بعد م كل واحد لبس حبيبته الدهب، لاقوا حد داخل عليهم. إبراهيم وقف مصدوم: انت جيت ازاي؟ آدم، أخو إبراهيم: يعني شقي يتخطب ومجيش، تبقى عيبة في حقي. إبراهيم بفرحة وهو بيحضنه: والله واحشني ياض، كبرت وبقيت عريس قد الدنيا. أمنية: بقولك إيه، تعالا أنا وأنت نتخطب ونهرب من أخوك، انت أحلى منه أصلًا. آدم وهو بيسلم على أمنية: وأنا موافق مولاتي، يلا بينا. أمنية: يلا يا بيبي.
إبراهيم بصدمة: آها يا ولاد الورمة، وثانية واحدة بتقوليله إيه يا اختي؟ أمنية ببراءة مصطنعة: يا بيبي، مالك في إيه؟ إبراهيم بنرفزة: ده أنا هنفخك. أحمد بضحك: أهلًا يا دومة، نورت. آدم: أبو حميد، أهلًا بيك، البلد منورة بيك، ومبروك ليك وليكي يا آنسة مريم. مريم: شكرًا، وعقبالك يا رب. آدم: يارب، يلا جهزين للمفاجأة؟ أمنية بحماس: جدًااااا. آدم: اتفضل يا أستاذ. إبراهيم: أمنية، قبل ما تشوفي المفاجأة، انتي واثقة فيا أنا وأحمد صح؟
أمنية ببعض من الخوف: أيوة واثقة فيكم، في إيه؟ إبراهيم: عايزاكِ تلبسي الشال ده على راسك، وأوعي مهما حصل تقلعيه، تمام؟ أمنية بتوتر: حـ حاضر. آدم: اتفضل يا مولانا. مريم وأمنية بصدمة: إيييييه، في إيه؟ أحمد وإبراهيم بضحك: أصل المفاجأة إنها خطوبة وكتب كتاب، ويلا بينا بقى. وقعد أحمد وأخو مريم، محمود، وكتبوا الكتاب. مريم قلبها دق جامد عند الجملة الشهيرة: "بارك الله لكم وبارك عليكم وجمع بينكما في خير".
أحمد بفرحة: قام حضنها ولف بيها. أخيرًا بقيتي ملكي. مريم بكسوف: بحبكك. أحمد: بموت فيكي. إبراهيم: مـ خلاص يا جدعان، دوري بقى. أحمد بضحك: خلينا شوية. إبراهيم: يلا يا بابا، فكك منه، مهو حضن ولف. محمد بضحك: يلا يا خويا. المأذون: قول ورايا يا ابني. وفجأة النور قطع. أحمد بسرعة: مريم، انتي فين؟ مريم: أنا هنا أهوه. إبراهيم: أمنية، أمنية، انتي موجودة؟ أمنية: لا رد. آدم: أنا هطلع بسرعة أشوف في إيه.
إبراهيم: بسرعة، أمنية لو بتعملي فينا مقلب، قولي. وفجأة النور جه وحصلهم صدمة كبيرة أوي.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!