رواية النصيب الفصل السادس 6 - بقلم وحيدة كالقمر

ملك كانت مستنية سوسي وفجأة بصت لقيت شاب بيبص عليها من بعيد. هي عينها رغرغت وكانت خايفة، افتكرت فلاش باك. قبل سنتين: ملك كانت واقفة عند المدرسة. شاب جه من وراها. الشاب: إيه يا ملك، اتأخرت عليكي. ملك: اتأخرت أوي، كنت فين؟ الشاب: كان عندي شغل، خلصته وجيت. ملك: طيب هنروح فين دلوقتي؟ الشاب: تعالي، هنقعد في كافيه بعيد شوية. في الكافيه: الشاب: ملك، انتي عارفة إني بحبك صح؟

ملك: أيوه، علشان كده بقولك استني شوية لما أخلص مدرسة. الشاب: ماشي، كده كده سنتين كمان وهخطبك. فلاش باك في الحاضر: ملك جريت لجوه وخبطت في مراد، بس كملت طريقه. هو استغرب. وبعد شوية جات سوسي. سوسن: سما، شفتي ملك؟ سما: شفته، كانت طالعة فوق من خمس دقايق. سوسن: ماشي، هطلع أشوفه. طلعت سوسن فوق، لقيته في الأوضة وقافل الباب. سوسن بتخبط: افتحي يا ملوكة، أنا سوسي. فتحت ملك الباب، وكانت في دموع في عيونها بس مش باينة.

أول ما فتحت سوسي حضنتها. سوسن: إيه مالك؟ ملك: ماليش. سوسن: بتداري عليه، أنا عارفاكي. ملك: تعالي وأنا هحكيلك. دخلت الأوضة وقعدت. سوسن: إيه يا ستي، قوليلي مين مزعلك؟ ملك: شفته، كان تحت. سوسن: مين اللي شوفتيه؟ ملك: يحيى، مش عارفة جه منين ولا إزاي. سوسن: جاي يعمل إيه؟ أنا لو شفته هموته. ملك: مش عارفة. سوسن: طيب متخافيش من حاجة، أنا معاكي. يلا امسحي دموعك وظبطي مكياجك ويلا ننزل. ملك: ماشي.

سوسن: خليكي قوية، دي مش ملك اللي أعرفه. ملك: ماشي، شكراً يا أحلى صحبة في الدنيا. وحضنوا بعض. سوسن: يلا بقى خلينا نفرفش. ملك: يلا. نزلوا تحت ورقصوا وزغرطوا، وبعدين قعدوا علشان تعبوا. سوسن: بصت فجأة، بت يا ملك، ملك. ملك: إيه؟ في إيه؟ سوسن: مقولتليش ليه إن أدهم جه؟ ملك: نسيت. سوسن: ينسيكي الموت يا قلبي. ملك بصت عليه، لقيته سرحان وعينه بتطلع قلوب. ملك هزته مرة واحدة وقالت: سوسي. سوسن: في إيه؟ ملك: سرحانة في مين؟

سوسن: انتي عارفة بقى، متكسفنيش. ملك: ماشي يا أختي. الفرح خلص وكل واحد راح على شقته. ملك بتفكير: استني يا سوسي، متروحيش لوحدك. سوسن: متفكريش إني هبات عندك، مش هينفع خالص. باي، أشوفك بعد بكرة. ملك: استني بس، انتي مش عارفة أنا بفكر في إيه. سوسن: بتفكري في إيه يا بت؟ ملك: دقيقة وهاجي، أوعي تمشي. سوسن: ماشي، يلا. دخلت ملك بسرعة وهي بتنادي على أدهم. ملك: أدهم، أدهم، انت فين؟ أدهم: في إيه؟

ملك: تعال، صحبتي ماشية، تعال وصلها. أدهم: حد قلك إني بسوق؟ ملك: لا، قالولي إنك مينفعش تسيب البنت تمشي لوحدها بليل، صح يا أدهومي؟ أدهم: صح، بس متقوليش "أدهومي" دي تاني. ملك: ماشي، يلا بسرعة. طلعت لقيت سوسن واقفة مستنياها. ملك: سوسي، إيه اتأخرت؟ سوسن: يا ملك، الوقت اتأخر أوي. ملك: علشان كده مش هينفع تمشي لوحدك. أدهم. أدهم: أنا وراكي، مش بعيد. سوسن بصت لملك وبرقتله، وبعدين بصت لأدهم. سوسن: لا، أنا كده هتعبك معايا.

ملك خبطت أدهم في إيده وقالت بصوت واطي: قول حاجة. أدهم: لا تعبك راحة، اتفضلي. وركبوا العربية. ملك شورتلهم باي باي ودخلت جوه. ملقيتش حد، راحت على المطبخ وكانت بتدور على أكل علشان مأكلتش اليوم كله. بصت فجأة. ملك بخضة: يا بني آدم، انت بتطلع لي منين؟ مراد: أنا كنت جعان. وبعدين أنا مش عفريت علشان تتخضي كده. ملك: ما انت لو بتعمل صوت أنا مش هتخض. مراد: طيب بتعملي إيه؟ بتأكلي؟

ملك: تعالي اعملي معايا بدل ما انت حاطط إيديك في جيوبك كده. مراد: هعمل إيه؟ ملك: خد الطماطم والفلفل واعمل سلطة. مراد: تمام، ماشي. كانت ملك مستغربة إنه بيعمل. مراد: مالك بصالي باستغراب ليه؟ ملك: باين عليك متكبر ومبتعرفش تعمل حاجة. مراد بصدمة: أنا؟ ملك: أيوه، على فكرة أنا صريحة جداً. خلصوا الأكل وقعدوا يأكلوا، وبعدين شالوا كل الباقي. ملك: أنا هعمل نسكافيه باللبن، هعملك معايا؟ مراد: ماشي، بس أنا أول مرة أشربه.

ملك: ده طعمه حلو أوي، هعمل ودوق. مراد: ماشي. عند أدهم في العربية: أدهم كان ساكت ومش بيتكلم. أدهم: وصلنا، ده البيت. سوسن: أيوه، شكراً. أدهم: العفو. سوسن وهي بتفتح باب العربية، وقعت منها النسيال بتاعه من غير ما تاخد بالها. دخلت البيت وهي مبسوطة ودخلت على الأوضة على طول علشان محدش يحس بيها. عند ملك: ملك: إيه رأيك، حلو مش كده؟ مراد وهو بيبصله: حلو أوي. ملك: لما انت مش بتشرب النسكافيه والشاي، بتشرب إيه؟ مراد: بشرب قهوة.

ملك: دي وحشة أوي ومرة. مراد: بحبه، بيظبط الدماغ. ملك: امم. مراد: انتي قولتي إنك صريحة. ملك: أيوه. مراد: طيب بصراحة كده، كان مالك انهارده؟ ملك: مفيش، كنت تعبانة شوية. مراد: ماشي. قامت ملك قبل ما يسأل عن حاجة تاني. ملك: تصبح على خير. ومشت قبل ما يرد عليها. بعد لما مشيت: مراد: وانتِ من أهلي. في حاجة وراكي لازم أعرفها. دخل أدهم. أدهم: انت بتكلم نفسك؟ مراد: تعال تشرب إيه؟ أعملك؟ أدهم: لا شكراً، أنا أروح أنام.

مراد: وأنا كمان أروح أنام. بليل عند ملك: ملك: سيبني، سيبني، مش هروح معاك، سيبني يا حيوان. وضربت الشاب على راسه.