رواية الوحل الفصل الأول 1 - بقلم شروق الجندي

فى قسم قصر النيل، فى تمام السادسة مساءً، كانت هناك أصوات عالية ونحيب. خرج الضابط حسن من غرفته وقال بصرامة: "إيه يا عسكري الصوت ده؟" هرول إليه رجل ستيني ومعه امرأة ثلاثينية وهم يبكون: "أنجدنا يابيه، والنبي. حفيدتي طلعت للدرس من الضهر ومرجعتش تاني." حسن: "سألتوا عن أصحابها؟" الأم: "ملهاش صحاب، دي يتيمة الأب وملناش حد بعد ربنا يابيه." حسن: "مينفعش أعمل محضر غير بعد 24 ساعة، يعني وجودكم هنا مش هيفيدكم." بكت الأم بقهر: "يعني إيه بنتي هتروح مني عشان قانون ظالم ومعندوش رحمة؟ وهي لو بنتك كنت استنيت ساعة حتى! حسبي الله ونعم الوكيل فيكم." خرجوا وهم يبكون بقلة حيلة. أما هو، دخل مكتبه وألقى الأوراق على الأرض وزفر بضيق، وفتح النافذة لكي يتنفس. فدخل صديقه معاذ ورأى الفوضى في كل مكان: "مالك يابني؟ اهدئ، فيه إيه؟" حسن: "اهدئ إزاي؟ دي سابع حالة اختفاء في شهر واحد، أنا هتجنن. إحنا بنعمل تحريات مكثفة ومفيش أي نتيجة، والناس عندهم حق يخافوا. وكمان مش في مكان واحد وأعمار مختلفة. لو أعرف بيصطادوا ضحاياهم إزاي، هعرف أجيبهم." دخل العسكري فجأة: "تمام يافندم، وصلتنا إشارة من قسم مصر الجديدة إنهم لاقوا طفل في حدود 10 سنين ملفوف بشوال ومرمي تحت كوبري، وبطنه مفتوحة وأعضائه مسروقة!!"