رواية النصيب الفصل الثاني والعشرون 22 - بقلم وحيدة كالقمر

في الليل كل واحد راح ينام في أوضته. راحت ملك أوضته ولقيت مراد قاعد على السرير. ملك باستغراب: بتعمل إيه هنا؟ مراد: الأوضة كلها اتملت، هنام هنا. ملك: الأوضة كلها؟ مراد بمسكنة: أيوة، عايزني أنام في الصالة أهو 🥺 عليكي. ملك بحنية: لا طبعًا يا روحي. مراد كان بيتكلم وهو بيقرب من ملك: أنا كنت عارف إني مهونش. وكان رايح يبوسها وملك مسكت المخدة وحطتها في وشه. ملك بضحك: هتنام على الركنة؟ مراد بزعل: يرضيك أنا على الركنة؟

ملك: يرضيني، عقبال ما نتزوج. مراد: إحنا متزوجين أصلًا. ملك: لما نعمل الفرح يعني. ملك وهي رايحة تنام على السرير: تصبح على خير. مراد بضيق: وإنتي بخير. وراح نام على الركنة. في صباح يوم جديد. صحي مراد قبل ملك، وخد شاور ولبس. وملك كانت نايمة. مراد وهو بيحط من عطره، رش شوية ناحية ملك، وملك صحت على الريحة. ملك فتحت عينيها وقالت: مراد، إنت كابب العطر كله عليك ولا إيه؟ مراد بابتسامة: دي رشة بسيطة. ملك بسخرية: بسيطة أه.

مراد: أولًا صباح الخير، ثانيًا يلا جهزي نفسك عشان نروح نختار الفستان. ملك: فستان إيه؟ مراد: فستان الفرح. ملك: هنختار الفستان من دلوقتي؟ مراد: أيوة، يلا أنا هنزل. ملك بمقاطعة: لا استناني، هاخد شاور بسرعة. مراد: طيب، يلا. دخلت ملك الحمام، ومراد عمل مكالمة. بعد عشر دقايق طلعت ملك من الحمام وحطت ميكب خفيف. ملك: مراد، يلا. مراد: يلا يا حبيبتي. نزلوا تحت، الكل كان موجود. ملك بابتسامة: صباح الخير. الكل: صباح النور.

مراد: هنروح مشوار، لو في حاجة رنوا عليا، يلا يا ملك. مشوا وركبوا العربية ووصلوا قدام مطعم. ملك: وقفت ليه؟ مراد: هننزل عشان نفطر. ملك: أنا مبفطرش. مراد: تعالي بس، دي أكلة خفيفة. نزلوا من العربية ودخلوا المطعم. واحد من الموظفين: أهلًا وسهلًا بيك يا مراد بيه. مراد: أهلًا بيك. الموظف: هجيب لحضرتك الطلبية حالًا يا فندم. ومشى. وملك كانت قاعدة مستغربة، وجاب الطلبية. ملك بصت للكل. ملك: إيه ده؟ مراد: دوقي وقوليلي جميلة.

ملك كانت بتاكل وبتقول: جميلة جدًا فعلًا. خلصوا ومشوا، ووقف قدام محل فساتين. دخلو وكانوا بيتفرجوا وطلعوا، ودخلوا محل تاني ومحل تالت. وبعدين ملك شافت فستان جميل ورقيق. مسكت فستان. ملك: مراد، الفستان ده عجبني أوي. مراد: وأخيرًا فستان عجبك. روحوا البيت. في البيت. ملك طلعت الفستان: بصي يا ماما جبنا إيه. أم ملك: ما شاء الله. أم مراد: جميل أوي. البنات: حلو أوي. نور: تعالي جربيه. ملك: دلوقتي؟ نور: أيوة. ملك: ماشي، يلا.

بعد عشر دقايق. ملك: إيه رأيك؟ نور: ما شاء الله، طالعة جميلة أوي. ملك: يلا. نور: استني، غيري الطرحة وأنا هشوف ماما بتنادي. ملك: ماشي. ملك غيرت الطرحة بطرحة بيضة ونزلت عشان توريهم. ملك ملقتش حد، وكانت بتدور عليهم ملقيتهمش. ملك: مراد.. مراد.. ماما.. نور، فينكم؟ لقيت باب الفيلا مفتوح، طلعت تبص في إيه، واتفاجئت بيهم كلهم واقفين وجايبين الطبل البلدي. قعدوا يطبلوا ويرقصوا. ملك واقفة مش مصدقة.

مراد بابتسامة: ممكن أرقص معاكي يا عروستي؟ ملك بابتسامة: طبعًا. رقصوا نص ساعة، وبعدين راحوا على القاعة، وملك كانت بتحط ميكب جوه، والقاعة اتملت ناس. راح مراد خبط. فتحت له سها. سها: نعم يا عريس، في حاجة؟ مراد: يلا الناس جات بره ومستنيين. سها: طيب، يلا يا عروسة. مراد خد ملك وراحوا القاعة.

القاعة النور كله اتطفى ونوروا على العرسان. الكل قعدوا يصفقوا وشغلوا أغنية "طلي بالابيض". وبعدين وقفوا في نص القاعة وبدأوا يرقصوا. رقصة السلو. وشغلوا أغنية. من أول دقيقة كانوا بيتكلموا وهما بيرقصوا. ملك: إنت عملت كل ده امتى؟ مراد: كانت مفاجأة، عجبتك؟ ملك: عجبتني أوي. مراد: وفي مفاجأة تاني. ملك: مفاجأة إيه؟ مراد: مينفعش أقول. ملك مبسوطة أوي: مراد. مراد: عيون مراد. ملك: أنا بحبك.. أنا بحبك أوي. مراد: وأنا كمان بحبككككك.

مراد وشال ملك ولف بيها. خلصوا رقصة السلو، وبدأوا يرقصوا الكل مع بعضه. وراحوا قعدوا في الكوشة والناس بتيجي تبارك. ملك كانت بتتكلم مع سها وسمعت مراد بيقول إيه اللي جابهم دول.