رواية النصيب الفصل الخامس والعشرون 25 - بقلم وحيدة كالقمر

ملك كانت بتبكي ومش عارفة تعمل إيه. رنت على مراد. مراد: الو. ملك وهي بتبكي: مراد أنا تهت ومش عارفة أرجع. مراد بخوف: إنتي فين؟ ملك: في المول اللي قريب من البيت. مراد بهدوء: تمام، إنتي في أي قسم؟ ملك: في قسم هدوم السيدات. مراد: ماشي، ما تبكيش أنا جاي، خليكي عندك. لسه هيكمل، التليفون قفل. مراد مشي بسرعة من المكتب. عند ملك: ملك بتكلم نفسها: ياربي التليفون فصل، هعمل إيه؟

عشر دقايق ومراد وصل. أول ما وصل، ملك جريت عليه وحضنته جامد وحست بالأمان. مراد بيسأل: بتعملي إيه هنا؟ ملك: ماما قالتلي تعالي نروح أنا وإنتي المول نجيب شوية حاجات. وهي كانت معايا بس مش عارفة راحت فين. مراد بعصبية: ما قولتيليش ليه؟ ملك: ماما قالتلي... مراد قطع كلامها: هس، امشي. حسابي معاكي في البيت. ومشي وهو ماسك إيدها وبيقوم على مامته. وصلوا الفيلا ودخلوا. مراد بعصبية: ما رنتيش عليا ليه وقولتيلي؟

أم مراد: أنا قولتله ما يرنش، إحنا مش هنتأخر. مراد بعصبية: كنتي رنيتي عليا وقولتيلي برضه. طلع الأوضة وملك طلعت وراه. ملك: أنا كنت هرن عليك بس ماما قالتلي هي هتقولك. مراد بعصبية: ما تسمعيش كلام حد. أي حتة هتروحيها هترني تقوليلي الأول. وكمل بزعيق: شفتي اللي حصل؟ لو ما كنتيش لحقتي تكلميني ما كنتش لقيتك. ملك وهي بتبكي: أنا آسفة، مش هعمل كده تاني. مراد لما شافها بتبكي راح حضنها.

مراد بحنية: خلص، أنا آسف، ما تبكيش. يعني إنتي الغلطانة وبت'بكي كمان. ملك بزعل: عشان زعقت فيا. مراد بابتسامة: حقك عليا. وادي راسك أبوسه، ها اتصالحنا؟ ملك بابتسامة: اتصالحنا. مراد بابتسامة: صافي يا لبن؟ ملك بضحك: حليب يقشطة. 😂 نزل مراد تحت وشاف أمه قاعدة. مراد بتحذير: ماما، ما تاخديش ملك معاكي في أي حتة تاني غير لما تقوليلي. أم مراد: حاضر يا ابني. مراد: دادة فخرية. الدادة: نعم يا ابني.

مراد: اعمليلي قهوة لو سمحتي وهاتهالي على المكتب. الدادة: حاضر يا ابني. دخل مراد المكتب وقعد يشوف الورق ويشتغل. بعد خمس دقايق خبطت الدادة. مراد: ادخل. الدادة: القهوة يا ابني. مراد بابتسامة: شكراً يا دادة. طلعت الدادة وخبط الباب. مراد وهو بيبص للورق: ادخل. ملك فتحت الباب: ممكن أدخل يا مراد؟ مراد رفع عينه من على الورق: اتفضلي يا قلب مراد. ملك بانبهار: المكتب حلو أوي. مراد بابتسامة: عيونك هي الحلوة.

ملك بابتسامة: إنت بتشتغل هنا؟ مراد بابتسامة: بعمل الشغل هنا وآخد الشركة. صح، جهزي نفسك. ملك باستغراب: ليه؟ مراد بابتسامة: هتبدأي كلية بكرة وأنا اللي هوديكي. ملك بصدمة: إنت قدمتلي إمتى وإزاي بسرعة دي؟ مراد بتكبر: عشان تعرفي إنتي متزوجة مين. ملك: إنت معروف يعني؟ مراد: طبعاً معروف. ملك: ممكن محدش من اللي في الكلية يعرف إنك زوجي؟ مراد: ليه؟ ملك: عشان عايزة أكون طالبة عادية. مراد: وإيه يعني لما يعرفوا؟

ملك: هحس الكل بيبص عليا ومش هعرف آخد راحتي في الكلية. مراد: ولو حد ضايقك؟ ملك: ما تخافش عليا، محدش يقدر يعمل حاجة. مراد: أنا مش مرتاح، بس ماشي. هوصلك بكرة. ملك: ماشي. يوم جديد. صحت ملك ومراد كان لسه نايم. دخلت الحمام، خدت شاور، لبست، وصحت مراد. ملك: مراد، يلا هن'تأخر. مراد باستغراب: إنتي صاحية بدري ولبسة كمان؟ ملك: عشان الكلية، يلا قوم. مراد: حاضر، خمس دقايق هاخد شاور وهلبس. ملك: ماشي، يلا مستنياك.

مراد بابتسامة: ما تنزليش، استنيني. ملك: حاضر، يلا. خلصوا ونزلوا وركبوا العربية. مراد: خلي بالك من نفسك. ملك: حاضر. مراد: ما تكلميش حد وما تثقيش في حد، وكلي كويس. ملك: حاضر. مراد: أول ما تخلصي رني عليا أجي آخدك. ملك: حاضر. مراد: يلا وصلنا، خلي بالك من نفسك. ملك: حاضر يا قلبي... سلام. مراد بابتسامة: سلام. نزلت ملك ودخلت الكلية ومراد مشي. في الكلية، دخلت ملك المحاضرة وكانت لسه ما بدأت. كانت فيه واحدة

قاعدة جنبها وسألتها البنت: إنتي أول مرة تيجي؟ أنا مش شفتك خالص. ملك: أيوه، أول يوم ليا. ليلى بابتسامة ومدت إيدها: أنا ليلى، ممكن نكون أصحاب؟ ملك بابتسامة ومدت إيدها: وأنا ملك، ممكن طبعاً. ليلى: بصي يا ستي، المحاضرة هتبدأ الساعة ٨، يعني فاضل خمس دقايق. وفضلت ليلى تتكلم وملك بتسمعها، أصل ليلى رغاي'ة. وخلصت المحاضرة وطلعت ملك. رنت على مراد. وملك وهي ماشية، فيه واحد خبط فيها. الشاب: أنا آسف، ما شفتكيش.

ملك: عادي، ولا يهمك. الشاب: إنتي أول مرة تيجي؟ ملك: أيوه، أول يوم ليا. شكراً بعد إذنك. كانت لسه هتمشي بس نادى عليها الشاب: يا آنسة، الكتاب بتاعك. ومراد وصل وشاف.