باست آدم بسرعة ورجعت حضنته تاني. نور: يلا اسكت بقى. آدم: هي دي ماتتحسبش. بس هسكت بمزاجي. الدكتور خبط ودخل. الدكتور: يلا يا دكتور أدم نبدأ. آدم: تمام. اطلعي انتي يا نور. نور: لا أنا هفضل معاك هنا. آدم: نور اسمعي الكلام وطلعي استني برا. هخلص وادخلي. نور: طيب. نور طلعت. وآدم بص للدكتور. آدم: متأكد إن الأوضة عازلة للصوت ومتقفلة من كل حتة. الدكتور: متخفيش يا أدم بيه. كل حاجة تمام. والمدام مش هتشوف حاجة ولا تسمع حاجة.

آدم: تمام. الدكتور: بس يعني حضرتك هتخبي عليها إزاي. هيبان عليك أثر التعب. وغير إن شعرك هيقع. آدم: مش مشكلة. كل ده هتصرف فيه. أهم حاجة متشوفنيش وأنا بتوجع. الدكتور: الظاهر إنك بتحبه أوي. آدم ابتسم للدكتور. آدم: احم. يلا يا دكتور ابدأ. الدكتور جهز كل حاجة. وآدم أول ما حس سائل الكيماويات في دمه اتوجع بصوت عالي....