رواية المزاج الفصل الثالث عشر 13 - بقلم منار همام

يا باشا أنا والله معرف حاجة. جاسر: مسمعش صوتك، ودلوقتي هنعرف إذا كنت تعرف حاجة أو لأ. كان جاسر وشخص تاني قاعدين بالسيارة مستنين شخص تاني يخرج. الرجل بص لجاسر بتوتر. لمح مسدس قدامه في العربية. أمسك المسدس وبدون تردد حطه في بوقه وضرب طلقة. جاسر بصدمة: استنى يا مجنون، إيه... جاسر ضرب الدركسيون بغضب: غبي، غبي. نزل من العربية لما شاف الرجل جاي عليه: خير يا باشا، مالك؟ إيه ده، أنت موته؟

جاسر طلع سيجارة: متنيلتش، هو اللي موت نفسه، دا تالت حد أمسكه ويموت فيها، لدرجة بيخافوا من الرجل اللي مشغلهم. جاسر: على العموم يا باشا، إحنا عرفنا شوية معلومات. الرجل دا فتح محل عربيات بس بيستقبل نوع واحد من العربيات، ونفس نوع العربية اللي ضربت عليكم نار. جاسر: بيجيب منين؟ الرجل: فرنسا يا باشا. جاسر: تمام، هات كل المعلومات اللي جمعتها عنه وأنا هتصرف، وتصرف في الجثة دي. ***

آدم وقف في الحمام بيحلق دقنه، ونور كانت قاعدة قدامه على الرخامة وتلف رجليها حول آدم. نور حطت إيدها على رغوة الحلاقة. آدم: نور، نزلي إيدك هتتجرحي. نور بعناد: لأ. آدم حط ماكينة الحلاقة بعيد وبص لنور: أنا مش قولت نزلي إيدك هتتجرحي، مبقتيش تسمعي الكلام وبقيتي عنيدة. نور حطت إيدها على رقبة آدم والتانية بتحركها على الرغوة الموجودة على دقنه. وتكلمت بدلع: وأنا قلت لأ. اقتربت من آدم جامد وقبلته.

لسه هتبعد بس آدم قربها منه أكتر وكمل القبلة. آدم شالها وسندها على الحيطة وهي بتحاول تبعد. نور: آ... آدم... تليفونك. آدم بعد عنها شوية وطلع التليفون من جيبه ورماه بعيد ورجع يكمل تاني. نور بتحاول تزقه: آآآدم، ابعد. آدم بعد عنها وسند راسه على راسها وتكلم بصوت مخنوق: متقربيش يا بنوتي، وبعدين ترجعي تقولي ابعد. نور وهي مغمضة عينيها: ح... حاضر. آدم: هرد على التليفون وإنتي اغسلي وشك وهاجي عشان نكمل حلاقة.

آدم في التليفون: أيوه يا يوسف، خيري. يوسف: بابا عايزنا، تعالى دلوقتي. آدم بضيق: ضروري يعني؟ يوسف: آدم يا حبيبي، هاتها وتعالى، بلاش صداع. آدم: عليا الطلاق ما فيه حد هيوديني في داهية غيرك، انت اقفل يا عم، اقفل. يوسف: أنا غلطان، عيال عايزة الحرق. *** شاهين بصوت عالي: إيه يا عيال شاهين العزازي بيضرب عليكم نار وإنتوا قاعدين زي الستات؟ جاسر: مين قال إننا قاعدين يا بابا؟

يوسف: قدرنا ناخد رقم العربية ودورنا لحد ما عرفنا إن العربيات دي بتيجي من برا مصر. آدم: قدرنا نمسك 3 رجالة من اللي كانوا بيضربوا علينا بس في آخر لحظة كانوا بيموتوا نفسهم. شاهين: يعني اللي بيعمل كده مش مصري؟ آدم: تقريباً كده، فرنسي، ده لو مكنش قاصد يتوهنا. شاهين بتوتر: وإيه اللي هيخلي حد فرنسي عايز يموتنا؟ يوسف: ده اللي هنعرفه مع الوقت. شاهين: طيب خلاص، انزلوا انتوا، وإنت يا آدم متتمشيش عشان الكلام لسه مخلص.

آدم: حاضر يا بابا. الشباب طلعوا. يوسف اتكلم بتردد: مش ممكن تكون أمكم؟ جاسر ابتسم: يوسف، كلنا عارفين إن ماما عايزة تأذيك انت بس، مش هتضرب على كله. آدم: وماما مش هتتعامل مع ناس من برا، دي آخرة خالي عماد. جاسر: وبعدين يا عم، متخافش، أنا مخلّي كل حاجة تحت السيطرة. يوسف: مش قصدي والله يا شباب، بس... جاسر: بقولكم إيه، ما تيجي نلعب كورة. يوسف وآدم: يلا. جاسر: دقيقة، نسأل بابا. جاسر فتح الباب لقي باباه قاعد على السرير بيفكر.

