رواية النصيب الفصل السابع 7 - بقلم وحيدة كالقمر

ملك كانت بتضرب الشاب على راسه وفجأة ملك قامت بخضة وصرخت. نور: ملك مالك في إيه؟ ملك: شفت كابوس. نور: نفس الكابوس بتاع كل مرة؟ ملك: أيوه. نور جابت له كوباية مياه. نور: خدي اشربي يا حبيبتي. ملك: شربت ورجعت للنوم تاني. نور نامت وملك فضلت صاحية. في الصباح. نسوان العائلة كانوا في المطبخ بيجهزوا الفطار. زينب: بت يا نور، أمال ملك فين؟ نور: نايمة يا أمي. فتحي: هي لسه نايمة لحد دلوقتي. جهاد: يمكن تعبانة، سيبوها شوية.

زينب: روحي يا نور شوفي أختك وصحيها. نور: حاضر يا أمي. فتحي: بنات آخر زمن. طلعت نور من المطبخ وهي طالعة بتقول: استغفر الله العظيم. الجده: مالك يا نور؟ نور: ماليش يا ستي، رايحة أصحّي ملك. الجده: روحي يا بتي. نور طلعت. نور: ملك، ملوكة، اصحي يلا، الساعة عشرة. ملك بنوم: خمس دقايق. نور: النهاردة يومنا يا ملوكة، قومي يلا. ملك: حاضر، هاخد شاور وأنزل. نور: طيب يا أختي، قومي يا بتاعت الشاور، أنا هنزل، تعالي ورايا. ملك: حاضر.

نزلت نور تحت، لقيتهم بيحطوا السفرة، راحت عملت معاهم، خلصت ودخلت المطبخ. سما: فين ملك؟ نور: نازلة دلوقتي. سها: طيب يلا نحضر السفرة بتاعتنا. نور: يلا. ملك: إيه يا بنات، عملتوا إيه؟ سما: هنحضر السفرة. سها: تعالي اعملي معانا. ملك: حاضر، أومال فين بيرو؟ سما: سافروا الصبح. ملك: سافروا فين؟ سها: سافروا شهر عسل. ملك: آه، دانا نسيت. سما: يلا يلا علشان نفطر. ملك: يلا. الرجالة فطروا والنسوان فطروا. في المندرة.

الجده: سما، بت يا سما. سما: أيوه يا جدي. الجده: اعملي لنا شاي قبل ما نروح نصلي الظهر. سما: حاضر يا جدي. مراد: سما، أنا عاوز قهوة. سما: حاضر. راحت المطبخ. سما: يا بنات، حد فيكم يعمل الشاي. نور: أنا هعمل الشاي. سما: وحد يعمل قهوة. سها: لمين القهوة؟ سما: لمراد. سها: لا معرفش، خلي ملك تعمله. ملك: وأنا مالي. سما: ملك، معلشي، اعملي علشان خاطري. ملك: حاضر، سادة ولا بسكر؟ سما: مش عارفة، هروح أسأله وأرجع.

سما راحت عند المندرة وشاورت لمراد وهو طالع. مراد: في إيه؟ سما: هتشرب القهوة إيه؟ مراد: سادة. سما: ماشي. سما دخلت المطبخ. سما: ملك، اعمليه سادة. ملك: ماشي. بعد عشر دقايق. ملك: انتوا واديتوا الشاي؟ سها: أيوه. ملك: طيب مين هيودي القهوة؟ نور: يا انتي يا سها. ملك: خدي يا سها. سها: لا، أنا لسه مودية الشاي، روحي انتي. ملك: سما راحت فين؟ نور: راحت الحمام، يلا القهوة هتبرد. ملك: ماشي. راحت عند المندرة، خبطت ودخلت.

ملك: القهوة. مراد: شكراً. ملك: هما راحوا فين؟ مراد: راحوا يصلوا. ملك: وانت مش بتصلي؟ مراد: هشرب القهوة وأروح وراهم. ملك: امم. مراد: انتي عارفة إحنا جينا من القاهرة ليه؟ ملك: لا. مراد بابتسامة: هتعرفي قريب. ملك مشيت وهي عندها فضول تعرف في إيه. الرجالة راحوا يصلوا والنسوان اجتمعوا وصلوا. عدى اليوم وجه الليل، البنات كانوا متجمعين كلهم في أوضة واحدة ويتكلموا ويضحكوا، وملك زي العادة بتجوع آخر الليل. ملك: بنات، أنا جعانة.

سما: آه، أنا عاوزة أنام. سها: خديني معاكي. ملك: آه يا خونا. وبصت على نور. نور: متتبصليش كده، أنا رايحة أنام. ملك: كلكم حيوانات. نور: استغفر ربك. ملك بغضب: استغفر الله العظيم. نزلت تعمل لنفسها حاجة ولقيت مراد. مراد: بعمل أكل. ملك: عاوز مساعدة؟ مراد: لا، أنا خلصت أصلاً. ملك: أصلاً؟ مراد: آه. ملك: تمام. قعدت ملك وهو جاب الأكل. مراد: دوقي وقولي رأيك. كان عامل مكرونة اسباجتي وعليه صلصة. ملك دقت وبصت له.

مراد: إيه، مش حلو ولا إيه؟ ملك: دي فظيعة جداً. مراد ابتسم: بجد. ملك: أيوه، انت اتعلمت الحاجات دي فين؟ مراد: أنا كنت مسافرة بره مصر بدرس، وأي حاجة اتعلمت هناك. ملك بعفوية: حلو قوي كده، هتعمل لمراتك لما تتجوز؟ مراد بص لها وقال: طبعاً هعمله. ملك: احم. وبصت في الأرض. مراد علشان يغير الموضوع: انتي بتدرسي إيه؟ ملك: فنون. مراد: انتي فنانة بق، بتعرفي ترسمي؟ ملك: أيوه. بعد لما خلصوا الأكل.

ملك: انت عارف إن يومي خلص، بس لازم أغسل دول. مراد: معلشي، أنا هغسل معاكي. ملك بصت بصدمة: انت هتغسل معايا؟ مراد: أيوه، فيه إيه؟ خلصوا المواعين وملك كانت طالعة تنام. مراد: ملك. ملك: نعم. مراد: تصبحي على خير. ملك: وانت بخير. في الصباح. نور: ملك، قومي، هتتأخري. ملك: حاضر، خمس دقايق. نور: تليفونك بيرن. ملك: فينه؟ نور: خدي أهو. ملك بنوم: الوو. سوسن: انتي لسه نايمة؟ يلا هنتاخر. ملك: حاضر.

قفلت وقامت لبست درس نبيتي وخمار نبيتي. ونزلت بسرعة. ملك: أدهم، أدهم، خودني معاك. أدهم: أنا رايح الشغل. ملك: وصلني في طريقك بالله عليك، هتأخر. أدهم: طيب، يلا اركبي. راحت عند سوسن الأول. رنت عليه. ملك: فينك؟ سوسن: أنا مستنياكي قدام العمارة. ملك: طيب يلا بسرعة. سوسن: حاضر. طلعت وركبت العربية. سوسن: صباح الخير. ملك: صباح الفل، اتاخرتي ليه؟ سوسن: أنا اللي اتاخرت. ملك: يلا يا أدهم، اطلع. مشوا بالعربية ووصلوا. نزلوا بسرعة.

أدهم: خدوا بالكم من نفسكم. ملك: حاضر. سوسن كانت تبتسم. ملك: يلا يا سوسي. وهما في المحاضرة دخل الدكتور. ملك بصدمة: يا نهار أسود.