رواية النصيب الفصل الحادي والعشرون 21 - بقلم وحيدة كالقمر

كانت ملك نائمة والباب خبط، قامت بنوم وفتحت، كان مراد اللي على الباب. ملك بابتسامة: صباح الخير يا مراد. مراد بابتسامة: قولي مساء الخير، كل ده نوم، احنا بقينا الضهر، وكمان ساعة بالظبط ويوصلوا. ملك وهي بتتوب: الساعة كام؟ مراد وهو بيبص في الساعة اللي في إيده: الساعة ١٢. ملك: يلهوي، نمت كتير أوي. مراد: يلا، ساعة ويوصلوا، خدي شور والبسي وانزلي. ملك: ماشي، مين اللي جايين؟ مراد: أهلك وأهلي جايين من الصعيد.

ملك وهي لسه مش مستوعبة: ماشي. وقفت الباب دقيقة وفتحت الباب تاني بسرعة. ملك: أنت كنت بتقول إيه؟ مراد: بقول إن جايين من الصعيد. ملك بعصبية: محدش قالي لي! مراد: اهدي، هما رنوا عليا امبارح وأنا نسيت أقولك. ملك: أنا مجهزتش حاجة، لا أكل ولا أوضة. مراد: اطمني، داده فخرية عملت كل حاجة، يلا علشان قربوا يوصلوا علشان نستقبلهم أنا وإنتي. ملك هديت شوية: ماشي. ودخلت الأوضة ومراد نزل تحت. مراد دخل المكتب وبدأ يشتغل وتليفونه رن.

زياد: مراد، ما جيتش الشركة النهاردة يعني؟ مراد: أهلي جايين من الصعيد، مش هقدر أجي. زياد: تمام، ماشي.. البضاعة هتوصل بكرة. مراد: ماشي، بكرة هستلم البضاعة بنفسي. زياد: ماشي. وقفل التليفون وبص وراه لقي ملك بتخبط. ملك سمعت آخر المكالمة وافتكرت إن مراد بيتاجر في المخدرات علشان قال بضاعة، وكانت باصة ومتنحة. مراد بابتسامة: تعالي يا حبيبتي. ملك بابتسامة: بتعمل إيه؟ مراد: كنت بكلم زياد في شغل. ملك اكتفت بابتسامة.

مراد وهو بيقرب من ملك: سيبك من الشغل، إيه الحلوة دي؟ ملك وهي بتبص في عيونه: مراد. مراد سرحان في عيونه: عيون مراد. لسه هيقرب، التليفون رن، رد. مراد: نعم. البواب: الجماعة وصلوا يا بيه. مراد: ماشي. وقفل. مراد: كان نفسي نكمل اللحظة الحلوة دي، بس هما وصلوا. ملك: طيب يلا. مراد: يلا. فتحوا باب الفيلا وملك ومراد استقبلوهم. ملك سلمت على أمه والبنات ومراتات عمامه، ومراد سلم عليهم كلهم. ملك وهي بتدور على أدهم: ماما، أدهم فين؟

أدهم وهو داخل: أنا هنا يا ملوكة. ملك جريت عليه وحضنته جامد. ملك: وحشتني أوي. أدهم: وإنتي كمان وحشتيني أوي. ملك: تعالوا اقعدوا، أنت تعبتوا من الطريق. يوسف وياسين أخوات ملك التوأم: لا، إحنا جعانين. ملك: حاضر يا قلبي، خمس دقايق والسفرة تكون جاهزة. دخلت ملك المطبخ. ملك: إيه يا داده، خلصتوا ولا لسه؟ الدادة: خلصنا يا بنتي. ملك: طيب يلا طلعوا على السفرة وأنا هطلع معاكم، يلا. الدادة: حاضر. وهم قاعدين بياكلوا.

سها: بس إيه رأيك في المفاجأة دي؟ ملك: حلوة أوي، بس غريبة، هو جدو وعمو خالد ومراته وستي وعمو مصطفى ومراته مجوش ليه؟ أم ملك: مش هينفع يجوا يا بتي، هيسيبوا البيت والأرض لمين. سما: وعبير مش هتقدر تيجي علشان حامل وكده. ملك: طيب، أنا جهزت الأوض علشان ترتاحوا شويا.