رواية النصيب الفصل الثالث عشر 13 - بقلم وحيدة كالقمر

طلعت ملك من الحمام، بص مراد واتصدم. كانت ملك لابسة روب نوم وفارطة شعرها، وحاطة ميكب خفيف. أم ملك راحت حضنت ملك: "مبروك يا بتي، صباحي مباركة." ملك: "الله يبارك فيكي يا ماما." أم مراد: "صباحي مباركة يا عروسة." ملك: "الله يبارك فيكي يا مرات عمي." أم مراد: "لا متقوليش مرات عمي، قولولي يا ماما." ملك: "حاضر." أم ملك: "جبنالكوا الفطور." أم مراد: "يلا نسيب العرسان يفطروا لوحدهم." ونزلوا. مراد كان باصص على ملك.

ملك نسيت هي لابسة إيه: "إنت باصصلي كده ليه؟ مراد مش بيرد. ملك بصت لنفسها. ملك: "هاا، يالهوي... وطلعت تجري بسرعة على الحمام. بعد عشر دقايق، طلعت من الحمام وهي لابسة بجامة بنص وعاملة شعرها كحكة. مراد: "يلا عشان أنا جعان." ملك: "أنا مبفطرش دلوقتي." مراد: "ليه؟ ملك: "لما بصحى مش باكل على طول، باكل بعد ساعة." مراد: "طيب." وكل هو وهي، مسكت التليفون وبتتفرج فيه. عدى نص اليوم. تليفون مراد رن، طلع البلكونة، خلص كلم.

مراد: "أنا نازل." ملك: "ماشي." مراد نزل عند جده في المندرة، خبط. الجد: "ادخل." مراد: "جدي، حضرتك فاضي؟ عاوز أتكلم معاك في حاجة مهمة." الجد: "تعال يا ولدي." دخل مراد وقعد مع الجد. الجد: "قول يا ولدي، سامعك." مراد: "أنا مسافر مصر بكرة. في مشكلة في الشركة، لازم أروح أشوفها." الجد: "طيب يا ولدي، بس هتاخد مراتك معاك. إنتوا لسه متجوزين، مينفعش تسيبها." مراد: "حاضر يا جدي." الجد: "روح جهز شنطكوا، وأنا هحجزلكوا قطر."

مراد: "لا يا جدي، إحنا هنسافر بالعربية. بس مش عاوز حد يعرف إن في مشكلة في الشركة." الجد: "ماشي يا ولدي." طلع مراد، دخل الأوضة لقي ملك ماسكة التليفون. مراد: "ملك، قومي جهزي الشنط عشان ماشيين بعد ساعة." ملك: "شنط إيه؟ ورايحين على فين؟ مراد: "هنسافر مصر." ملك: "دلوقتي؟ هنسافر دلوقتي؟ مراد: "أيوه، عشان عندي اجتماع الصبح بدري." ملك: "وأنا لازم أروح معاك؟ مراد: "أيوه، عشان أنا جوزك قدامهم. يلا جهزي الشنط بسرعة."

ملك: "ماشي." بعد ساعة، كانت ملك جهزت الشنط، ومراد قالهم إنه مسافرين. حطوا الشنط في العربية. ملك سلمت عليهم، ومراد سلم عليهم، وركبوا ومشوا. طلعوا من البيت الساعة ١٢. عدت ساعتين في الطريق، كان مراد بيسوق وملك نايمة وحاطة السماعات. وكان مراد بيبص عليها شوية وعلى الطريق. وبعد تلات ساعات، وصلوا البيت. مراد: "ملك، ملك اصحي، يلا وصلنا." ملك: "وصلنا فين؟ مراد: "البيت، يلا." نزلت ملك من العربية ومراد مسك إيدها.

ملك: "بتعمل إيه؟ مراد بصوت واطي: "البواب واقف قدامك." ملك مسكت إيده ووقفت مرة واحدة. بصت بصدمة.