رواية النصيب الفصل الرابع والعشرون 24 - بقلم وحيدة كالقمر

عند مراد في البيت. مراد كان بيتكلم في التليفون وخالص وملك كانت جايباله القهوة. ملك بتسأل: مراد ممكن أسألك سؤال؟ مراد بهدوء: اتفضلي اسألي يا قلبي. ملك بخوف: أنت بتشتغل إيه؟ مراد: عندي شركة اسمها شركة المنشاوي وبتصدر جزم وصنادل بتاعة سيدات. ملك بتوتر: تمام ماشي. مراد: جهزي الشنطة، مسافرين النهاردة بليل. ملك: رايحين فين؟ مراد: مفاجأة. ملك بفضول: قول رايحين فين. مراد بخبث: هاتي بوسة وأنا أقولك. ملك: مراد.

مراد: خلص مش هقول. ملك: طيب تعال... و باستُه في خده. مراد: رايحين... مش هقول عشان البوسة معجبتنيش. ومشي وملك كانت بتخبط رجليها في الأرض من كتر العصبية. جهزت الشنط وركبوا العربية ووصلوا المطار. كانت ملك مندهشة، أول مرة تشوف المطار. وبعد ربع ساعة ركبوا الطيارة وملك كانت خايفة وماسكة في إيد مراد. بعد كام ساعة وصلوا. ملك بتسأل: ممكن تقولي إحنا فين؟ مراد: تعالي شوفي بنفسك وأنتي هتعرفي إحنا فين.

مشوا شوية بالعربية ووقف مرة واحدة. مراد وهو بيشاور: بصي كده. بصت ملك بصدمة: أنا عارفة التمثال ده، ده كان في الكارتون اللي بسمعه... إحنا في فرنسا. مراد باصص عليها: أنتي كنتي بتسمعي كارتون؟ ملك بفرحة: أيوه. كملوا مشي بالعربية ووصلوا قدام يخت كبير. مراد: تعالي متخافيش. ملك بانبهار: ده جميل أوي. مراد: عجبك؟ ملك: أوي، حلو أوي. مراد: هنقضي شهر العسل هنا. ملك: أنت بتهزر. مراد: لا بتكلم بجد. ملك: بس ده غالي أوي.

مراد بحب: المركب وصاحب المركب تحت أمرك. ملك: المركب بتاعك؟ مراد: أيوه... تعالي أفرجك عليه. عند سيد الأنصاري. ميرنا: بابي أنا وكوكو طالعين نسهر شوية. سيد: ماشي. ميرنا: بابي عاوز فلوس. سيد: عاوزة كام؟ ميرنا: عشرين ألف. سيد: أجيبلك منين... خدي عشرة. ميرنا: مش هيكفوني. سيد: وأنا أعملك إيه؟ لو كنتي بتسمعي الكلام، كان زمانك مكان البنت اللي معاه دي وكنتي بتبذري في فلوسه. ميرنا: أوف يابابي، كل لما أقولك تقلي الكلمة دي.

سيد بعصبية: امشي يا ميرنا، خليني أعرف أفكر. في فرنسا. عند مراد كانوا مبسوطين وكل يوم يروحوا حتة جديدة ويتصوروا صور وكانوا عايشين في سعادة. خلص الشهر وكانوا بيجهزوا الشنط عشان يرجعوا. ملك: كنت عاوزة أقعد شوية كمان. مراد: مش هينفع يا روحي عشان عندي شغل. ركبوا العربية ووصلوا المطار وبعد ربع ساعة ركبوا الطيارة ووصلوا مصر. وصلوا الفيلا وسلموا على أم مراد وأبوه والدادة وطلعوا. تاني يوم مراد صحي بدري وراح الشركة.

ملك لما صحيت ملقتش مراد ولقيت ورقة ووردة. الورقة مكتوب فيها: صباح الخير يا ملاكي، أنا رحت الشركة بدري ومقدرتش أصحيكي عشان كنتي نايمة زي الملاك. افطري وكلميني... بحبك. ملك قرأت الرسالة وكانت فرحانة وقامت خدت شاور ولبست ورنت على مراد. مراد كان في اجتماع واعتذر وطلع يرد عليه. مراد بابتسامة: الوو، إيه يا قلبي عاملة إيه؟ ملك: الحمد لله. مراد: فطرتي؟ ملك: لا لسه. مراد: طيب روحي افطري كويس. ملك: ماشي يا حبيبي.

مراد: قلتي إيه؟ ملك: قلت ماشي. مراد: لا، اللي بعده. ملك بعدم فهم: يا حبيبي. مراد: هي دي، عايزك تقولي كده طول الوقت. ماشي يا قلبي. ملك: سلام. مراد: سلام يا روح قلبي. خلصت ملك المكالمة ونزلت. ملك بابتسامة: صباح الخير يا ماما. أم مراد: صباح الخير يا حبيبتي... فاضية النهاردة؟ ملك: أيوه. أم مراد: طيب هنروح أنا وأنتي المول نجيب شوية حاجات. ملك: طيب، هرن على مراد وأقوله. أم مراد: مش لازم تقلقيه، أنا ابقى أقوله. ملك: ماشي...

هطلع ألبس. لبست ونزلت ومشوا بالعربية ووصلوا المول ودخلوا. فضلوا يتفرجوا وأم مراد راحت قسم الجزم. ملك تاهت في المول عشان كبير وأول مرة تدخله. وبصت حواليها مش عارفة حد. وبصت على التليفون لقته مقفول عشان فاصل شحن. ملك وهي بتمنع نفسها تبكي: يا رب، أعمل إيه؟ المكان كبير، مش هعرف أطلع. رحتي فيا يا ماما... مراد... هطلع إزاي؟ أنا تهت.