ريم عايز تعرف هو مين؟ فهد: اه ياريت. ريم: طب بص وراك كده. فهد: ورايا؟ هو هنا كمان وموجود معانا؟ ريم: منا بقولك انت تعرفه كويس. بص بس. فهد: اما اشوف مين دا اللي فضلتيه عليا… فين؟ مفيش حد موجود غيري. ريم: ركز. بص هناك كده. فهد: هناك؟ فين؟ مش تجننيني؟ ريم: طب تعالي امشي معايا. فهد: مشيت. ريم: ها شايف ايه؟ فهد: شايف نفسي في المرايا.
ريم: اهو دا اللي انا اخترته وفضلته عليك. وبكده نبقي خالصين. انت عملت فيا مقلب وانا عملت فيك مقلب. فهد: احلي مقلب دا ولا ايه. ابعت اجيب الماذون بقي. ريم: حيلك حيلك. لسه بدري. انا الاول هروح الفيلا واظبطها. وحشتني قوي وكل ركن فيها وحشني. وبعدها هنعمل حفلة كده صغيرة بمناسبة رجوعي فيلتي والخطوبة. وكتب الكتاب ناجله شوية. فهد: ناجله ليه؟ ناجله. انتي مش ناقصك حاجة ولا انا كمان. ليه بقي التاجيل؟ ريم: ناقصني. ناقصني كتير.
فهد: ناقصك ايه؟ ريم: ناقصني حضن ابويا وامي ووجودهم معايا في يوم زي دا. ناقصني ارجع كل حاجة بتاعتي تاني. وان شاء الله مش هرتاح غير لما دا يحصل. فهد: ان شاء الله هيحصل وهنرجعهم مع بعض واحنا متجوزين. ريم: طب معلش استحملني بس نمشيها خطوبة دلوقتي. ونشوف كتب الكتاب بعدين. فهد: حاضر. ريم: انت مش متخيل انا مبسوطة ازاي. ونفسي اشوف ولاد عمي هيعملوا ايه لما يشوفوني داخلة الفيلا ويعرفوا انها رجعتلي.
فهد: اه صحيح. فكرتيني. اتصل بعامر اشوف عمل ايه. ريم: ايوه صحيح. اصلا زمان ولاد عمي عرفوا الحقيقة. الوو. ايوه يا عامر. انت فين وعملت ايه؟ مين معايا؟ وفين عامر؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!