جاسر: تيجي تلعب معانا كورة يا حاج؟ شاهين ابتسم: لأ، بس قول لعمك محمد، هو بيحب يلعب، بس أكيد هنزل أتفرج. جاسر: أشطة. *** آدم: يوسف، يوسف، ارمي هنا. يوسف: يعم، إنت مش شايف عمك واقف؟ محمد: العب يا واد وإنت ساكت. يوسف رما الكورة، جات في نور، وقعت. رجع لأدم. آدم مسك الكورة ورجع رماها على يوسف بضيق: إيه يا عم التخلف ده؟ مش تاخد بالك؟ الكورة راحت عند نور. آدم: إنتي كويسة يا روحي؟ بتوجعك؟ ميسرة وأسراء كانوا واقفين: أحم أحم.

آدم لف ليهم: إيه؟ ميسرة: الترجمة لو سمحتي. يوسف قعد على الكرسي وهو بينهج أثر الحركة: زميلتك في الشغل، ولو إنها مش داخلة دماغ حد، بس مش مشكلة، لكن روحي، إين العقل في ذلك يا حج؟ جاسر ابتسم قعد جنب آدم: مش محتاجة يعني، باينة أوي إنها مراتك. آدم: هو باين أوي كده عليا؟ جاسر: مش بتيجي من الشقة بتاعتك، ويوم ما تيجي بالك مشغول ومش مركز في شغلك، يوم كتب كتابي مش شايل عينك عنه. ميسرة: الله، الباربي دي مرات آدم؟

أسراء: كنت شاكة، واللهم... محمد: إيه يا جماعة، اهدوا كده، في إيه؟ يوسف بضيق: بص يا آدم يا حبيبي، كل حاجة بقت على المكشوف، قول لأبوك وريح دماغك. جاسر: كنا هناكلك يعني، لو قلت هتجوز. آدم: أووووف، كل حاجة جت بسرعة. يوسف: تمام، أنا هقول لبابا النهارده، وإنت حر بقى، عايز تقعد في البيت، الشقة بتاعتك براحتك. الخدمة: الغداء جاهز يا بيه. *** ماك: تبًا، كادوا يكشفون أمرنا. آسر: أخي، أنا لا أعرف، ماذا تنتظر؟

هيا، أخلص منهم، لقد سئمت. ماك: وأنا أيضاً، لاكن يجب أن أفعل مثل ما فعل يوسف، وبعده سأقتلهم جميعاً. آسر بنفاذ صبر: متى، أخي، متى؟ ماك: عندما تقع تلك الغبية، زوجة يوسف، في عشق ذلك الرجل. آسر: أخي، ليس بالضرورة أن يعيشوا نفس شعورك، فقد تستطيع أن... تقتل زوجاتهم، وهذه أسوأ. ماك: هذا اقتراح جيد جداً، سأفكر بها. آسر: أخي، ماك، لماذا لا تحكي لي ما سبب كرهك لعائلة شاهين العزازي؟

ابتسم ماك: هل ستصدق أن قلت لك هؤلاء الحمقاء إخوتي؟ آسر بصدمة: ماذااا؟ ماك: نعم، وشاهين العزازي أبي. *** الكل قعد على الأكل. شاهين بياكل في طبقه: إيه يا يوسف، مش ناوي تسمعني خبر حلو؟ يوسف كان بيشرب، اتشرق: أحم، مش فاهم قصدك يا بابا. شاهين ما شلش نظره من على طبقه: تجيبلي حفيد يا يوسف. يوسف: لما ربنا يسهل يا بابا. شاهين: لما تبقى إنت قاعد معملتش حاجة، هيسهل إزاي؟ ... يوسف: يا بابا، أنا...

شاهين: مش عايز أسمع كلام، وإنت يا محمد، خلي بنتك تهدى كده على الواد وتتلم. محمد: في إيه يا شاهين؟ ما براحتهم. شاهين: لحد إمتى يا محمد؟ يوسف داخل في 35، هيخلف إمتى؟ في الأربعين مثلاً؟ أسراء قامت من على الأكل: بعد إذنكم. يوسف قام ورأها: بابا، مكنش ينفع اللي انت عملته، كنت كلمتني واحنا لوحدنا، وأنا كنت هبقى ألاقي حل. شاهين: ده اللي عندي. يوسف مشي. شاهين بص على جاسر: وإنت لم مراتك آخر الأسبوع ده.

