رواية الورث الفصل التاسع 9 - بقلم صلاح الديب

فهد ارحم أمي العيانة، متنقطنيش. محمد: بصراحة بصراحة، لما عرفوا إن ريم هتاخدها، طردوني وقالوا مستحيل تحط رجلها فيها. ريم: أنا كنت عارفة، بس مش هسكت. فهد: هتعملي إيه؟ ريم: عايزين حد يكون مضمون ومشهور، ومحدش يعرف إنه يخصنا. فهد: ها وبعدين؟ ريم: هنجيبه ونتفق معاه، ويدخل المزاد ويشتري الفيلا، وبعد كده إحنا ناخدها منه. فهد: حلاوتك وأنتِ بتخططي يا مهندسة. ريم: هذا من فضل ربي. بس هنجيب الشخص ده منين؟

فهد: ولا أي حاجة، محلولة. ابن عمي… عامر جاي من إيطاليا بكرة الصبح، ومحدش يعرفه هنا خالص، ولا حد يعرف إن ليا ابن عم أصلاً. ريم: حلو قوي، نجهز بقى الدنيا ونربط مع الناس اللي داخلة، ونشوف هنشتري بأي سعر، وكل ده في سرية تامة. فهد: إيه ده، أنتِ إزاي كده واتعلمتي ده كله فين وإمتى وإزاي؟ بعد كل اللي حصل معاكي بتعملي كل ده؟ ريم: متنساش إن أبويا كان من أفضل رجال الأعمال في مصر والشرق الأوسط، ودراستي وتعامل في الشغل مع الناس.

فهد: لا، برافو عليكي، وكل يوم بكتشف إني اخترت صح، وحبي ليكي بيزيد وبيكبر عن اليوم اللي قبله. ريم: متشكرة، بس أنا عند كلامي، لو خدت الفيلا هفرحك بخبر أعتقد إنه هيسعدك. فهد: إن شاء الله الفيلا بتاعتك، متقلقيش. ريم: إن شاء الله. يلا، هستأذنك هروح أخلص شوية شغل، وبعدها هنام، عندنا بكرة يوم طويل. فهد: إيه ده، مش هنتعشى؟ ريم: معلش، مش قادرة، وأكلت متأخر أصلاً في المكتب. كل أنت بألف هنا. يلا، تصبح على خير.

فهد: وأنتِ من أهل الخير. خلي بالك من نفسك، وسوقي على مهلك. ريم: شوف مين بيتكلم عن السواقة بالراحة، طب خلي حد غيرك يقول ده. فهد: هههه، طب خلاص يا ستي، أنا آسف. سوقي بسرعة. ريم: هههه، سلام. فهد: سلام. وعدى اليوم، وجه ميعاد المزاد، وظبطت كل حاجة مع ابن عمي، واتفقنا معاه وعرفناه هيقول إيه ويتعامل إزاي. وأحلى حاجة إنه محدش يعرفه، وإنه لسه راجع من إيطاليا، وهيقول إنه لسه راجع من بره وقرر يستقر في مصر.

وفعلاً ده اللي حصل، وكلنا في الفيلا قاعدين على أعصابنا منتظرين إنه يكلمنا يقول تمت العملية بنجاح. ريم: هما اتأخروا كده ليه؟ أنا قلقانة قوي. فهد: متقلقيش، أنتِ عارفة الحاجات دي بتاخد وقت. وبعدين أنا قولتلك الفيلا بتاعتك، ليه القلق ده؟ ريم: أنا خايفة حد ياخدها، أنت مش متخيل الفيلا دي بالنسبة لي إيه، ولا ممكن يحصلي إيه لو حد غريب دخلها. فهد: متقلقيش، إن شاء الله محدش هيدخلها غيرك.

ريم: يا رب يا فهد، يا رب. تليفونك بيرن، أكيد عامر. رد بسرعة. فهد: حاضر… الوو، أيوه يا عامر، ها عملت إيه؟ نقول مبروك؟ ريم: إيه بتقول إيه؟ فهد: ثواني يا ريم، أفهم بس. فهد: ها يا عامر، بجد الكلام ده؟ طيب خلاص، تعالي وأنا هتصرف. يلا، مستنيك. ريم: إيه؟ الفيلا اتباعت صح؟ اتباعت؟ أنا كنت حاسة. فهد: بصراحة، هي اتباعت أه، بس ليناااااا. ريم: بجد؟ قول والله. فهد: أه وربنا. ريم: أنت غلس على فكرة، خضيتني.

فهد: هههه، ألف مبروك عليكي. يلا فرحيني بقا. ريم: طيب، علشان أنا مبسوطة بس هسامحك. فهد: ها، طب قول. ريم: بص ياسيدي. فهد: بصيت. ريم: أنا بصراحة معجبة. فهد: ها. ريم: أنا معجبة بحد أنت تعرفه قوي، وهو جه طلب إيدي، وأنا حسيت إنه مناسب ليا وهيقدر يسعدني ويكون سندي. فهد: حد مين؟ طب وأنا مين؟ ده هو ده الخبر اللي هيفرحني؟ ريم: عايز تعرف هو مين؟ فهد: أه، يا ريت. ريم: بص وراك كده.