رواية المزاج الفصل الرابع والعشرون 24 - بقلم منار همام

آدم: عايزة تلعبي حاجة يا بنوتي؟ نور بفرحة: أه، عايزة أركب اللعبة دي. شاهين أخد العيلة كلها وطلعوا يتغدوا برا، وبعد البنات طلبوا يروحوا الملاهي. آدم وقف: بعد إذنكم بقى يا جماعة. يوسف: أوه أوه، آدم شاهين هيركب لعب العيال دي. آدم: مش حرام آدم شاهين عايزة تركب يبقى آدم شاهين هيركب. يوسف: لا اهدى كده يا شبح، شايف البنات بيبصولنا إزاي. آدم: وأنا مالي؟ اللي عايز ياخد مراته ويروحوا يلعبوا. بص لإسراء وميسرة.

رجالتكم مش بيحبوكم على فكرة... يلا يا نوري. آدم أخد نور ومشي. محمد: تعالي معايا يا إسراء نجيب آيس كريم، حد عايز؟ يوسف: طب خليك أنت يا عمي وهروح أنا. محمد: لا خليك، أنا عايز أتكلم مع إسراء شوية. إسراء: حاضر يا بابا. إسراء قامت مع باباها. محمد: أخبارك إيه مع يوسف؟ إسراء ابتسمت: كويسة الحمد لله. محمد: ربنا يهنيكم.

سكت شوية وكمل: يوسف ضهرك من بعدي يا إسراء، وعمك شاهين أبوكي التاني. لو في يوم زعلتي أنتِ ويوسف، أوعي تعملي زي البنات الهبلة بتاعت اليومين دول. عاتبيه بينك وبينه، اعملي كل حقوقك كزوجة بس بسكوت، وده هيبقى أقوى ألف مرة من الصريخ والصوت العالي. لو ربنا كرمك ببنت تسميها على اسم أمك، وأوعي في يوم تنسيني أنا ولا أمك. إسراء قلبه اتقبض: ليه بتقول كده يا بابا؟ ربنا يخليك لينا. ومحدش هيسمي بنتي غيرك.

محمد ابتسم: متخافيش، أنا بس بقولك كده، محدش يضمن عمره. يلا بقى اتأخرنا عليهم. أسر بغضب: إزاي قتلته؟ إزاي؟ وأنتم كنتم فين؟ : يا باشا... أسر: اخرس خالص، نص ساعة وأسمع خبر موته، فاهم. : حاضر يا باشا. أسر بص على عماد اللي وقف وراه. أسر: وأنت تتصرف، معرفش، كل أملاك شاهين تنزل الأرض النهاردة، تخليه يمضي من غير ما ياخد باله، آخر النهاردة وإلا هخلص عليك. عماد: طب والحساب؟

أسر: هديك اللي أنت عايزه، غير إن كل الأملاك اللي هيمضي عليها شاهين خليه باسمك. عماد: حاضر يا باشا. أسر: وربنا لأصفيكم كلكم. نور قاعدة جنب آدم وماسكة الدبدوب اللي جابهولها ومبسوطة. وآدم مشغول في الكلام مع أبوه بس ماسك إيدها من تحت الترابيزة. إسلام قعد ومركز مع كل حركة من إيفا. إسلام: احم، شاهين بيه، بما إنك يعني بتعتبر إيفا زي بنتك ف... أنا طالب إيدها منك. شاهين: والله اسألها ونشوف رأيها.

الكل بص لإيفا وهي اتحرجت وحاولت تهرب من الموقف. إيفا: ع... عمو محمد جه بالآيس كريم. وقامت تجري. في نفس الوقت كان محمد وإسراء جايين من الجهة التانية، وإيفا بتعدي بسرعة علشان توصل لمحمد ومش واخدة بالها من العربية اللي جايه. محمد جري على إيفا يبعدها عن الطريق: إيڨا! إسراء كانت واقفة مصدومة لحد ما حست بدم أبوها على وشها. إسراء: بابااااا! ودي كانت آخر حاجة حست بيها. إسراء: بابا. بابا. بابا محصلش ليه حاجة.

إسراء قامت مفزوعة، لقت يوسف جنبها وباين عليه الحزن. مسكت فيه. إسراء منهارة: بابا بابا يا يوسف، بابا كويس صح؟ طب هو فين؟ أنا عايزة... أخليه يجي. يوسف بحزن: ربنا يرحمه. إسراء فضلت تضرب في يوسف: لا لا، بابا كويس، بابا محصلش ليه حاجة. يوسف مسك إيدها: فوقي يا إسراء، عمي محمد مات. إسراء بصوت عالي: لااااا! بابا محصلش ليه حاجة. يوسف: مات يا إسراء، افهمي. إسراء بدأت تهدى وقعدت على السرير وضمت رجليها.

يوسف بحنية: ده قدر ربنا يا إسراء. قومي يا روحي علشان تودعيه قبل الدفن. إسراء قامت مع يوسف وهي تايهة. آخر اليوم بعد الدفن والعز خلص. يوسف دخل الأوضة ملقيش إسراء، كان هيتجنن، دور عليها في الأوضة. يوسف: إسراء، إسراء أنتِ فين؟ سمع صوت طالع من الحمام، حاول يفتح الباب كان مقفول. مترددش لحظة وكسره. لقى إسراء قاعدة وضمة رجليها وبتعيط. يوسف جري عليها وحضنها. إسراء بعياط: بابا... بابا...