جاسر بمرح: أنا مستعد دلوقتي يا حج، وكمان فوري هجبلك الحفيد اللي نفسك فيه. ميسرة قامت بخجل: أنا... أنا همشي، اتأخرت. شاهين: بلاش تحمري كده وقعدي مكانك، وإنت يا حيوان، بطّل. كمل وهو بيبص لآدم: والبيه التاني، تشوفلك عروسة في أقرب وقت، ولا أجيبلك واحدة على ذوقي أنا. محمد: أحم، بخصوص الموضوع ده، آدم، أحم، متجوز. شاهين ساب الأكل وبص لمحمد: ده اللي هو إزاي؟ محمد: متجوز نور. شاهين: نور مين دي؟

محمد شاور على نور اللي كانت قاعدة على آخر السفرة. آدم: والله يا بابا، الموضوع جه بسر... شاهين رفع إيده لآدم بمعنى اسكت. شاهين كمل وهو بيبص لنور: تعالي معايا المكتب عايزك. آدم: يا بابا، بس هـ... شاهين: موجهتش كلام ليك، يلا. شاهين مشي. آدم بص لمحمد: أنا مستحيل أخليه تروح لوحدها، هروح معاها. محمد مسك إيد آدم: اهدى بس كده، هو مش هيعمل ليها حاجة، هيتكلم معاها بس. كمل وهو بيبص على ميسرة: ميسرة، خدي نور وريها أوضة المكتب.

ميسرة: حاضر. آدم مسح على وشه بضيق وقرب من نور: متخافيش يا روحي، هو بس هيتكلم معاكي شوية، ردي على قد السؤال. نور هزت راسها له. عند أسراء ويوسف. أسراء بتعيط: مفيش حد فهمني، كلكم عايزين مصلحتكم بس. يوسف: يا قلبي، اهدي، طب بصي، أهو بابا قال كلمتين تحت، أنا عملت حاجة ولا هيغير سنتي من كلامنا. أسراء: بس أبوك معاه حق يا يوسف، اللي في سنك معاهم عيال من زمان و... وأنا والله بحاول. يوسف: براحتك يا قلبي، وأنا هستناكي العمر كله.

أسراء: أنا وحشة أوي يا يوسف، صح؟ يعني بص، إنت حنين معايا إزاي... وا... وأنا... يوسف: إهششش، هي مسألة وقت زي ما قلتي. أسراء: يوسف... أنا... أنا... *** نور قاعدة قدام شاهين وهي متوترة. شاهين بنظرة حادة: إزاي اتجوزتي آدم؟ نور بتوتر: أنا كنت... هو أول مرة اتقابلنا كنت لما صاحبي دخلني العربية غصب عني... و... بعده رجعت البيت متأخر وعمي كان عايز يقتلني... و ساعتها آدم أنقذني منه... وخدني عنده الشقة واتجوزني.

شاهين: طب وعمك عايز يقتلك ليه؟ مش يمكن إنتي اللي مش بنت كويسة؟ نور كانت هتعيط: لا، هو بيكرهني وكان عايز يجوزني ابنه. شاهين: طب وباباكي فين؟ أمك؟ معندكيش إخوات؟ نور: بابا مات، وبعده عمي اتجوز ماما وهي تعبانة، وادم كل فترة بيخدني عندها، ومعنديش إخوات. شاهين: طب مفكرتيش إن آدم ممكن يزهق منك ويسيبك؟ نور مش فاهمة كلامه بس ردت بثقة: لا، آدم مستحيل يسيبني.

شاهين: ولله، على حسب علمي، ابني آدم ياما عرف بنات واتسلى بيهم وبعدين سابهم. نور بصوت عالي ودموع: قولتلك آدم مش هيسيبني، آدم بتاعي أنا بس. شاهين: هعديها المرة دي. تحت. آدم رايح جاي وهيموت ويعرف إيه بيحصل جوه: لا، أنا مبقتش قادر يا عمي، هدخل آخدها واللي يحصل يحصل. الباب اتفتح وطلعت منه نور وجريت على حضن آدم. آدم: نور، نور، إنتي كويسة؟ ط... طب مالك؟ نور بعياط: إنت مش هتبعد عني صح؟ إنت بتاعي أنا.

آدم: لا يا روحي، مش هبعد، بس إيه؟ شاهين طلع. آدم: بابا، نور مالها؟ شاهين: خد مراتك ترتاح في أوضتك يا آدم، وبلاش ترجع الشقة، خليك قاعد هنا شوية. *** "آسر: لكن كيف؟ إنت إنت أخويا. ماك: لا، لست أخاك. آسر: ولاكن كيف ذلك؟ ماك: حسان، سأحكي لك كل شيء، لاكن عدني ألا تخبر أباك بشيء. آسر: هيا، لا تحرق دمي، تكلم. ماك: بدأ الأمر في فرنسا مع أبي وذالك الشاهيني...