رواية النصيب الفصل الرابع عشر 14 - بقلم وحيدة كالقمر

ملك وهي واقفة قدام الڤيلا بصت ملك بصدمة. ملك: بسم الله ماشاء الله. مراد: أهلاً بيكي في بيتك. ملك: ده مش بيت، دي فيلا. دي حلوة أوي. مراد: لسه لما تشوفيها من جوه. دخل مراد وملك، وكانت الدادة مستنياهم. الدادة فخرية: أهلاً وسهلاً بيكي يا مراد يا ابني. مراد: أهلاً بيكي يا دادة، عاملة إيه يا دادة؟ الدادة فخرية: الحمد لله يا ابني، نشكر ربنا. مراد: ملك مراتي، ودي الدادة فخرية اللي ربتني.

الدادة فخرية: أهلاً وسهلاً بيكي يا ملك هانم. ملك: أهلاً بيكي يا دادة، بس قوليلي ملك بس. الدادة فخرية: ميصحش يا ملك هانم. ملك: أنا كده هزعل، بتقولي لمراد ابني وأنا بتقوليلي يا هانم؟ هو أنا مش زيك بنتك؟ الدادة فخرية: طبعاً زيك بنتي. ملك: يبقى تقوليلي ملك بس. الدادة فخرية: حاضر يا بنتي. طيب أنا حضرت الإفطار. ملك: لا، أنا مش بفطر دلوقتي. مراد: طيب، أنا هروح الاجتماع علشان متأخرش. ملك: طيب، أنا هروح أنام شوية. مراد

باس ملك من خدها وقال لها: سلام يا حبيبتي. وريها الأوضة فين يا دادة. ملك متنحة. الدادة فخرية: تعالي معايا يا بنتي. ملك واقفة مش بتتحرك. الدادة فخرية: ملك، ملك. ملك: أيوه يا دادة. الدادة فخرية: بقولك تعالي معايا. ملك: ماشي. راحت توريها الأوضة. في الأوضة. الدادة فخرية: هي دي أوضتكم. ملك: ماشي يا دادة، شكراً. الدادة فخرية: لو عايزة أي حاجة، ناديني عليا. ملك: حاضر. نامت ملك على السرير وبعدين فتحت عيونها فجأة ومسكت خدها.

وقالت لنفسها: ملك: هو إيه اللي عمله ده؟ لما ييجي هحاسبه. يلا هقوم أغير علشان أنام شوية. دخلت ملك الحمام. ملك: إيه الحمام ده؟ ده كأنه أوضتي، بس حلو وفيه بانيو كمان. عند مراد في الشركة كان لسه داخل. موظف: أهلاً وسهلاً بيك يا مراد بيه. مراد: أهلاً بيك. كل واحد بيسلم على مراد، ومراد بيسلم عليه. ودخل مكتبه وراه السكرتيرة. هايدي السكرتيرة: أهلاً وسهلاً بيك يا مراد بيه. مراد: أهلاً بيكي يا هايدي. الاجتماع جاهز؟

هايدي: نص ساعة ويبدأ يا مراد بيه. مراد: ماشي. اطلبيلي قهوة. هايدي: تحت أمرك. ومشت هايدي راحت تجيب القهوة. مراد قاعد بيكلم نفسه: مش عارف إيه آخرة الجوازة دي. خبطت هايدي. مراد: ادخل. هايدي: القهوة يا مراد بيه. مراد شرب القهوة وراح الاجتماع. بعد خمس ساعات الاجتماع خلص وراح مراد روح. واحد من اللي في الشركة بيتكلم في التليفون: الشخص: الوو، وصل حبيب القلب. الشخص التاني: تمام. وصل مراد الفيلا. مراد: يا دادة، يا دادة.

الدادة فخرية: أيوه يا ابني. مراد: ملك فين؟ الدادة فخرية: ملك نايمة من ساعة ما مشيت، ولسه مصحيتش. مراد: أكلت؟ الدادة فخرية: لا يا ابني، هحضرلكم الغداء. مراد: ماشي. طلع مراد ودخل الأوضة لقي ملك نايمة وشعرها مفرود على المخدة ولابسة بيجامة بنص. راح مراد عندها علشان يصحّيها. مراد: ملك، ملك. ملك بنوم: اممم. مراد: قومي علشان نتغدى. ملك بنوم: ماشي.

دخل مراد الحمام وخد شاور سريع وطلع وكان لافف وسطو بس. وملك كانت بتصحصح ورايحة الحمام وشافت مراد، وكانت هتصوت. ومراد حط إيده على بقها. مراد: في إيه؟ ملك شاورت على إيده علشان يحوشها. مراد فهم وحاشها. ملك: إنت دخلت هنا إزاي؟ مراد: دخلت من الباب، يعني هدخل إزاي؟ ملك: الفيلا مليانة أوض، مش لقيت غير دي؟ مراد: علشان دي أوضتي، ويلا علشان أنا جعان.

ملك كانت بتتكلم وهي حاطة إيدها على عيونها، وكانت هتقع على راسها بس مراد ساندها وعيونهم اتقابلوا. وملك جريت على الحمام بسرعة. ملك في الحمام بعد لما خدت شاور نسيت هدومه. لقيت برنس لبسته وطلعت بتبص حواليها ملقيتش حد. جابت هدومه ودخلت بسرعة لبست وخلصت ولبست الطرحة ونزلت. الدادة فخرية: يلا يا بنتي، الغداء جاهز. ملك: فين مراد؟ الدادة فخرية: في المكتب بتاعه. ملك: فين المكتب ده؟

الدادة فخرية: هتمشي في الطرقة دي على طول، هتلاقي المكتب في الوش. ملك: ماشي. راحت ملك عند المكتب وكانت هتخبط بس شافت في حد عنده، بصت واتصدمت.