رواية النصيب الفصل السادس والعشرون 26 - بقلم وحيدة كالقمر

ملك مسمعتش الشاب قال إيه، لما شافت مراد راحت لمراد وركبت العربية. مراد: مين الي كنتي واقفة معاه ده؟ ملك: معرفوش. مراد: مش قولت متقفيش مع حد متعرفيهوش. ملك: أنا كنت ماشية وهو خبط فيا من غير ما يقصد. مراد بغيرة: ساب الكلية كله وجه خبط فيكي؟ ملك: مراد مكنش يقصد. مراد محبش الموضوع يطول: ماشي... عملتي إيه في أول يوم؟ ملك بابتسامة: اتعرفت على صديقة اسمه ليلي، بنت كويسة جداً وطيوبة جداً، وأخدنا المحاضرات بس.

مراد: يعني اليوم كان حلو؟ ملك: يعني مش أوي. مراد بهزار: علشان أنا مكنتش معاكي. ملك: أيوه. مراد بابتسامة: بجد؟ ملك بابتسامة: بجد... أنت يومك كان إزاي؟ مراد بابتسامة: شغل بس، اليوم مبيعديش غير لما أسمع صوتك. ملك كانت باصة لمراد وهي مبتسمة. وصلوا الفيلا. عدى شهر على ملك في الكلية، ومراد كان بيوصلها كل يوم. في يوم جديد، مراد: يلا يا ملك. ملك: حاضر.. خد الشنطة. مراد خد الشنطة وحطها في العربية وركبوا.

ملك بخوف: أنا حاسة إن فيه حاجة حصلت. مراد بيطمنها: متخافيش يا حبيبتي، مفيش حاجة حصلت. ملك بخوف: أنت كلمت جدي؟ هو كويس؟ مراد: كويس جداً. ملك: طيب قالي إيه؟ مراد: قالي ملك وحشتني، هاتوها وتعالوا اقعدوا أسبوع. ملك: مش عارفة قلبي مش مطمن... هنروح ونشوف. بعد كام ساعة من السفر وصلوا. الجد كان في استقبالهم. ملك وهي بتحضن جدها: جدي وحشتني أوي. الجد بهزار: يلا يا بكاشة، لو كنت وحشتك كنتي كلمتيني على طول.

ملك بابتسامة: يا جدي أنا مشغولة في الكلية، لما بكون فاضية برن وبسأل عليك.. بس أنت اللي مش بتسأل. الجد: بص لمراد، أنت مش بتقول لملك حبيبة جده إني بسأل عليه؟ مراد بابتسامة: بقول طبعاً. الجد: يلا ادخلوا. دخلو كلهم وسلموا عليهم. ملك: وحشتوني خالص والبيت كمان وحشني. أم ملك: وأنتي كمان وحشتينا يا حبيبتي. الجد: كُلوا وريحوا شوية علشان في حد جاي. ملك: مين يا جدي؟ الجد: هتشوفي لما ييجي. كُلوا وطلعوا في الأوضة اللي جهزهالهم.

ملك بابتسامة: عارف أنا مبسوطة إني جيت.. بس أنت متأكد إنك خدتلي إجازة لمدة أسبوعين؟ مراد: أيوه، ليه؟ ملك: علشان لما كنت هنا لو مت مش باخد إجازة. مراد بابتسامة: أنتِ متعرفيش أنتِ متجوزة مين يا بنتي، أنتِ متجوزة مراد المنشاوي. ملك بضحك: عارف والله... وبطل تكبر. بعد نص ساعة نزلوا يستقبلوا الشخص اللي جاي. كلهم كانوا عارفين مين اللي جاي، بس ملك متعرفش.

دخل الشخص المنتظر وكان أبو ملك. كلهم سلموا عليه بشوق وحنين، بس ملك كانت مصدومة. الجد: ملك سلمي على أبوكي. ملك كانت واقفة متنحة، وأبوها رايح عنده وكان هيحضنها، وهي رجعت لورا. أبو ملك: ملك بنتي أنا أبوكي. ملك كانت بتقرب بس سمعت طفل جاي بيجري ناحية أبوه وبيقول: بابا بابا. ملك بصدمة والدموع بتنزل.