يا يوسف، خلاص راح، مفيش بابا ولا حتى ماما. يوسف: أنا أبوكي وأمك وأخوكي وجوزك يا إسراء. إسراء: لا يا يوسف، أنا عايزة بابا. يوسف باس راسه: يلا ننام يا روحي. في أوضة محمد. شاهين ماسك هدوم محمد وبيتكلم معاها. : خلاص يا محمد، سبتني؟ سبت أخوك لوحدك في الدنيا دي؟ خلاص راح اللي وصاني عليه أبويا وأمي، طب وعيالي هيعملوا إيه من بعدك؟ دول كانوا بيحبوك أكتر مني. هشكي لمين؟ مين هيبقى سندي وضهري من بعدك؟

عارف رغم إنك صغير بس طول عمري بعتبرك أكبر مني. بنتك هي بنتي، متخافش عليها. إسراء نايمة في حضن يوسف وكل شوية بتطلع شهقات أثر العياط. الباب خبط. يوسف ساند ضهره على السرير بيفكر وبيحرك إيده على شعرها. إسراء. الباب خبط. يوسف اتعدل في قعدته: اتفضل. دخل شاهين: إسراء عاملة إيه دلوقتي؟ يوسف: فضلت تعيط لحد ما تعبت ونامت. شاهين باس راس إسراء. : خلي بالك منها يا يوسف ومتسبهاش تقعد لوحدها كتير علشان تنسى. يوسف: حاضر يا بابا.

شاهين: ربنا يصبرها. جاسر قاعد وساند راسه بين إيديه. فجأة حس بإيد على كتفه وكانت ميسرة. قعدت جنبه. ميسرة بحزن: أنت كويس؟ جاسر اترمي في حضنها وعيط. : لا أنا مش كويس يا ميسرة. طب هحكي لمين كل مشاكلي دلوقتي؟ هلعب مع مين كورة؟ هدخل المطبخ مع مين؟ ده كان أقربلي من أبويا. مين هيواسيني ويقولي هتعدي؟ ميسرة عيطت وحضنته.

جاسر: كل واحد فينا دخل لأوضته علشان يعيط ومظهرش للتاني ضعفه علشان مانضعفش كلنا، بس والله كلنا مكسورين من بعد وفاة عمي محمد. ميسرة مسكت وشه بين إيديها. ميسرة: لا أنت قوي يا جاسر. عارف إن موت عمي محمد هيأثر فينا كلنا، بس هو في مكان أحسن دلوقتي مع مراته، ادعيله ولازم كلنا نكون سند علشان إسراء. جاسر رجع حط راسه في حضن ميسرة. عند آدم ونور. آدم حضن نور بهدوء ومش راضي يتكلم. نور: آدم أنت...

آدم: هششش، مش عايز حاجة غير حضنك دلوقتي. نور: آدم يوسف محتاجك جنبه دلوقتي، ماينفعش تسيبه. آدم: يوسف مع مراته، كل واحد جوه أوضته دلوقتي. نور طلعت آدم من حضنها ومسكت وشه بين إيديها. نور: طب وباباك يا آدم؟ هو كمان محتاجك، ده أخوه، ماينفعش تسيبوه لوحده. الواحد لما بيقعد لوحده في مواقف زي دي بيتخنق أكتر وده بيتعبه أكتر. آدم بتعب: حاضر يا نور، هروح أشوفه، وأنتِ شوفي إسراء. شاهين قاعد وماسك صورة ليه وهو ومحمد وأمه وأبوه.

آدم وقف على الباب: إيه يا حج؟ شاهين رفع وشه: سبت مراتك ليه يا آدم؟ آدم: هتنام مع إسراء وأنا جيت أقعد معاك بما إن ماما عند بيت خالي. جاسر: إيه ده، آدم هنا؟ آدم: أهو، جاسر كمان جه. يوسف: لأ وخد عندك، وكمان يوسف. شاهين: يوسف سبت إسراء ليه؟ أنا مش قلتلك اقعد معاها. يوسف: معلش يا بابا، هما البنات هيناموا معاها النهاردة وهما بنات مع بعض وهيفهموها أكتر. شاهين: يا ابني مفيش حد بيفهم الواحدة أكتر من جوزها.

يوسف: خلاص يا بابا، هتبقى كويسة. شاهين: تعالوا يا عيال، شاهين أشبع منكم، مين عارف مين عليه الدور. كلهم جريوا على باباهم وحضنوه: بعد الشر عليك يا حج. عند البنات كلهم قاعدين حوالين إسراء على السرير بيتكلموا في مواضيع مختلفة علشان يحاولوا يلهوها. دخلت إيفا وهي حزينة ومحرجة. إسراء: تعالي يا إيفا، مالك؟ إيفا بدموع: آسفة، عارفة إن ده حصل بسببي. إسراء: لا يا إيفا، أوعي تقولي كدا، ده قضاء ربنا. إيفا

جريت عليه وحضنته وقالت: آسفة. في مكان تاني. عماد واقف على قبر محمد بيحاول يفتحه. عماد: كدا كدا ميت، والحي أبقى من الميت، أخد ميراثك وبعدين أشوف أخوك.