رواية النصيب الفصل الثاني 2 - بقلم ريل محمد

بعد مسافة كدا جدي جيه يتكلم معايا، كان باين عليه الزعل. الجد: ليه يابنتي؟ دا انتي اللي بقول عليكي عاقلة وعارفة الغلط والصح والحلال والحرام، تيجي تعملي كدا؟ وأنا عياط بس مش قادرة أرد، أنا عارفة غلطي. الجد: اتكلمي يا بنتي، ليه كدا؟ ياسمين: والله مش بإيدي، أنا بحبه وعارفة إنه غلط، بس أنا هاعمل إيه؟ قلبي مش بإيدي. الجد: وإنتي بتحبي حد ما بيحبكيش؟ مسحت دموعي وقلت بسرعة ولهفة: ياسمين: لا يجدو، والله بيحبني.

الجد: اللي بيحب حد بيحافظ عليه حتى من نفسه، بيغيره للأحسن مش للأسوأ، صح يا بنتي؟ ياسمين: صح يا جدو، بس هو والله بيحبني. الجد: عارف إنه بيحبك، بس لازم تعرفي إن دا غلط وما يرضيش ربنا، وأي علاقة يابنتي بدايتها ما ترضيش ربنا نهايتها كمان ما ترضيش ربنا. قام عشان يروح، فناديت عليه. ياسمين: وبابا يا جدو؟ الجد: باباكي سبيه دلوقتي، وبكرة حاولي صالحيه، ماشي؟ حضنته وعيط. ياسمين: ربنا يخليك لينا يا جدو...

هو أنا ممكن أطلب منك طلب؟ الجد: أمري يا حبيبتي. ياسمين: أنا كنت عايزاه تقول حاجة لأسر. بصلي بنظرة حادة. ياسمين: يا جدوو🥺 عشان خاطري، هو حيسافر وأنا مش هشوفه تاني 😭💔 أنا عايزك بس تطمني عليه وتقوله اللي هقولك عليه. الجد: لا، تطمني إيه؟ دا أبوكي اتوصى فيه جامد، ويلا بطلي عياط وقولي عايزة إيه. بسته من خده وقلت له:

ياسمين: قوله يسافر وإني بحبه وهفضل أستناه لحد ما يرجع، إنه يمسح رقمي ولو هو نصيبي هيلاقيني وأنا كمان، وإنه يصالح بابا قبل ما يسافر ويقول له إنه خلاص مافيش حاجة بينا تاني، ودا فعلاً. باس راسي وقالي: الجد: ربنا يكملك بعقلك، يلا نامي وابقي الصبح حاولي مع أبوكي. ياسمين: حاضر يجدو. وشكراً لأنك سمعتني وفهمتني غلطي براحة، أنا كنت فاكرة إنك جاي تكمل ضرب بعد بابا.

الجد: أبوكي بيحبك، وعلى قد حبه وثقته فيكي وفي أسر اللي كان بيعتبره ابنه، على قد صدمته وحس إنكم استغفلتوه. جدو راح، وأنا قفلت الباب وفضلت أعيط. ... عند أسر. كنت رايح جاي، أنا ما كانش قصدي اللي حصل، أنا غلطت وهي اتضربت بسببي، ودلوقتي مش عارف أعمل إيه، ومش عارف بيعملوا فيها إيه. أسر: يارب احميها يارب. جدو جيه وقال لي: الجد: كدا يبني؟ كدا تستغفلنا وتكسر ثقتنا فيكم؟

أسر: والله يا جدو أنا بحبها، ووالله عمري ما فكرت فيها غلط، ولا هي كانت بتسمح بدا، بس والله أول مرة، وكانت غلطة وندمت إني اتسرعت وسمعت للشيطان، دا أنا بخاف عليها من الهوا الطاير، يعني مستحيل أعمل معاها حاجة غلط. الجد: بس غلط، واديها اتضربت، ولسه إنتي عارفة اللي فيها، وإنها مش هتسلم من مراتات أعماك، صح؟ أسر: عارف يجدي... أنا خلاص هسافر عشان أقدر أتجوزها. الجد: لو نصيبك هتلاقيها.

أسر: لا يا جدي، لو اتجوزت أموت فيها، دي هيا اللي مصبراني على الدنيا، أنا مليش غيرها يجدي، مليش ولا أم ولا أب ولا أخوات، هي اللي مديني أمل في الحياة. الجد بمحاولة تلطيف الجو: إيه يا ولد؟ مليش حد في الدنيا وأنا إيه؟ رجل كرسي. ضحكت وبسته رأسه وإيده. أسر: دا إنت الخير والبركة. أنا لولا وجودك بعد بابا وماما الله يرحمهم، أنا كنت هكون في الشارع.

الجد: يلا يا ولد، بلاش نكد، يلا روح نام عشان تشوف تجهيزات سفرك وتصالح عمك قبل ما تسافر، دا بيعتبرك زي ابنه. أسر بندم ورأسه في الأرض: حاضر يجدو.

صحيت تاني يوم وطلعت أدور على شغل كالعادة بشهادتي اللي بقيت أحس إنه مالهاش لازمة بجد. ودي كانت آخر محاولة، كنت بحاول ألاقي حل غير السفر، مش عايز أسافر، حاسس إنه لو سبتها وسافرت هيجوزوها. أنا عارف إنها بتحبني وهتحاول، بس أنا كمان عارف عمي ومراته، وإن ياسمين مش بتعرف تدافع عن نفسها أو ترفض، كل حاجة كانت بتعملها غصب عنها، دا حتى دراستها خلوهاش تدرس اللي نفسها فيه. فضلت أدور من شركة لتانية، ولكن كالعادة الوظايف كلها بيخدها اللي معاه واسطة. رحت البيت ولقيت عمي

(أبو ياسمين) . وقفتو. العم: عايز إيه يا كلب؟ قلت له: عايز أتكلم معاك. قال لي: مفيش كلام بينا. قلت له: ورحمة أبويا وغلاوته عندك تسمعني. قال لي: قول عايز إيه. قلت له: عايز أعتذر منك، اعتبرني ابنك وغلط، ووالله عمري ما هقرب من ياسمين، أنا كدا كدا مسافر ومش هتشوفني قريب، بس أنا مش عايزك تكون زعلان مني، أنا بحبك وبعتبرك زي أبويا. أنا هسافر بعد بكرة، يمكن أموت أو الطيارة تتقلب بيا. قالي: بعد الشر.

ابتسمت له وقلت له: ربنا يخليك ليا، وبست إيده ورأسه. قلت له: حضن بقى عشان يمكن بكرة وبعده متشوفنيش. قال لي: امشي، أنا أصلاً مش عايز أشوفك. يلا روح من وشي. ضحكت وقلت له: من ورا قلبك يا روحي. قال: روح من وشي بدل ما أديك بالجزمة على وشك، روحي. قال، ضحكت ودخلت عند جدي وقلت له: خلاص عمي اتصالح وأنا مسافر بعد بكرة. قال لي: ربنا يحفظك ويبارك فيك ويرزقك يا بني، ويوقف لك ولاد الحلال.