رواية النصيب الفصل السادس عشر 16 - بقلم وحيدة كالقمر

صحيت ملك من النوم لقيت مراد نايم وهو قاعد جنبها وماسك إيدها. كانت بتبص عليه، وأول لما اتحرك عملت نفسها نايمة. صحي مراد وحط إيده على راسه علشان يشوف درجة الحرارة، لقها كويسة. وهي فتحت عيونها في الوقت ده كأنه لسه صاحية. ملك: صباح الخير. مراد: صباح النور، عاملة إيه دلوقتي؟ ملك: كويسة الحمد لله، بس راسي وجعاني شوية. مراد: هجبلك تفطري وتاخدي برشامة وهتبقي تمام. ملك: بس أنا مش بفطر دلوقتي. مراد: علشان كده بيجيلك الصداع.

وجاب الفطار. نزل مراد تحت ودخل المطبخ. مراد: صباح الخير يا داده. الدادة: صباح النور يا ابني، الفطار جاهز. مراد: ممكن يا داده تحطي في صينية علشان ملك هتفطر فوق. الدادة: ليه يا ابني؟ مراد: ملك تعبانة شوية. الدادة: ودّيها لدكتور يا ابني، شوف مالها. مراد: حاضر، وهاتيلي برشام صداع. الدادة: حاضر يا ابني. حضرت الدادة الفطار في الصينية. مراد: هاتي يا داده، أنا هطلعهم. الدادة: حاضر يا ابني. خد مراد الفطار وطلع. خبط.

ملك: اتفضل. دخل مراد الأوضة وحط الصينية على السرير. مراد: وادي الفطار وصل. ملك: بس أنا مش بفطر دلوقتي. مراد: هتفطري دلوقتي، مش عاوز كلمة تاني، وأنا اللي هاكلك بإيدي. ملك: مراد هتتأخر على الشغل. مراد: مفيش شغل النهارده. ملك: النهارده إجازة عندكم؟ مراد: لا، أنا مروحتش النهارده علشان هنروح لدكتور. ملك: أنا كويسة، مش هروح عند دكتور. مراد: طيب، كُلي علشان متروحيش، يلا افتحي بقك.

كان مراد بيوكلها وهي مستغربة من تصرفاته، كانه بيعامل طفلة. خلصوا أكل وعطاه البرشامة. ملك: كنت عاوزة أتكلم معاك بخصوص الكلية. مراد: ارتاحي وبعدين نتكلم. ملك: ماشي. نزل مراد تحت ودخل المكتب وعمل مكالمة. عدى نص اليوم وهو في المكتب. طلع من المكتب وكان طالع على فوق، بس وقفته الدادة. الدادة: مراد يا ابني، لو طالع تشوف ملك، هي مش فوق. مراد: فين يا داده؟ الدادة: في الجنينة.

راح مراد الجنينة، لقاها قاعدة على الكرسي بتاع المرجيحة وكانت سرحانة. قعد جنبه. مراد: الحلو سرحان في إيه؟ ملك: ماما وحشتني أوي، وكل اللي في البيت وحشوني، وجدو ونور والكلية وسوسي. مراد: إنتي لسه مكملتيش يومين جاية. ملك: أنا حاسة كأني ليا شهر هنا. مراد: لدرجة دي. ملك: أنا لوحدي، مفيش حد معايا، قاعدة لوحدي على طول، زهقت. مراد: عاوزة تطلعي؟ ملك: يا ريت. مراد: روحي البسي. ملك: هنروح فين؟ مراد: في المكان اللي إنتي عاوزاه.

ملك بفرحة: بجد؟ مراد: بجد، يلا قبل ما أغير رأيي. ملك طلعت تجري لبست دريس لونه رمادي وخمار بلونه ونزلت بسرعة. ملك: خلصت، يلا. مراد فتح لها باب العربية وركبت وركب هو كمان ومشوا. ملك: مراد، إحنا رايحين فين؟ مراد: مفاجأة.